Kjo̱a̱chaꞌaá 1:1 - Xo̱jo̱n eén Néná

¹ ¡Je kisꞌijña soboá kui na̱xi̱ńdáꞌniú xí achichí kamáyàndikoón! ¡Kui na̱xi̱ńdá xi achichí je kamá ngi̱jii̱n ngayeje na̱xi̱ńdaá, ngotꞌe̱ ꞌne̱, xikó maá ngo xota̱chjo̱on kꞌán xi je kꞌien xi̱ꞌii̱n je kamá! ¡Kui na̱xi̱ńdáꞌniú xí kamá na̱ ree̱ ngayeje na̱xi̱ńdáꞌniuú, ngotꞌe̱ ꞌne̱, je moso̱ xi kastiñá je kamá!

Kjo̱a̱chaꞌaá 1:1 Iomraidhean Croise

Xo̱jo̱n Salmoo̱ 122:4

¡Ngaskande nínga tindyin ji fochó xota̱ tji̱e̱e̱, ngayeje xota̱ tji̱e̱ xi chji̱a̱ni Israee̱l! ¡Ngaskande nínga tindyin ji fochó xota̱ na̱xi̱ńdaá tsi̱ꞌe̱ nga sa̱ꞌíntsjaá Néná, xikó má katsó kuí nga atíxoma!

Kjo̱a̱chaꞌaá 1:19

Tsíchji̱a̱a̱ xi̱ńꞌniú xi kamámejeén an ngasꞌe̱ tsi̱ꞌe̱ nga ko̱síko̱jona katsaki, ta̱nga ta̱ tsꞌenṉcha̱jo tsína. Chináꞌmina ko̱jo xota̱ xi xchána je jesón ki̱a̱ na̱xi̱ńdáꞌniuú nga ndyi̱mongase nichinie tsi̱ꞌe̱ nga kꞌuíndo ngase katsaki.

Kjo̱a̱chaꞌaá 2:1

¡Achichí ꞌniú katsꞌénxchán Néná, nga íjña jñó na̱xi̱ńdáꞌniú Sioo̱n! Ndeskande nkꞌa jàn katsꞌénkjatsónní kjo̱a̱tsjakjiꞌii̱ nangi Israee̱l, kó nga katsꞌénxchán, nde ngiti̱ jaꞌátsjienjiín ngi̱ndie nínga bosiénsón sé.

Kjo̱a̱chaꞌaá 2:10

Xota̱ xi xchaá na̱xi̱ńdáꞌniú Sioo̱n, je yíxioó tsꞌoa nga síndotie tꞌanangii̱. Je iskjitjónjón ndiso to̱ko̱, kó tsajá ńjño tokjuie. ¡Kó ínchjín xo̱ngo̱ò na̱xi̱ńdáꞌniú Jerusalee̱n, ngaskande ꞌbíndoxtien má nga soboá maá!

Kjo̱a̱chaꞌaá 4:1

¡Achichí jè kamá jmá to̱nsinieé! ¡To̱nsinié xi ndaa̱ je ngiti̱ ꞌna̱jín ngase! Ndi̱jo̱ xi kamándani ndiꞌandikoón je ta̱jñà kjitji̱e̱n kjiyojo ngayeje ndi̱yàtieé.

Kjo̱a̱chaꞌaá 5:16

Jè ngiti̱ ji̱njín xi botíxomajne̱. ¡Ni̱ma̱ xò ji̱n, ta̱ngatꞌanii̱ nga kiniꞌánjéjne̱!

Lebitiko̱ 26:31

»Án boá xi sa̱ꞌinkjatsón án na̱xi̱ńdáꞌniújnú. Sa̱ꞌinkjatsón án ndiꞌandikónjnú, kó ngiti̱ skjíbéjín an nda̱ sije̱e̱n kjo̱a̱tjójnú.

Ni xi akakoo̱ 18:7

Ti̱ꞌankjaꞌatiojnú kjo̱a̱ni̱ma̱ ko̱jo nga kjandá xikótsꞌèn tsja kamaá nga je kamaá yojoo̱, ko̱jo nga katseꞌeé kjo̱a̱je nga katsꞌénkjién to̱o̱n. Ngatꞌa̱ bi̱ tsó ini̱ma̱a̱: Kꞌi̱e̱ tikòn an xikoó ngo na̱ re, chjo̱on kꞌán xi je kꞌien xi̱ꞌii̱njín an, kó jmí xa̱ꞌya̱ skuiejín an,