Kjo̱a̱chaꞌaá 2:11 - Xo̱jo̱n eén Néná

¹¹ Ndyikón án, kjifotjoo̱ ndándyíkon xikoó ndejèꞌ, ¡kó achichí ni xi kjimaa̱ ngi̱jin yojona! Ini̱ma̱na, xikoó tsi kjima tsobeé, ta̱ngatꞌanii̱ nga je kiniꞌánkjié xota̱ na̱xi̱ńdáꞌniuú, ngayeje jákjíndií ko̱jo ndíndaa̱ je kjifesón bojó ki̱a̱ ndi̱yàtieé.

Kjo̱a̱chaꞌaá 2:11 Iomraidhean Croise

Joo̱b 16:13

Jè jaꞌatjiyajonna jájuún xi kjiní yáyojoó, kó nde ni̱ma̱jín kamaá nga yeꞌeé chjo̱ondáyána, kó sana ki̱a̱ katjon tꞌanangii̱.

Joo̱b 30:27

Ngatsjéni̱xtjin nga achichí ni xi kjimaa̱ ini̱ma̱na, ngatꞌa̱ ndyiojón ndyiojón tsie kjo̱a̱ni̱ma̱ tsꞌénfoaꞌatio an.

Xo̱jo̱n Salmoo̱ 22:14

Xikó má maá ndáfoaa̱ nga tjon, bo̱a̱ má kjimana, ngayeje ńdana je jatjokjo, ini̱ma̱na je kjimańdá ngi̱ya jàn xikó maá ngo sién.

Xo̱jo̱n Salmoo̱ 31:9

Ji Ne, ngatamani̱ma̱a̱ an, ngatꞌa̱ achichí nda̱ kjimana, kjo̱a̱ndasee̱n tjítsꞌénkjié ndyikón án, ko̱jo ini̱ma̱na, ko̱jo ngayeje ngi̱yaa̱ yojona.

Xo̱jo̱n Salmoo̱ 38:8

Jè kamáꞌinda an, kó achichí jè onna, ni̱ma̱ tꞌíxián an, ta̱ngatꞌanii̱ ni xi kjimaa̱ ini̱ma̱na.

Xo̱jo̱n Salmoo̱ 6:7

Nde ngiti̱ ndajín tsijenna, ta̱ngatꞌanii̱ kui kjo̱a̱ni̱ma̱a̱, ¡jè kjima ti̱ka̱ má an, ta̱ngatꞌanii̱ ngayeje kondra̱na!

Xo̱jo̱n Salmoo̱ 69:3

Jè jenda an nga tsꞌénmíꞌá an nga tjín xí ko̱síko̱jona, jè tsiejénꞌón nga kixíjén na̱xo̱na. Jè tjísichjá má ndyikón án nga tsꞌénkoyàa̱ Néna.

Kjo̱a̱chaꞌaá 1:11

Ngayeje xota̱ na̱xi̱ńdaá achichí ni̱ma̱ ndyi̱tsó nga ndyi̱mongase nichinie. Kó nichinie ndyi̱bosíkjoni ni xi ꞌniú chjí ngase xi tjiín, tsi̱ꞌe̱ nga kꞌuíndora ngase nga̱sondie. «¡Tsitsíjinní Ne, kó chꞌi̱e̱xki̱ ji kjo̱a̱ni̱ma̱ xi tsꞌénfoaꞌatio an!»

Kjo̱a̱chaꞌaá 1:16

Ta̱ngatꞌanii̱ kui nii̱ nga kjandà an, kó ndyikón án, ndyikón an, kjifotjoo̱ ndándyíkon xikoó ndejèꞌ, ngatꞌa̱ je katsꞌénkjinna yojoo̱ kui xi tsꞌéndájoón ko̱jo xi tsjangaꞌniuú ini̱ma̱na. Ndína achichí ndyi̱kjandà, ngatꞌa̱ kondraa̱ je katsꞌénjne̱.

Kjo̱a̱chaꞌaá 1:20

¡Tsitsíjinní ji Ne, achichí ndasen kjimana! ¡Kó achichí ni xi kjimaa̱ yojona! ¡Jè ngiti̱ ndajín tikón ini̱ma̱na, xikoó tsi kjima tsobeé, ngatꞌa̱ tsintieꞌénjaán ji! Jàn jàn ndi̱tsén jàn, ki̱cha̱ndojó kiniꞌánkjiesónni ndína, kó kꞌi̱e̱ ngi̱yaa̱, kjo̱a̱bo̱yaa̱ je kui tsꞌénbotixómá.

Kjo̱a̱chaꞌaá 5:17

Kuíni nga je ndasen tikón ini̱ma̱jne̱, kuíni nga je inda inda kjimaxa̱ ndyikonjne̱.

Rkaa̱ 23:29

ngatꞌa̱ sꞌe̱ kji̱ndi̱bá ni̱xtjin, nga bi̱ ka̱tso̱ xotaa̱: “¡Achichíra̱tsjaa̱ ínchjín xí ndi̱ kamá, ko̱jo ndo̱bo̱a̱ndí xí jmí ndí kisꞌieyàjín, ko̱jo chiki xi jmí ndí katsꞌénxchájín!”