Kjo̱a̱chaꞌaá 1:5 - Xo̱jo̱n eén Néná

⁵ Kondraa̱ na̱xi̱ńdáꞌniú Sioo̱n jè kuí ndyi̱botixómá ngotꞌe̱ ꞌne̱, kó achichí tsjá maá, ngatꞌa̱ Néná boá xi katsꞌéndasee̱n, ta̱ngatꞌanii̱ nga achichí jé xí katsꞌén. Kó ndí jákjíndií je tsangínjo̱ ꞌniú nga kiniꞌánkjítjoón xota̱ xi kondraa̱.

Kjo̱a̱chaꞌaá 1:5 Iomraidhean Croise

Xo̱jo̱n Salmoo̱ 80:6

Jí boá xi kiniꞌín ji nga xota̱ tꞌa ndiꞌajne̱ tsajnókiejne̱, ¡ko̱jo nga kondra̱jne̱ ti̱ kuii̱ tsajnójo̱ xkjín!

Xo̱jo̱n Salmoo̱ 89:42

Jí boá xi katseꞌéngaꞌníi̱ xota̱ xi kondra̱a̱, jí boá xi kiniꞌín ji nga ngayeje kui kondra̱a̱ ndyi̱mojnó ngotꞌe̱ ꞌne̱.

Kjo̱a̱chaꞌaá 1:16

Ta̱ngatꞌanii̱ kui nii̱ nga kjandà an, kó ndyikón án, ndyikón an, kjifotjoo̱ ndándyíkon xikoó ndejèꞌ, ngatꞌa̱ je katsꞌénkjinna yojoo̱ kui xi tsꞌéndájoón ko̱jo xi tsjangaꞌniuú ini̱ma̱na. Ndína achichí ndyi̱kjandà, ngatꞌa̱ kondraa̱ je katsꞌénjne̱.

Kjo̱a̱chaꞌaá 1:18

Néná kixi̱ boá, án boá xi tsintꞌieꞌénjáa̱n eén. ¡Ndaꞌyájnúꞌun ngotꞌe̱ ꞌne̱ jún xota̱ na̱xi̱ńdá! ¡Tsitsíjenjnúu̱ kjo̱a̱ni̱ma̱ xi tsꞌénfoaꞌatio an! Ínchjín ko̱jo i̱xti xo̱ngòna, kondraa̱ je kijíjo̱ꞌniú.

Kjo̱a̱chaꞌaá 1:8

Achichí ꞌniú jé xí katsꞌén na̱xi̱ńdáꞌniú Jerusalee̱n, kuíni nga ngiti̱ tsjiejín je kamá. Nga jè xikoó tsi kjiꞌixtí ngotꞌe̱ ꞌne̱, xota̱ xi kamábendikón ngasꞌe̱, je katsꞌénchꞌó, ngatꞌa̱ je kamábe kjo̱a̱soboaá. Ngaskande kui soboá maá, kó ngiti̱ tsja̱ajín kje̱n.

Kjo̱a̱chaꞌaá 2:17

Néná jè katsꞌénkjatjosón ni xi je índa, jè katsꞌénkjatjosón ni xi katsó ndeskande koó ngasꞌe̱: Katsꞌénkjatsón, kó katsꞌénjetakónjín. Kó kuí boá xi katsjandieè kondra̱a̱ nga tsajnókiee̱, kó ta̱ngatꞌanii̱ ni xi kamaá, nga achichí nkꞌa íjñá ngaꞌniú xí kisꞌiee̱ kondra̱a̱.

Kjo̱a̱chaꞌaá 3:46

Ngayeje kondra̱jne̱ tsajnókiejne̱, kó chꞌo katsójne̱,

Ndeuteronomio̱ 31:29

Jé be nda nda an, nga ngije kꞌien an, ngiti̱ ko̱nda̱ꞌyáꞌénjínjnúu̱ Néná, kó ngiti̱ kongintjíngíjínjnú kjo̱a̱bokoyá xi je katsjajnúꞌun. Kuíni nga jún achichí kjo̱a̱ni̱ma̱ ku̱i̱tja̱tiójnú, ngatꞌa̱ Néná kiniꞌánxtíjnúu̱».