Kjo̱a̱chaꞌaá 2:2 - Xo̱jo̱n eén Néná

² Néná nde ni̱ma̱jín kamaá nga katsꞌénkjatsón ngayeje ndiꞌaa̱ xota̱ tji̱e̱e̱ Jakoo̱b. Katsꞌénkixóndó ngi̱ndie ꞌniú nínga síndo xota̱ tji̱e̱e̱ Jundáa̱, jè yíjñá tꞌanangi ko̱jo ni̱ma̱kjo̱a̱ íjñá ree̱, ko̱jo xota̱ xi botixómaá.

Kjo̱a̱chaꞌaá 2:2 Iomraidhean Croise

Joo̱b 2:3

Kósꞌe̱ Néná, bi̱ tsꞌén asíyaá: —Kótsꞌèn niꞌínkjé jí kjo̱a̱a̱ Joo̱b, moso̱ xi tsꞌénxátꞌana xi achichí ꞌniáko̱n an. Jmíjín ingo nda̱ ngayeje kui nga̱sondiee̱ xi bo̱a̱ tsꞌén ndaxota̱ ko̱jo xi kixi̱ xikoó Joo̱b. Ngatsjéni̱xtjin nga ntꞌiéꞌénna, kó chiíjín tsꞌén ni xi ndajín, ndatsi je bo̱a̱ kasení nga ndajín sa̱ꞌinjo̱ an, kó ndatsi jmí kjo̱a̱jínna nga bo̱a̱ sa̱ꞌinjo̱ an.

Xo̱jo̱n Salmoo̱ 21:9

Ngo orjno̱ xi tjítíngá má si̱ꞌin ji, kjiꞌanga kjo̱chó ni̱xtjin nga si̱ꞌinxchín jí. Néná sa̱ꞌínkjié kjiꞌanga sa̱ꞌínxchán, kó ndiꞌí ku̱i̱ꞌítíni.

Xo̱jo̱n Salmoo̱ 74:7

Je ítꞌandiꞌí na̱ngo̱xi̱ ndikóo̱n, kó ngaskande ngiti̱ kamábendikónjín xoó ngi̱ndie nínga yandikón jaꞌée̱n.

Kjo̱a̱chaꞌaá 2:17

Néná jè katsꞌénkjatjosón ni xi je índa, jè katsꞌénkjatjosón ni xi katsó ndeskande koó ngasꞌe̱: Katsꞌénkjatsón, kó katsꞌénjetakónjín. Kó kuí boá xi katsjandieè kondra̱a̱ nga tsajnókiee̱, kó ta̱ngatꞌanii̱ ni xi kamaá, nga achichí nkꞌa íjñá ngaꞌniú xí kisꞌiee̱ kondra̱a̱.

Kjo̱a̱chaꞌaá 2:21

I̱xtikjíndií ko̱jo xota̱ xi xchaá je ki̱a̱ kjiyojo ngi̱ya ndi̱yàtieé, ínchjín xo̱ngòna ko̱jo i̱xti xo̱ngòna je ki̱cha̱ kiniꞌánkjiesónni. Katseꞌéndiè ji nga jesón kjiꞌanga ꞌniú kiniꞌínxchín jí, kiniꞌínkꞌín ji, kó kiniꞌínjetakínjíi̱n.

Kjo̱a̱chaꞌaá 2:5

Néná xikoó tsi ngo kondra̱ kamá, kó katsꞌénkjié nangi Israee̱l. Katsꞌénkjié ngayeje ndo̱bo̱a̱xa̱á, katsꞌénkjié ngayeje ngi̱ndie nínga síndo ngaꞌniuú, kó katsꞌén tsie ngase kjo̱a̱xa̱ꞌya̱a̱, ko̱jo kjo̱a̱chaꞌaá nangi Jundáa̱ tsjakjiꞌii̱.

Kjo̱a̱chaꞌaá 3:43

Achichí ꞌniú kiniꞌínxchín jí, kó ikiyitji̱ngijne̱, kiniꞌínkꞌínjne̱, kó kiniꞌínjetakínjínjne̱,

Matioo̱ 18:33

A kjo̱a̱ꞌniújín tjínnií nga ni̱ma̱ kamaá jí kui mosoo̱ xikótsꞌèn ni̱ma̱ kamána ji.»

2 Xota̱ Korinto̱ 10:4

Ngatꞌa̱ kui ni xi ni xi tjíbixkánjo̱ ndyi̱ꞌmìi̱, jmí tsi nii̱ kui nga̱sondiee̱, ngaꞌniuú Néná boá, ngaꞌniú xi ka̱maa̱ sa̱ꞌínkjatsón ngaꞌniuú ni xi ndajiín.

Ndeuteronomio̱ 28:52

»Kui xotaa̱ kjo̱a̱ꞌatjiyajoo̱n ngayeje na̱xi̱ńdáꞌniú xi katsjájnú Néná, kó skjánjo̱jnú, kó ko̱kján kui xó nkꞌaá, ko̱jo xó xi ꞌniú tikoón kui na̱xi̱ńdaá xi kjimaꞌniátakónjnú jún.

Ndeuteronomio̱ 32:22

Achichí je kiniꞌánxtíjnúꞌun nga kjo̱a̱xchánna je xikó maá ndiꞌí, kó kuí ndiꞌií xi sa̱ꞌinkjié an ngindie xi ꞌniú na̱nga̱ ko̱jo ngindie se na̱xi̱i̱.