Markoo̱ 1:14 - Xo̱jo̱n eén Néná

¹⁴ Kó ngije kanangisꞌien ndo̱bo̱a̱yà Juaa̱, Kjisoo̱ kijí nangi Ngalilea̱ nga íni̱jmì éntjatsi̱e̱e̱ Néná.

Markoo̱ 1:14 Iomraidhean Croise

Matioo̱ 11:2

Kó Juaa̱ nga tjiꞌyá ndo̱bo̱a̱yà, tsintꞌié ngayeje ni xi tjítsꞌén Kristoo̱, kó katsangiya jó xota̱ tsi̱ꞌe̱,

Matioo̱ 14:2

kó bi̱ katsoó já mosoo̱: –Kjisoo̱, kuí boá xi Jua̱ xi botíndaá xi jaꞌáꞌyá nginií ngi̱jii̱n xota̱ xi jesoón, kuíni nga tjiín ngaꞌniú nga tsꞌén kjo̱a̱ndikón.

Matioo̱ 4:12

Kó nga tsintꞌié Kjisoo̱ nga Juaa̱ ndo̱bo̱a̱yà tjiꞌyá, kijíꞌoyá nginí nangi Ngalilea̱.

Matioo̱ 4:17

Ngaskande koó kjiꞌa ítsꞌi̱yanii̱ Kjisoo̱ nga íni̱jmì eén Néná, kó bi̱ katsó: –Ti̱ꞌankꞌoyàjnú yojojnú, ngatꞌa̱ Néná jè tsá ko̱tíxoma.

Matioo̱ 4:23

Kó Kjisoo̱ kijí ngayeje na̱xi̱ńdá xí chji̱a̱ni nangi Ngalilea̱, nga akóyá éntjatsi̱e̱e̱ Néná ki̱a̱ ndiꞌa nínga ndokjo̱a̱ eén Néná, kó íni̱jmì kjo̱a̱a̱ nínga botixómá Néná, ko̱jo katsꞌéndaya ngayeje xota̱ xi tjiín ngo chiꞌin, ko̱jo xi oo̱n.

Matioo̱ 9:35

Kó Kjisoo̱ kijí ngayeje na̱xi̱ńdáꞌniú ko̱jo ndí nangi, kó akóyá ngi̱ya ndiꞌa nínga ndokjo̱a̱ eén Néná, kó íni̱jmì éntjatsi̱e̱ xi chji̱a̱ kjo̱a̱a̱ kjo̱a̱botíxomaa̱ Néná, kó katsꞌéndaya ngayeje chiꞌii̱n ko̱jo xi so xi ndakjaa̱n xota̱ na̱xi̱ńdaá.

Rkaa̱ 3:20

kó ingo ni xi ndajín katsꞌén ngase, nga katsangisꞌien ndo̱bo̱a̱yà Juaa̱.

Rkaa̱ 8:1

Kó jaskan ngije kamá kui nii̱, Kjisoo̱ kijí ngayeje na̱xi̱ńdáꞌniú ko̱jo ndí nangi, nga katsóyà éntjatsi̱e̱e̱ kjo̱a̱a̱ nínga botixómá Néná. Nga tiejó xota̱ tsi̱ꞌe̱ ki̱a̱ nijan kistsoꞌbájo̱,

Ni xi kamá 20:25

Kó kuíni nga ngotꞌe̱ ꞌne̱ ꞌniú kixi̱ tikòn an nga nde ingojín jún, xi je ini̱jmìi̱ éntjatsi̱e̱e̱ nínga botixómá Néná xi sku̱i̱e̱ ngase kje̱n án.

Ni xi kamá 28:23

Kó ngije ngo ni̱xtjin ikꞌíjñaá, achichí xota̱ jachókoón Pabloo̱, kui xi katsóyaà kjo̱a̱a̱ xikótsꞌèn ko̱tíxoma Néná ndeskande nga ta̱jño̱ó ngaskande nga kamángixoón, kamámejeén Pabloo̱ nga sa̱ꞌínꞌindakon kui xotaa̱ kjo̱a̱a̱ Kjisoo̱, nga katsꞌénkjién xo̱jo̱n kjo̱a̱kitii̱ Moisee̱, ko̱jo xo̱jo̱n xi katsꞌénꞌindó já chji̱ni̱e̱ꞌe̱én Néná.

Xota̱ Roma̱ 1:1

Tsꞌentíndejnú Pabloo̱, nda̱ xi Néná tsíchji̱a̱a̱ nga katsjáxaá tsi̱ꞌe̱ nga apostro̱ ka̱ma an, kó íjñátꞌaxínna, tsi̱ꞌe̱ nga kꞌuini̱jmì án éntjatsi̱e̱e̱ Néná.

Xota̱ Éfeso̱ 2:17

Kristoo̱ jeꞌetsjá éntjatsi̱e̱ xi yaꞌa kjo̱a̱xioó. Kó bo̱a̱ tsꞌén kasakojnú kjo̱a̱xioó jún xi kjin kixindyionnijnúu̱ Néná ngasꞌe̱, kó ti̱ kasakoo̱ xota̱ xi tiña síndonii̱ Néná nga.