Lebitiko̱ 1:3 - Xo̱jo̱n eén Néná

³ »Tsi tjín xí ngo kjo̱a̱tjó xi ndií cho̱yojo sa̱ꞌínkꞌasꞌienna, chjiéngá kui cho̱o̱, ngo cho̱ xi xi̱ꞌin ko̱jo xi nda ngatama. Kó ki̱a̱ ngatjíjo̱ nínga bitjasꞌi̱e̱nnii̱ ndiꞌandikoón,

Lebitiko̱ 1:3 Iomraidhean Croise

Jenesii̱s 22:13

Kósꞌe̱ Abraa̱n, ti̱ kjiꞌa kamábe nga xtji̱e̱e̱n nga̱xto̱n ngi̱jii̱n yásarsaa̱ tjítsakjájin ngo cho̱tsa̱nga̱ xi jaꞌatji ndi̱ja̱a̱, kó katsoboá kui cho̱o̱, sꞌe̱ katsꞌénkꞌasꞌiee̱n Néná ngo kjo̱a̱tjó ngajoo̱ ndií.

Jenesii̱s 22:8

Kó bi̱ katsó Abraa̱n: —Néná tsja̱aná ndí cho̱tsa̱nga̱ xi si̱ꞌankꞌasꞌién ñá kjo̱a̱tjoó xi̱ꞌin. Kó kijíra ngase nga joó.

Jenesii̱s 8:20

Jaskan Noee̱ katsꞌénda ngo ṉchandikón nínga katsꞌéndikón Néná, kó iskjíbé jó cho̱ ko̱jo cho̱ xi tjiín tsja̱nga̱ xi tsꞌénjóꞌo Néná nga niꞌánkꞌasꞌiee̱n kjo̱a̱tjó, kó ítí kui cho̱o̱ nganda tsi̱ꞌe̱ Néná.

Xo̱jo̱n Salmoo̱ 110:3

¡Jájúu̱n ngatsjaá tsꞌoa nga ka̱ma ka̱maꞌnítakín ji ki̱a̱ nga̱són na̱xi̱i̱ Néná kui ni̱xtjin nga ka̱ma kjo̱a̱xcha̱án! Kjiꞌanga kjo̱tjo tsꞌueé, ngasakó ngaꞌniú nginií.

Xo̱jo̱n Salmoo̱ 40:8

Ji Ne tsa̱ꞌa̱n, nga tsꞌenkjatjosón an ni xi mejeén ji, kuí nii̱ xi tsie ngase kjo̱a̱tsja tsjána, ¡kó kjo̱a̱bokoyáa̱ ngi̱jin ini̱ma̱na tikónjin!

Éksondo̱ 24:5

Kósꞌe̱ íxaá já xo̱ngò xí chji̱a̱ni xota̱ Israee̱l, xi katsꞌénkꞌasꞌiee̱n Néná cho̱yojo toro̱ kjo̱a̱a̱ kjo̱a̱xioó.

Éksondo̱ 29:18

Kó ki̱a̱ nga̱són ṉchaa̱n tꞌítí ji ngayeje kui nii̱, kuí boá kui nii̱ kjo̱a̱tjó xi sije̱n ka̱mana an, tsi̱ꞌe̱ nga sa̱ꞌinjetakón an jeé xotaa̱.

Éksondo̱ 29:4

»Ngije kiniꞌín kui nii̱, tꞌenje̱ ji Aaroo̱n ko̱jo jaá ki̱a̱ nga̱ntjo̱a̱a̱ ndiꞌandikoón, kó bo̱a̱ tꞌíi̱n nga ngatangóyá.

Éksondo̱ 29:42

Ngayeje xota̱ Israee̱l ko̱jo xota̱ tji̱e̱e̱ chjiéngá ngatsjéni̱xtjin sa̱ꞌínkꞌasꞌienna kui kjo̱a̱tjoó ki̱a̱ nínga bitjasꞌi̱e̱nnii̱ ndiꞌandikoón. Kó ki̱a̱ boá nínga skuie an xota̱ Israee̱l, kó ki̱a̱ kuichjiájoo ji. Án boá xi ngo ngi̱ndie xi tsjie sa̱ꞌin an ki̱a̱a̱.

Éksondo̱ 32:6

Kó nga kamángindyiojón, ngayejee̱ nga achichí ta̱jñóyà jastjíe̱n, kó katsꞌénkꞌasꞌiee̱n kjo̱a̱tjó ko̱jo katsꞌénkꞌién cho̱ tsi̱ꞌe̱ nga tsíꞌaá kjo̱a̱niꞌánjetakón nee̱. Sꞌe̱ jaskan iskjinie nichinie, ko̱jo katsꞌe ni xi ꞌyó, sꞌe̱ kitié.

Éksondo̱ 35:21

Sꞌe̱ jaskan kui xotaa̱ jachójo̱ ni xi ngayeje kon nga kamámejeén nga tsja̱á Néná, tsi̱ꞌe̱ nga kamánda ndiꞌandikoón ko̱jo tsi̱ꞌe̱ nga ka̱manda ńjño xi ko̱a̱ja̱ chináꞌmii̱. Xi chjo̱on xí xi̱ꞌin ndikóntsꞌèn jachójo̱ kjo̱a̱tjoó, kó ndyi̱yaꞌa ngayeje to̱ko̱ya ni to̱nsinié xi bóndani yojoo̱, ko̱jo ńjño koán, ko̱jo ńjño aso, ko̱jo ńjño iní, ko̱jo ńjño lino̱ xi nda, ko̱jo tji̱xi̱ín tindso̱ chjo̱on, ko̱jo tji̱xi̱ín cho̱tsa̱nga̱ xi jaꞌatji ndi̱ja̱a̱, ko̱jo kje̱ꞌe ngase tji̱xin xí nda. Kje̱ꞌe xota̱ xí jachójo̱ to̱ntiboa, ko̱jo ki̱cha̱ bronse̱, ko̱jo yáꞌakasia̱, kó tjín ínchjiín xi jachójo̱ ńjño xi chji̱ni̱e̱ kamáni ko̱jo ńjño xi tsja̱a̱ tindso̱ chjo̱on kiniꞌándani.

Éksondo̱ 35:29

Ngayeje xota̱ Israee̱l xi chjo̱on xí xi̱ꞌin, jachójo̱ kjo̱a̱tjó xi ngayeje kon nga katsjá, kó Moisee̱ katsꞌénkꞌasꞌiee̱n, tsi̱ꞌe̱ nga kamánda ngayeje ni xi atíxoma Néná nga ka̱manda.

Éksondo̱ 35:5

«Mejénna nga jún ngayeje ini̱ma̱jnú nga si̱ꞌankixójnú ni xi ka̱machjiénná tsi̱ꞌe̱ ndiꞌandikoón Néná. Ndibájo̱jnú to̱nsinié, ko̱jo to̱ntiboa, ko̱jo ki̱cha̱ bronse̱,

Éksondo̱ 38:1

Besalee̱l ti̱ kui katsꞌénda ngo ṉchandikón nínga ꞌbítí kjo̱a̱tjó xi niꞌánkꞌasꞌiee̱n Néná, tsi̱ꞌe̱ nga ka̱majetakoón jeé xotaa̱, ko̱jo katsꞌénda ni xi machjieén kui ṉchaa̱n nga, ko̱jo jó yá xí foxtikjaá ngindiee̱ xi chínkꞌajo̱ni. Yáꞌakasia̱ katsꞌéndani, kósꞌe̱ ki̱cha̱ bronse̱ yíjón.

Lebitiko̱ 1:10

»Tsi tjín xí ngo ndií cho̱tsa̱nga̱ ko̱jo tsi ngo ndií tindso̱ sa̱ꞌínkꞌasꞌienna, ti̱ chjiéngá nga ngo cho̱ xi xi̱ꞌin ko̱jo xi nda ngatama nga.

Lebitiko̱ 14:10

»Xi ma jii̱n ni̱xtjin, kui xota̱ xi je kamátsjiee̱, chjiéngá sa̱ꞌínkꞌasꞌiee̱n Néná ngo kjo̱a̱tjó xi ján cho̱tsa̱nga̱, ko̱jo jun kilo̱ masien ndso̱ko̱a̱n ṉño̱pan xi isti̱ kiniꞌánda̱ꞌyo̱ni, ko̱jo ngo kuarto̱ litro̱ isti̱. Chjiéngá jó cho̱tsa̱nga̱a̱ xi xi̱ꞌin ka̱ma, sꞌe̱ ngo xi chjo̱on, nga jaán nga cho̱ xi nda ko̱jo xi ngo noó ngatama.

Lebitiko̱ 16:7

Sꞌe̱ jaskan xiyàa̱ ñání nga jó tindsoo̱ xi an sa̱ꞌínkꞌasꞌienna, kó ñání xi sa̱ngíyaá Asasee̱l, ki̱a̱ nangi kixií. Kui tindso̱ xi an sa̱ꞌínkꞌasꞌienna, chjiéngá ki̱a̱ nínga bitjasꞌi̱e̱nnii̱ ndiꞌandikoón sa̱ꞌínkꞌasꞌienna, xikoó ngo kjo̱a̱tjó xi niꞌánkꞌasꞌien nga niꞌánjetakón jé.

Lebitiko̱ 17:8

»Tsi ngo xota̱ Israee̱l, ko̱jo tsi ngo xota̱ xi xín nangi chji̱a̱ni, ta̱nga tsi ki̱a̱ tikón kui na̱xi̱ńdaá, xi sa̱ꞌínkꞌasꞌien ngo cho̱ tsi̱ꞌe̱ nga kꞌuití nganda tsa̱ꞌa̱n,

Lebitiko̱ 17:9

chjiéngá ki̱a̱ nínga bitjasꞌi̱e̱nnii̱ ndiꞌandikoón sa̱ꞌínkꞌasꞌienna. Tsi bo̱a̱jín sa̱ꞌín, chjiéngá ku̱i̱yòtjíngií ki̱a̱ na̱xi̱ńdaá.

Lebitiko̱ 23:12

Ti̱ kuii̱ ni̱xtjin, jún chjiéngá kꞌuitíjnú nganda tsa̱ꞌa̱n ngo kjo̱a̱tjó xi sije̱n ka̱mana. Kui kjo̱a̱tjoó kuí boá xi ngo ndií cho̱tsa̱nga̱ xi je ngo noó xi nda, ko̱jo nijón kilo̱ ndso̱ko̱a̱n ṉño̱pan xi isti̱ kiniꞌánda̱ꞌyo̱ni. Kó ti̱ kjiꞌa chjatjónjnú ngo litro̱ bino̱ nganda tsa̱ꞌa̱n.

Lebitiko̱ 3:1

«Kjiꞌanga tjín xí mejeén ku̱i̱ꞌana nga nda kꞌuieé ko̱jo nga nda kꞌuijñá, chjiéngá ngo ndí chjo̱on ko̱jo tsi ndí xíꞌiín ngo cho̱yojo xi nda ngatsꞌénkꞌásꞌiénna.

Lebitiko̱ 4:15

kó xota̱ xi ngito̱ko̱o̱ ngatꞌíjñasoón tsja to̱ko̱ kui cho̱o̱, sꞌe̱ jaskan nga tsꞌenkꞌién kui cho̱o̱ ki̱a̱ nga̱són ṉchandikónna,

Lebitiko̱ 4:23

ka̱ma kꞌuiyaá nga katsꞌénjé. Kósꞌe̱ kui ngito̱ko̱o̱ ngo tindso̱ xi nda sa̱ꞌínkꞌasꞌienna, tsi̱ꞌe̱ nga sa̱ꞌinjetakóo̱n jeé.

Lebitiko̱ 4:32

»Tsi xi katsꞌénjeé ngo ndí chjo̱ón cho̱tsa̱nga̱ sa̱ꞌínkꞌasꞌienna, chjiéngá nda ka̱ma kui cho̱o̱.

Lebitiko̱ 5:15

«Tsi tjín xí nde bejín, kó ndajín tjítsꞌénjo̱na nga tjítsꞌénkꞌásꞌiénjín ni xi tsoboaá nga sa̱ꞌínkꞌasꞌienna, chjiéngá ngo cho̱tsa̱nga̱ xi jaꞌatji ndi̱ja̱a̱ xi nda sa̱ꞌínkꞌasꞌienna. Kó chináꞌmii̱ sa̱ꞌínkꞌasꞌienna kui cho̱o̱, kó an sa̱ꞌinjetakóo̱n kui xi ndajín katsꞌénjo̱na. Ta̱nga tsi kui xi mejeén, ka̱ma sa̱ꞌínkꞌasꞌienna ngo to̱n xikó kjiꞌi chjií kui cho̱o̱, kó ngi kan poxo̱ nga úchán ngatásoón xikó tjín chjií kui cho̱o̱, kó tsi̱ꞌe̱ chináꞌmii̱ ka̱ma kui to̱n xi̱ꞌba̱. Chjií kui cho̱o̱ ki̱a̱ xchísónnii̱ to̱n xi machjién ki̱a̱ ndiꞌandikoón.

Lebitiko̱ 5:18

Chjiéngá kjo̱joo̱ chináꞌmii̱ ngo cho̱tsa̱nga̱ xi jaꞌatji ndi̱ja̱a̱ xi kui katsꞌénxchá, ko̱jo tsi to̱n xi kótjín chjií kui cho̱o̱. Bo̱a̱ tsꞌén nga sa̱ꞌínkꞌasꞌien chináꞌmii̱ kui kjo̱a̱tjoó nganda tsi̱ꞌe̱ kui xi katsꞌénjeé, kó án sa̱ꞌinjetakóo̱n jeé.

Lebitiko̱ 6:8

Néná ti̱ bi̱ ti̱ katsoó Moisee̱ nga tsíchji̱a̱jo,

Lebitiko̱ 7:16

»Tsi ngayeje kon xota̱ xi tjítsꞌénkꞌásꞌién kui kjo̱a̱tjoó, ko̱jo tsi kjo̱a̱a̱ nga sa̱ꞌínkjatjosón ngo ni xi katsóyàtjón nga sa̱ꞌín, yojoo̱ kui cho̱o̱ xi tjítsꞌénkꞌásꞌieén, chjiéngá ti̱ kuii̱ ni̱xtjii̱n nga ka̱ma xi̱ni̱e̱. Tsi kꞌuijñá ngi̱chí kui yojoo̱, ka̱má xi̱ni̱e̱ nga kamángindyiojón.

Lebitiko̱ 8:18

Kó Moisee̱ katsangiyakjaꞌá ndií cho̱tsa̱nga̱ xi jaꞌatji ndi̱ja̱a̱ xi si̱ꞌankꞌasꞌien nga kꞌuití ngandaa̱ Néná, kósꞌe̱ Aaroo̱n ko̱jo ndií íjñasoón tsja to̱ko̱ kui cho̱o̱, kósꞌe̱ Moisee̱ katsꞌénkꞌién kui cho̱o̱. Jaskan ngije kamá kui nii̱, iskjitjónjón jiín nga nijon nga̱ndee̱ kui ṉchandikoón,

Lebitiko̱ 8:21

Kó aniéjón sé ko̱jo tsiꞌee̱ kui cho̱o̱, kó ítí ngayeje cho̱tsa̱nga̱ xi jaꞌatji ndi̱ja̱a̱, xikótsꞌèn ꞌbítí kjo̱a̱tjó xi sije̱n maa̱, nganda tsi̱ꞌe̱ Néná. Moisee̱ bo̱a̱ má tsꞌén, xikó má katsoó Néná nga atíxomaa̱.

Lebitiko̱ 9:2

Kósꞌe̱ bi̱ katsoó Aaroo̱n: «Ti̱ꞌinkꞌasꞌin ji ngo kjo̱a̱tjó xi ngo ndií cho̱yojo tsi̱ꞌe̱ nga si̱ꞌanjetakoón jée̱, kó tꞌítí ji ngo cho̱tsa̱nga̱ xi jaꞌatji ndi̱ja̱a̱ nganda tsi̱ꞌe̱ Néná.

Xki̱ 15:3

»Ka̱ma kjo̱jo cho̱yojoo̱ ko̱jo cho̱ xi tsꞌénxchá tsi̱ꞌe̱ nga kjo̱a̱tjó sa̱ꞌín ko̱jo nga sa̱ꞌínkꞌién, sꞌe̱ ku̱i̱ꞌítí nganda tsa̱ꞌa̱n, ti̱ ka̱ma tsja tsi ngayeje kon ngo kjo̱a̱tjó, ko̱jo tsi tsi̱ꞌe̱ nga sa̱ꞌínkjatjosón ngo ni, ko̱jo tsi ngo kjo̱a̱tjó xi niꞌánkꞌasꞌien nga ma ngo sꞌué. Bo̱a̱ tsꞌén nga tsja mana kjo̱a̱tjó xi niꞌánkꞌasꞌienna.

Xki̱ 15:8

»Kjiꞌanga kꞌuitíjnú ngo cho̱yojo toro̱ nganda tsa̱ꞌa̱n, ko̱jo tsi ngo kjo̱a̱tjó si̱ꞌankꞌasꞌienjnúꞌun tsi̱ꞌe̱ nga kꞌuié nginíná kjo̱a̱xió, ko̱jo tsi tsi̱ꞌe̱ nga si̱ꞌankjatjosónjnú ngo ni xi kiꞌmíyatjónjnú, chjiéngá jó litro̱ bino̱, ko̱jo jun kilo̱ ndso̱ko̱a̱n ṉño̱pan xi nda, xi kiniꞌánda̱ꞌyo̱ni jó litro̱ isti̱ xi si̱ꞌankꞌasꞌienjnúꞌun. Bo̱a̱ tsꞌén nga tsja mana kjo̱a̱tjó xi niꞌánkꞌasꞌienna.

Xki̱ 19:2

«Bo̱a̱ tꞌínjnúu̱ xota̱ Israee̱l nga kuí bí kui nii̱ xi tsꞌénbotixoma an nga sa̱ꞌín: ngatjandibájo̱na ngo cho̱yojo xi iní tsja̱a̱, xi nda, ko̱jo xi kji̱e̱ tsꞌénxájinjín tꞌanangii̱.

Xki̱ 23:19

»¡Néná jmí tsi bo̱a̱ kon xikoó ñá! Jmí éndísó chji̱a̱jín, ti̱nde bosíkjojín xi kókón kui. Néná tsꞌénkjátjosón ni xi tsáyàtjón nga sa̱ꞌín.

Xki̱ 23:27

Balaa̱k ti̱ bi̱ ti̱ katsó nginií Balaa̱n: —Ja̱bíꞌi̱n, kó xín ngi̱ndie kjuínjoo̱. Yá jàn tsi ta̱ ki̱a̱ tsja̱ndieè Néná nga chꞌo tsꞌén ko̱ndókjo̱e̱taꞌin ji xota̱ Israee̱l.

Xki̱ 23:3

Kósꞌe̱ Balaa̱n bi̱ katsoó Balaa̱k: «Ti̱ndyinra ji kꞌi̱e̱e̱. An chjiéngá skoya an nga kji̱ndi̱bá Néná, tsi̱ꞌe̱ nga ka̱tso̱yàna ni xi sa̱ꞌin an». Kó Balaa̱n kijí ngo ngi̱ndie xi nkꞌa ko̱jo xi kjiꞌitiya.

Xki̱ 23:30

Kjiꞌanga kamaá Balaa̱k nga katsꞌénda kui ṉchandikoón, Balaa̱n katsꞌénkꞌasꞌien kjo̱a̱tjó xi ngo cho̱yojo toro̱, ko̱jo ngo cho̱tsa̱nga̱ xi jaꞌatji ndi̱ja̱a̱ nga ngo nga ngo kui ṉchandikoón.

Xki̱ 28:11

»Kó ko̱jo kui kjo̱a̱tjó xi je sa̱ꞌínkꞌasꞌienna ndyiojón ndyiojón, xki̱ ni̱xtjin tjoón nga ngo nga ngo saá, sa̱ꞌínkꞌiénna jó cho̱yojo toro̱, ko̱jo ngo cho̱tsa̱nga̱ xi jaꞌatji ndi̱ja̱a̱, ko̱jo yito ndií cho̱tsa̱nga̱ xi ngo noó xi ndakón.

Xki̱ 29:13

»Kó ko̱jo kui kjo̱a̱tjó xi je sa̱ꞌínkꞌasꞌienna ndyiojón ndyiojoón, ni̱xtjin tjoón kui xomanaa̱ ti̱ sa̱ꞌínkꞌiénna ko̱jo ku̱i̱ꞌítína tie ján cho̱yojo toro̱, jó cho̱tsa̱nga̱ xi jaꞌatji ndi̱ja̱a̱, ko̱jo tienijón ndií cho̱tsa̱nga̱ xi ngo noó xi ndakón. »Nga ngo nga ngo kui cho̱yojo toroo̱ chjiéngá nijan sa̱ꞌínkꞌasꞌienna jun kilo̱ ndso̱ko̱a̱n ṉño̱pan xi nda ngasee̱ xi je kiniꞌánda̱ꞌyo̱ni isti̱, kó nga ngo nga ngo kui cho̱tsa̱nga̱ xi jaꞌatji ndi̱ja̱a̱ nijan sa̱ꞌínkꞌasꞌienna nijón kilo̱ ndso̱ko̱a̱n ṉño̱pan, kó nga ngo nga ngo kui ndií cho̱tsa̱nga̱a̱ nijan sa̱ꞌínkꞌasꞌienna jó kilo̱ ndso̱ko̱a̱n ṉño̱pan. »Kó ti̱ sa̱ꞌínkꞌasꞌienna ngo kjo̱a̱tjó xi ngo tindso̱ nga, tsi̱ꞌe̱ nga an, kui xi Nee̱ kui xotaa̱, sa̱ꞌinjetakóo̱n jeé. Bo̱a̱ tsꞌén nga tsja mana nga niꞌánkꞌasꞌienna kui kjo̱a̱tjoó.

Rkaa̱ 1:35

Kó ndítsjiee̱, bi̱ katsoó: —A̱si̱énni̱xtjii̱n Néná kji̱ndi̱bánieé ji, kó ngaꞌniuú Néná xí tikón ndiꞌakꞌajmi jàn ko̱óꞌmánii̱ tji̱nkꞌi̱e̱én, kuíni nga kui ndí xí stse̱én jí, ndií Néná kꞌuiín.

Juaa̱ 1:36

kó nga kamábe nga ki̱a̱ tsoꞌbá Kjisoo̱, bi̱ katsó: –Kꞌi̱e̱ tikón kꞌi̱e̱e̱ ndí cho̱tsa̱nga̱a̱ Néná.

Juaa̱ 10:7

Sꞌe̱ ti̱ bi̱ ti̱ katsó nginí Kjisoo̱: –Ja̱koxi̱, ja̱koxi̱ ni xi xiánjnúꞌun: Án boá xi nga̱ntjo̱a̱a̱ cho̱tsa̱nga̱a̱.

Juaa̱ 10:9

Án boá xi nga̱ntjo̱a̱a̱: Kó xi kꞌo̱sꞌienni kui nga̱ntjo̱a̱a̱, kjo̱tjoꞌa. Kó ngo cho̱tsa̱nga̱ xi kꞌo̱sꞌien ko̱jo kjo̱tjo ka̱ma, kó sa̱ko̱ó ndi̱xcho̱.

2 Xota̱ Korinto̱ 8:12

Ngatꞌa̱ tsi ngayeje takón nga ko̱e̱ꞌé, Néná tsja ka̱maa̱ nga ndyi̱boeꞌé ni xi ndyi̱boeꞌé, ngatꞌa̱ kui, míꞌájín ni xi jmíjínná.

2 Xota̱ Korinto̱ 9:7

Nga ngo nga ngojnú te̱ꞌéjnú xikó kjiꞌi ndibánií ini̱ma̱jnú, kó jmí tsi ngayejejín takónjnú, ko̱jo jmí tsi kjo̱a̱a̱ kjo̱a̱ꞌniú nga ko̱e̱ꞌéjnú. Ngatꞌa̱ Néná tjórií xota̱ xi tsja tjiín nga tsjá ni xi tsjá.

Xota̱ Éfeso̱ 2:18

Kó ngatꞌaa̱ Kristoo̱ nga xota̱ xi jundío̱ ko̱jo xi jundío̱jín ta̱ ngo tsí A̱siénni̱xtjin tikónná, kó ka̱ma kjóchochontiñáa̱ Na̱ꞌmii̱.

Xota̱ Éfeso̱ 5:27

tsi̱ꞌe̱ nga xota̱ na̱ngo̱xi̱i̱ kꞌuieé kjo̱a̱je nga kjo̱chó ngindyi̱ko̱n Kristoo̱, kó nga kꞌuiéjiín ni xi ndándí, ko̱jo ni xi chꞌo tsꞌén xcha̱, ngatꞌa̱ Kristoo̱ mejeén nga tsjie ko̱jo nga ndo̱jò kjin kjin ka̱ma xota̱ na̱ngo̱xi̱i̱.

Ndeuteronomio̱ 15:21

Ngata̱ niꞌánkꞌasꞌiénjínjnúu̱ Néná ngo cho̱ xi ndajínkjiꞌi, tsi xi fí katsꞌo, ko̱jo tsi xi ti̱ka̱.

Ndeuteronomio̱ 17:1

»Tsi ngo cho̱yojo toro̱ ko̱jo tsi ngo cho̱tsa̱nga̱ si̱ꞌankꞌasꞌienjnúu̱ Néná, nda má tsitsíjenjnúu̱ nga nda kón kui cho̱o̱, ngatꞌa̱ tsjajín maá cho̱ xi ndajín kón.

Xota̱ Ebreo̱ 7:26

Kjisoo̱ kuí boá kui chináꞌmi xi ꞌniú nkꞌa xaá xi machjiénná ñá: Kuí xí tsjie, kuí xí jmíjiín ni xi ndajín, kuí xí jmíjiín ni xi ndándí, kuí xí xín tikónnii̱ xota̱jeé, kuí xí ꞌniú niꞌándikón ki̱a̱ ndiꞌakꞌajmii̱,

Xota̱ Ebreo̱ 9:14

Tsi bo̱a̱ kamá, ja̱ tsie ngase ngaꞌniú tjiín jiín Kristoo̱. Kui xi ngatꞌaa̱ A̱siénni̱xtjin xi tikón ngatsjéni̱xtjii̱n nga Kristoo̱ katsjá ti̱ kuii̱ yojoo̱, xikoó ngo chji̱e̱ xi tsjie ngindyi̱ko̱n Néná, kó bo̱a̱ tsꞌén nga jiín Kristoo̱ boá xi tsꞌéntsjie kjo̱a̱kjíntakónná tsi̱ꞌe̱ nga ngiti̱ si̱ꞌánjín ñá ni xi tsꞌenkꞌiénná, kó ta̱sá si̱ꞌantsjàa̱ kui Néná xí tikoón.