Kjo̱a̱chaꞌaá 1:2 - Xo̱jo̱n eén Néná

² Achichí ndasen kjandá nga jñoó, kó ndándyíko̱n ngaskande tꞌanijon tsꞌénkꞌándyi̱. Nde ngojín xi̱ńꞌniú xí kamámejeén ngasꞌe̱ xi mejeén tsꞌéndájoón ngotꞌe̱. Ngayeje xota̱ amingoo̱ je ngiti̱ ꞌniátakónjín, kó je kondra̱ síndonii̱.

Kjo̱a̱chaꞌaá 1:2 Iomraidhean Croise

Joo̱b 6:15

Ta̱nga jún, xi amingo̱na, jè ikꞌíjñámasienjnúꞌun, kó bo̱a̱ kon je kamájnú xikoó ndejèꞌ xi fotjoxie má ndi̱ya̱à,

Joo̱b 7:3

Bo̱a̱ tsꞌén nga achichí je kjín sá nga kjo̱a̱ni̱ma̱ tsꞌénfoaꞌatio an, xikoó ngo moso̱ xi je jenda, xi achichí nda̱ kjimaa̱ nga je ka̱majñoó.

Xo̱jo̱n Salmoo̱ 126:5

Kui ndándyíkon xi kachjatjónjne̱, kjiꞌanga ikꞌítji̱e̱jne̱ xojmaá, kuí boá xi ka̱ma kjo̱a̱tsjajne̱, kjiꞌanga ku̱i̱chájne̱ to ndso̱ko̱a̱n ṉño̱paa̱n.

Xo̱jo̱n Salmoo̱ 31:11

Ta̱ngatꞌanii̱ ngayeje kondra̱na nga tjímojnóchána, kó xota̱ tꞌa ndiꞌana ko̱jo xota̱ xi bena tsakjón mána, nga bena ngi̱ya ndi̱yàtié mongaboaꞌána.

Xo̱jo̱n Salmoo̱ 6:6

¡Jè jenda an nga ta̱soboá tsꞌénkjandá án! Xki̱ jñó xki̱ jñó ni̱ma̱ kjandá án, kó ndándyíkón án tsꞌénkꞌándyi̱ má ṉchanna.

Xo̱jo̱n Salmoo̱ 69:21

ni xi tjiín sa ikindyiaa̱ ni chiniena, kó kjiꞌanga kamáxíndána, bino̱ san katseꞌéna.

Énkjínkón 19:7

Ngayeje já ntsꞌi̱e̱ xi xota̱ xi ni̱ma̱a̱ tsꞌenchꞌó, ngatꞌa̱ jmí to̱njiín ¡kó ngaskande já amingoo̱ tsꞌénkjin yojoo̱! Mongase kó ka̱tso̱o̱ tsi̱ꞌe̱ nga kji̱ndi̱bá nginí, ta̱nga ngiti̱ jmí én sakójiín.

Kjo̱a̱chaꞌaá 1:19

Tsíchji̱a̱a̱ xi̱ńꞌniú xi kamámejeén an ngasꞌe̱ tsi̱ꞌe̱ nga ko̱síko̱jona katsaki, ta̱nga ta̱ tsꞌenṉcha̱jo tsína. Chináꞌmina ko̱jo xota̱ xi xchána je jesón ki̱a̱ na̱xi̱ńdáꞌniuú nga ndyi̱mongase nichinie tsi̱ꞌe̱ nga kꞌuíndo ngase katsaki.

Kjo̱a̱chaꞌaá 1:21

Xotaa̱ tsintꞌié nga ni̱ma̱ tꞌíxián an, ta̱nga nde ngojín xi katsꞌéndajonna. Ngayeje kondra̱na je be ni xi ndajín xi kjimana, kó achichí tsjá maá ni xi kiniꞌínje̱ní jí. ¡Jè jachó ji ni̱xtjin xi je kase ji, kó kuí bo̱a̱ ka̱maa̱ xikó kjimana an ngotꞌe̱!

Kjo̱a̱chaꞌaá 1:9

Xtjímasienkjaá boá xi je ndándí, kó katsꞌénkjójín ni xi ka̱maa̱ nga kju̱i̱e̱tꞌani. Achichí fíndikónna nga ni̱ma̱kjo̱a̱ ikꞌíjñá, kó nde jmíjín xi katsꞌéndajoo̱n. Ngotꞌe̱ ꞌne̱ bi̱ tsó: «Ji Ne, tsitsíjìi̱n kjo̱a̱ni̱ma̱na, ngatꞌa̱ achichí ngaꞌniú kisꞌie ngasee̱ kondraa̱»

Kjo̱a̱chaꞌaá 2:11

Ndyikón án, kjifotjoo̱ ndándyíkon xikoó ndejèꞌ, ¡kó achichí ni xi kjimaa̱ ngi̱jin yojona! Ini̱ma̱na, xikoó tsi kjima tsobeé, ta̱ngatꞌanii̱ nga je kiniꞌánkjié xota̱ na̱xi̱ńdáꞌniuú, ngayeje jákjíndií ko̱jo ndíndaa̱ je kjifesón bojó ki̱a̱ ndi̱yàtieé.

Ni xi akakoo̱ 17:13

Nga tie kui já ree̱ jè nijan síndo nga índa nga tsja̱á ngaꞌniuú ko̱jo xaá kui cho̱ chꞌokjiꞌii̱.

Ni xi akakoo̱ 17:16

Kó nga tie kui ndi̱ja̱a̱ kui cho̱ chꞌokjiꞌi xi je kamáyè ji, kuí boá xi sa̱ꞌínchꞌó na̱ masiee̱n, kó ku̱i̱ꞌíjñámasien kó ku̱i̱ꞌíjñá kjiꞌixtí, skji̱ni̱e̱ yojoo̱, kó ngi̱jin ndiꞌí ku̱i̱ꞌítí.