Kjo̱a̱chaꞌaá 1:9 - Xo̱jo̱n eén Néná

⁹ Xtjímasienkjaá boá xi je ndándí, kó katsꞌénkjójín ni xi ka̱maa̱ nga kju̱i̱e̱tꞌani. Achichí fíndikónna nga ni̱ma̱kjo̱a̱ ikꞌíjñá, kó nde jmíjín xi katsꞌéndajoo̱n. Ngotꞌe̱ ꞌne̱ bi̱ tsó: «Ji Ne, tsitsíjìi̱n kjo̱a̱ni̱ma̱na, ngatꞌa̱ achichí ngaꞌniú kisꞌie ngasee̱ kondraa̱»

Kjo̱a̱chaꞌaá 1:9 Iomraidhean Croise

Xo̱jo̱n Salmoo̱ 119:153

¡Tsitsíjìi̱n kjo̱a̱ni̱ma̱ xi tsꞌénfoaꞌatio an, kó ꞌna̱xiéꞌéní! ¡Tsꞌenchíyàjín an kjo̱a̱bokoyáa̱!

Xo̱jo̱n Salmoo̱ 140:8

Ji Ne, ngata̱ boeꞌéndièjín ji nga xota̱ xi ꞌniú ndajiín, ka̱ma ni xi mejeén sa̱ꞌín, ngata̱ boeꞌéndièjíi̱n, nga kjo̱tjosón ni xi je índa.

Xo̱jo̱n Salmoo̱ 25:18

Tsitsíjìi̱n kjo̱a̱ndasenna, ko̱jo nga achichí je jenda an, ¡kó chje̱ꞌéxínní ngayeje jé xí jè katsꞌen an!

Xo̱jo̱n Salmoo̱ 69:21

ni xi tjiín sa ikindyiaa̱ ni chiniena, kó kjiꞌanga kamáxíndána, bino̱ san katseꞌéna.

Éksondo̱ 3:17

Kó bo̱a̱ tꞌíi̱n nga án boá xi sa̱ꞌindé án, nga kꞌoxiéꞌá an kjo̱a̱a̱ kjo̱a̱ni̱ma̱ xi ndyi̱foaꞌatio ki̱a̱ nangi Ejipto̱, kó nga ki̱a̱ kjuínjo̱ an nangi Kanaa̱n, nínga síndo xota̱ na̱xi̱ńdá xi nde kji̱e̱ bejínna. ¡Ngo ngi̱ndie nínga tsie nichinie tjín!

Éksondo̱ 3:7

Ta̱nga Néná, bi̱ katsó ngasee̱: —Jè kamábe an kjo̱a̱ni̱ma̱ xi ndyi̱foaꞌatio xota̱ na̱xi̱ńdána, ngatꞌa̱ xota̱ Ejiptoo̱, moso̱ je katsꞌén. Jè tsintꞌièe̱ nga ndyi̱kjandayà nga ndyi̱míꞌá nga kosiko̱jo an, kó ti̱ jè kamábe an nga já ngito̱ko̱o̱ ꞌniú ndajín ndyi̱tsꞌènjo̱, kuíni nga jè jéꞌe̱kòo̱n tsi̱ꞌe̱ nga kꞌoxiéꞌá an ngi̱ya tsja xota̱ Ejiptoo̱, kósꞌe̱ kjuínjo̱ an ngo ngi̱ndie xi nda ko̱jo xi tiyá, ¡ngo ngi̱ndie nínga ꞌniú tjín nichinie! Kó nangi Kanaa̱n boá kui ngi̱ndiee̱, nínga síndo xota̱ na̱xi̱ńdá xi nde kji̱e̱ bejínna.

Éksondo̱ 4:31

Kó xota̱ Israee̱l katsꞌénsꞌijii̱n Moisee̱, kó nga tsintꞌié nga Néná ko̱síko̱jo kui xotaa̱, asiéntikoó ngaskande nga kisitꞌaa̱ xtjien tꞌanangii̱, kó katsꞌéntsjaà Néná.

Eklesiastee̱ 4:1

Kósꞌe̱ ti̱ askotsijen ngiñá an, kó kui nii̱ xi kamábe an: Achichí má xota̱ xi tjíꞌbiniéꞌniuú xá, kuí nga̱sondiee̱, kó kui xota̱ xi bo̱a̱ ndyi̱tsꞌe̱én, kuí boá xi botixómaá, ndyi̱kjandà xotaa̱, kó nde jmíjín xi tsꞌéndájoón.

Kjo̱a̱chaꞌaá 1:17

Na̱xi̱ńdáꞌniú Sioo̱n tsꞌénmején tsja ta̱nga nde ngojín xi tsꞌéndájoón. Néná boá xi katsꞌén nga xota̱ tꞌa ndiꞌaa̱ Jakoo̱b, ti̱ kuii̱ xi kondra̱a̱ ka̱ma. Na̱xi̱ńdáꞌniú Jerusalee̱n jè xikoó tsi ngo ni xi ndándí jè kamá.

Kjo̱a̱chaꞌaá 1:21

Xotaa̱ tsintꞌié nga ni̱ma̱ tꞌíxián an, ta̱nga nde ngojín xi katsꞌéndajonna. Ngayeje kondra̱na je be ni xi ndajín xi kjimana, kó achichí tsjá maá ni xi kiniꞌínje̱ní jí. ¡Jè jachó ji ni̱xtjin xi je kase ji, kó kuí bo̱a̱ ka̱maa̱ xikó kjimana an ngotꞌe̱!

Kjo̱a̱chaꞌaá 2:13

ꞌYání xi bo̱a̱ má kjiꞌi xikoó jí na̱xi̱ńdáꞌniú Jerusalee̱n, ꞌyání xi bo̱a̱ má kjimaa̱ xikoó jí na̱xi̱ńdáꞌniú Sioo̱n. ꞌYání xi kꞌuijñá ndsa̱ji̱i̱n, tsi̱ꞌe̱ nga sa̱ꞌíndajoo̱n katsaki, ji na̱xi̱ńdá Sioo̱n tsjakjiꞌi xi tikón xikoó ngo na̱ xo̱ngo̱ò. Ngatꞌa̱ ni ndajín xi kjimaa̱, ta̱nisién je xikó maá ndáchíkoón. Kó ꞌyá xí sa̱ꞌíndayaa̱.

Kjo̱a̱chaꞌaá 4:1

¡Achichí jè kamá jmá to̱nsinieé! ¡To̱nsinié xi ndaa̱ je ngiti̱ ꞌna̱jín ngase! Ndi̱jo̱ xi kamándani ndiꞌandikoón je ta̱jñà kjitji̱e̱n kjiyojo ngayeje ndi̱yàtieé.

Kjo̱a̱chaꞌaá 5:1

Ji Ne, ngatjaꞌátsjiee̱n ni xi ndajín xi je kjindibániéjne̱, kó tsitsíjìi̱n kjo̱a̱soboá xi ndyi̱bitjatiójne̱.

Juaa̱ 11:19

Kó achichí má xota̱ jundío̱ xi jachókoón na̱ Martaa̱, ko̱jo na̱ Riyaa̱, tsi̱ꞌe̱ nga katsꞌéndajoo̱n kjo̱a̱a̱ nga kꞌien ntsꞌi̱e̱.

Ndeuteronomio̱ 26:7

Kósꞌe̱ kichjiáꞌájne̱ nga ko̱síko̱jojne̱ Nee̱ xota̱ xi xchájne̱, kó kui tsintꞌié nga ꞌniú kandokjo̱a̱jne̱, ngatꞌa̱ kamábe kui kjo̱a̱ni̱ma̱ xi katsꞌénkꞌatiojne̱ kui xotaa̱.

Ndeuteronomio̱ 32:27

Ta̱nga kamámejénjínna bo̱a̱ katsꞌen an ta̱ngatꞌanii̱ xota̱ xi kondra̱na, ngatꞌa̱ be an nga ko̱jno̱kiena, kó ngaskande sa̱ꞌínkjó nga ánjín xi atijée̱ xota̱ Israee̱l, kó sa̱ꞌínsꞌijin nga kuí boá xi bo̱a̱ katsꞌén, ¡kui ko̱jo ngaꞌniú je xi tjiín!

Ndeuteronomio̱ 32:29

Tsi ngi̱chíra xi̱ꞌinkjo̱a̱jnú katsaki, xcha̱ra̱jnú kjo̱a̱botíjé xi sa̱kójnú.

1 Xo̱jo̱o̱n Peé 4:17

Jè jachó chi̱bo̱a̱ nga Néná ku̱i̱ꞌítsꞌi̱yanii̱ nga ka̱tso̱yà tsi nda ko̱jo tsi ndajín katsꞌén xota̱ xi tsi̱ꞌe̱, kó tsi ñá tjón ku̱i̱ꞌítsꞌi̱yanii̱ nga bo̱a̱ sa̱ꞌín, kókjiꞌi ni xi ka̱maa̱ xota̱ xi ntꞌiéꞌénjiín éntjatsi̱e̱e̱ Néná.