Markoo̱ 1:24 - Xo̱jo̱n eén Néná

²⁴ Mí xí tjiín kjo̱a̱a̱ ji̱n, Kjiso̱ xi chji̱a̱ni Nasaree̱t. A jè kjoéꞌe̱ niꞌínkjiéjne̱. Jè be an ꞌyání jí, kó jè be an nga ji xi xota̱ tsjiee̱ Néná.

Markoo̱ 1:24 Iomraidhean Croise

Xo̱jo̱n Salmoo̱ 16:10

ngatꞌa̱ ki̱a̱jín kꞌuijñí ji ini̱ma̱na ngi̱ya nga̱tsjo̱ó, ti̱nde ko̱e̱ꞌéndièjín ji nga xota̱ tsjièe̱ sku̱i̱e̱ ni xi jatsoo̱n.

Éksondo̱ 14:12

A mí tsí bo̱a̱ kiꞌmíjne̱ ji kui ni̱xtjin jàn nga ngata̱ niꞌínxtíjínjne̱, kó nga ta̱sá ko̱e̱ꞌéndièjne̱ nga si̱ꞌanxájne̱ nganda tsi̱ꞌe̱ xota̱ Ejiptoo̱. ¡Ngatꞌa̱ ta̱sá nda ngase tsi ki̱a̱ kamára̱ ji̱n moso̱, ta̱bo̱a̱jiín nga kꞌi̱e̱ ko̱yàjne̱ nangi kixií!

Matioo̱ 2:23

Kó nga jachó ki̱a̱a̱, ki̱a̱ kisꞌińdo ndí na̱xi̱ńdáꞌniú Nasaree̱t, tsi̱ꞌe̱ nga jatjosón ni xi katsó já chji̱ni̱e̱ꞌe̱én Néná nga bi̱ katsó: Nda̱ xi chji̱a̱ni Nasaree̱t kꞌuin.

Matioo̱ 8:29

Kó bi̱ katsó nga askjandáyà kui jaá: –Mí ni xi tjiín kjo̱a̱a̱ ji̱n, Kjiso̱, ndií Néná. A jè kjo̱a̱ni̱ma̱ kjoéꞌe̱ niꞌínkjeꞌejne̱ ngindiee̱ nga kjo̱chó ni̱xtjii̱n.

Markoo̱ 1:23

Kó ki̱a̱ ndiꞌa nínga ndokjo̱a̱ eén Néná, kisꞌijña ngo nda̱ xi tjíjii̱n ngi̱jin yojoo̱ ngo a̱siénni̱xtjin xi ndajín, xi bi̱ katsó nga askjandáyà:

Markoo̱ 1:25

Kó Kjisoo̱ katsꞌénxchánjo̱ kui a̱siénni̱xtjin xi ndajiín, nga bi̱ katsoó: ¡Se niꞌín ji, kó ti̱tjaxi̱e̱jin ji ngi̱jin yojoo̱ kui nda̱a̱!

Markoo̱ 10:47

Kó nga tsintꞌié nga Kjisoo̱, nda̱ Nasaree̱t xi kjoaꞌaa̱, kui nda̱ ti̱ka̱a̱, bi̱ katsoó nga askjandáyaá: –¡Kjiso̱, ji xi xota̱ tji̱e̱e̱ Ndabii̱ ji, ngatamani̱ma̱a̱ an!

Markoo̱ 14:67

kó nga kamábe nga Peé xi tjítsꞌénꞌásoo̱ yojoo̱ tꞌa ndiꞌií, askotsijen ndá ndaá, kó bi̱ katsoó: –Ko̱jo jí boá xi tińtje̱je ji Kjiso̱ xi chji̱a̱ni Nasaree̱t nga.

Markoo̱ 16:6

ta̱nga kui nda̱ xo̱ngo̱ò, bi̱ katsoó: –Ngata̱ ndakonjínmájnú. Jè be an nga Kjiso̱ xi chji̱a̱ni Nasaree̱t xi ndyi̱mindyiséjnú, nda̱ xi akjatꞌa kroo̱. Jè jaꞌáꞌyaá, jè ngiti̱ jmíjín kꞌi̱e̱e̱, tsitsíjenjnúu̱ ngi̱ndie nínga kisꞌie.

Markoo̱ 5:7

Kó askjandáyà má, nga bi̱ katsoó Kjisoo̱: –Mí xí tjiín kjo̱a̱a̱ an, Kjiso̱, ndií Néná xí tikón ndiꞌakꞌajmi jàn. ¡Ti̱ꞌingatꞌee̱ Néná, nga jmí kjo̱a̱ni̱ma̱ niꞌínkjeꞌejínní!

Rkaa̱ 1:35

Kó ndítsjiee̱, bi̱ katsoó: —A̱si̱énni̱xtjii̱n Néná kji̱ndi̱bánieé ji, kó ngaꞌniuú Néná xí tikón ndiꞌakꞌajmi jàn ko̱óꞌmánii̱ tji̱nkꞌi̱e̱én, kuíni nga kui ndí xí stse̱én jí, ndií Néná kꞌuiín.

Rkaa̱ 24:19

Kó Kjisoo̱, bi̱ katsoó kui jaá: –Mí ni xi kamá. Sꞌe̱ bi̱ katsó kui jaá: –Kjo̱a̱a̱ Kjisoo̱, nda̱ xi chji̱a̱ni na̱xi̱ńdáꞌniú Nasaree̱t, nda̱ chji̱ni̱e̱ꞌe̱én Néná, xi nkꞌa kamá xaá kjo̱a̱a̱ ngayeje ni xi katsꞌén, ko̱jo ni xi akóyá, kó kamáyàndikón ngindyi̱ko̱n Néná ko̱jo ngindyi̱ko̱n ngayeje xota̱ na̱xi̱ńdaá,

Rkaa̱ 4:34

–Mí xí tjiín kjo̱a̱a̱ ji̱n, Kjiso̱ xi chji̱a̱ni Nasaree̱t. A jè kjoéꞌe̱ niꞌínkjiéjne̱. Jè be an nga jí boá xi xota̱ tsjiee̱ Néná.

Rkaa̱ 8:28

Kó kui nda̱a̱ nga kamábe Kjisoo̱, ꞌniú askjandáyà, kó asiéntikoó tꞌa se Kjisoo̱ sꞌe̱ bi̱ katsó: –¡Mí xí tjiín kjo̱a̱a̱ an, Kjisoo̱, ndií Néná xí tikón ndiꞌakꞌajmi jàn! ¡ꞌNiú tsꞌénmíꞌaá nga jmí kjo̱a̱ni̱ma̱ niꞌínkjeꞌejínní!

Rkaa̱ 8:37

Kósꞌe̱ ngayeje xota̱ xi chji̱a̱ni nangi Jerasa̱, ꞌniú tsíꞌáa̱ Kjisoo̱ tsi̱ꞌe̱ nga kjo̱tjoni kui nangii̱, ngatꞌa̱ achichí katsakjónní kjo̱a̱a̱ kui ni xi kamaá. Kó Kjisoo̱ tsꞌasꞌien ngi̱ya tjotso jee̱, sꞌe̱ kijí.

Juaa̱ 6:69

Kó ji̱n jè kisꞌijinjne̱, kó je yàjne̱ nga ji xi Kristoo̱, ndií Néná xí tikoón.

Ni xi kamá 2:27

Ngatꞌa̱ kꞌuijñímasinjínní ki̱a̱ ngi̱ndiee̱ kjo̱a̱bo̱yaa̱, ti̱nde ko̱e̱ꞌéndièjín ji nga kjo̱tsòn yojoo̱ nda̱ xi tsjie ngindyikin ji.

Ni xi kamá 24:5

Kui nda̱a̱, jè ꞌniú tsꞌéntsjájne̱ kjo̱a̱xti, kó ngayeje són nga̱sondiee̱ tsoꞌbá nga jó tjín tjítsꞌén xota̱ jundíoo̱, ko̱jo nga kui xi ngito̱ko̱o̱ xota̱ xi chji̱a̱ni Nasaree̱t tjítsꞌén yojoo̱,

Ni xi kamá 3:14

Ta̱nga jún ngindiee̱ nga chji̱a̱ꞌajnú nga sꞌi̱jñandé, ngatꞌa̱ nda̱ xi tsjie ko̱jo nda̱ xi kixi̱ kamá, kó ta̱sá jún kichjiáꞌájnú nga ikꞌíjñandé ngo nda̱ xi tsꞌenkꞌién ini̱ma̱.

Ni xi kamá 4:27

Ngatꞌa̱ nga ja̱koxi̱ nga ngo tjín katsꞌén yojoo̱ Erondee̱, ko̱jo Ponsio Pilatoo̱, ko̱jo xota̱ xi Israee̱ljín, ko̱jo xota̱ Israee̱l, kꞌi̱e̱ kui na̱xi̱ńdáꞌniuú nga kondra̱ kijií nda̱ tsjie, ko̱jo moso̱ xi ꞌmí Kjisoo̱, kui xi ji kachjeꞌéjin ji nga Kristoo̱ ka̱ma,

Xo̱jo̱o̱n Sandiyaá 2:19

A sꞌijii̱n ji nga ta̱ ngo tsí má Néná. Ja̱ ndakjiꞌi ni xi niꞌín ji. Ta̱nga ngaskande ko̱jo ndítsjiee̱ xindajín sꞌijii̱n nga, kó fotsié má nga tsakjón má.

1 Xo̱jo̱o̱n Juaa̱ 2:20

Ta̱nga jún jè tikónjnú A̱si̱énni̱xtjii̱n Néná xi katsjájnú Kristoo̱, kó jè yàjnú ni xi ja̱koxi̱i̱.

Ni xi akakoo̱ 3:7

Bi̱ tsꞌén ti̱ꞌinꞌindée̱ ndítsjiee̱ xota̱ na̱ngo̱xi̱i̱ Filandelfiaa̱: “Kui nii̱ xi tsó kui xi tsjie ko̱jo xi ja̱koxi̱i̱, kui xi tikoón yibii̱ nda̱ re Ndabii̱, kui xi kjiꞌanga tjín xi kjíxꞌá, ta̱ꞌyajín xi ka̱maa̱ ku̱i̱ꞌíchjá, kó kjiꞌanga tjín xi ꞌbíchjá, ta̱ꞌyajín xi ka̱maa̱ skjíxꞌá: