Markoo̱ 1:27 - Xo̱jo̱n eén Néná

²⁷ Kó ngayeje xotaa̱ nga achichí katsakjónní, kó bi̱ katsó ja̱kꞌi̱e̱ ja̱ngaján nga asíyaá xkjín: –Mí ni xi̱ꞌbi̱. ¡Kui nda̱a̱ ngo ni tja̱tsi̱e̱ tsꞌénbokoyá, kó xikoó tsi xá tjiín! ¡Ngaskande a̱siénni̱xtjin xi ndajín botixómaá, kó ntꞌiéꞌeén!

Markoo̱ 1:27 Iomraidhean Croise

Matioo̱ 15:31

ngaskande kijíndikón maá xota̱ kjiín nga kamábe nga tsíchji̱a̱ xi ni̱ma̱a̱, ko̱jo nga kamándaya xi ni̱ma̱ tsjaa̱, ko̱jo nga kamándaya xi kamájín kijií, ko̱jo nga kamátsijee̱n xota̱ xi ti̱ka̱a̱, kó ngayeje xotaa̱ nga katsjaá kjo̱a̱je Nee̱ Israee̱l.

Matioo̱ 8:9

Ngatꞌa̱ ti̱ bo̱a̱ ti̱ tsꞌén án, ti̱ tjínna ngo ngito̱ko̱ xi botixómána, kó ti̱ tjínna jájún xi botixomáa̱, kó tsi bi̱ xiáa̱n xi̱ꞌbi̱: Tꞌen ji, kó ko̱e̱je̱, kó tsi kje̱ꞌe xí ja̱bíꞌi̱n xiáa̱n, kó kji̱ndi̱bá, kó kjiꞌanga moso̱na tsangiya an nga sa̱ꞌín ngo ni, tsꞌénkjátjosónna.

Matioo̱ 9:33

Kó Kjisoo̱ ngije tsꞌaxié kui a̱si̱énni̱xtjii̱n xindajiín, nda̱ xi májín chji̱a̱a̱, tsíchji̱a̱, kó ngayeje xotaa̱ kijíndikoón kui nii̱, kó bi̱ katsoó xkjín: Kji̱e̱ ngo ndi̱yà yàjne̱ kui nii̱ kꞌi̱e̱ Israee̱l.

Markoo̱ 1:26

Kó kui a̱siénni̱xtjin xi ndajiín ꞌniú ítsanieyá kui nda̱a̱, kó ꞌniú askjandáyà, sꞌe̱ jatjoxiejii̱n yojoo̱.

Markoo̱ 1:28

Kó ꞌniú tsá kandaꞌyá kjo̱a̱a̱ Kjisoo̱, ngayeje nangi xi tjín Ngalilea̱.

Markoo̱ 10:24

Kó xota̱ tsi̱ꞌe̱ Kjisoo̱ achichí kijíndikoón kui én xí tsíchji̱a̱, ta̱nga Kjisoo̱, ti̱ bi̱ ti̱ katsó nginií: –Jún bo̱a̱ ndí, ¡achichí niꞌin kjiꞌi nga kꞌo̱sꞌien nínga botíxomaa̱ Néná kuí xota̱ xi kjimaꞌniátakón kjo̱a̱cho̱o̱n!

Markoo̱ 10:32

Kó nga ndyi̱fínijíngí xtji̱e̱e̱n na̱xi̱ńdáꞌniú Jerusale̱n, Kjisoo̱ kistsoꞌbátjoón xota̱ tsi̱ꞌe̱. Kó kui jaá kijíndikoón, kó katsakjónní nga tjimátji̱ngii̱. Sꞌe̱ Kjisoo̱ ti̱ tsíchji̱a̱tꞌaxín nginií já xí tiejoó, kó íni̱jmi̱ì ni xi sꞌe̱ ka̱maa̱,

Markoo̱ 16:5

Kó nga tsꞌasꞌien ngi̱ya ti̱xa̱nga̱tsjo̱ó, kamábe ngo nda̱ xo̱ngò xí yajá ngo ńjñondio tiboa, xi tikón xtji̱e̱e̱n nga fojnií nínga kisꞌie Kjisoo̱, kó kui ínchjiín achichí katsakjónní,

Markoo̱ 16:6

ta̱nga kui nda̱ xo̱ngo̱ò, bi̱ katsoó: –Ngata̱ ndakonjínmájnú. Jè be an nga Kjiso̱ xi chji̱a̱ni Nasaree̱t xi ndyi̱mindyiséjnú, nda̱ xi akjatꞌa kroo̱. Jè jaꞌáꞌyaá, jè ngiti̱ jmíjín kꞌi̱e̱e̱, tsitsíjenjnúu̱ ngi̱ndie nínga kisꞌie.

Markoo̱ 7:37

Kó achichí kijíndikoón xotaa̱ kui nii̱, kó bi̱ katsó: –Ngayeje nii̱ xi nda tjítsꞌén. ¡Ngaskande tsꞌénkíntꞌié xota̱ xi xtiya, ko̱jo tsꞌénkíchji̱a̱ xota̱ xi ni̱ma̱!

Rkaa̱ 4:36

Kó ngayeje xotaa̱ nga kijíndikoón, kó ja̱kꞌi̱e̱ ja̱ngaján, bi̱ katsoó xkjín: –Mí eén xi̱ꞌbi̱, nga kui nda̱a̱ tjiín xá, kó tjiín ngaꞌniú nga botixómaá a̱siénni̱xtjin xi ndajín, kó fotjo.

Rkaa̱ 9:1

Kó Kjisoo̱ ngije ítikó nga tiejó xota̱ tsi̱ꞌe̱, katsjaá ngaꞌniú ko̱jo xá, tsi̱ꞌe̱ nga ka̱maa̱ kꞌo̱xié ngayeje to̱ko̱ya a̱si̱énni̱xtjii̱n xindajín, ko̱jo nga sa̱ꞌíndaya ngayeje xota̱ xi tjiín chiꞌin.

Ni xi kamá 17:19

Kó tsangínjo̱ Pabloo̱ nínga síndo jáxá xí ꞌniú nkꞌa xaá xi botixómaá na̱xi̱ńdáꞌniú Atena̱, kó bi̱ tsꞌén asíyá kui jaá: –A ka̱ma xcha̱jne̱ mí ni tja̱tsi̱e̱ xi kjoéꞌe̱kakoyéjne̱.