Juaa̱ 13:3 - Xo̱jo̱n eén Néná

³ Kjisoo̱ ja̱bo̱a̱ jè be nga Na̱ꞌmii̱ katsjaá ngi̱ya tsja ngayeje nii̱, kó nga Néná jatjoni, ko̱jo nga ti̱ kuii̱ ko̱e̱je̱kon nginií,

Juaa̱ 13:3 Iomraidhean Croise

Matioo̱ 11:27

Ngayeje nii̱ Na̱ꞌmina boá xí katsꞌénkꞌasꞌienna, kó ta̱ꞌyajín xi be ndií, ta̱kuítsí Na̱ꞌmii̱, kó ta̱ꞌyajín xi be Na̱ꞌmii̱, ta̱kuítsí ndií, ko̱jo xota̱ xi kui ndií mejeén ka̱tso̱yaa̱.

Matioo̱ 28:18

Kó Kjisoo̱ kijíkóntiñaa̱, sꞌe̱ bi̱ katsoó: –Jè katseꞌéna xá nga kotixomáa̱ ngayeje ni xi tjín ndiꞌakꞌajmi jàn ko̱jo ni xi tjín tꞌanangii̱.

Rkaa̱ 10:22

Ngayeje nii̱ Na̱ꞌmina xí katsꞌénkꞌasꞌienna, kó ta̱ꞌyajín xi be ꞌyání xi ndií, ta̱kuítsí Na̱ꞌmii̱, kó ta̱ꞌyajín xi be ꞌyání xi Na̱ꞌmii̱, ta̱kuítsí ndií, ko̱jo xota̱ xi kui ndií mejeén ka̱tso̱yaa̱.

Juaa̱ 1:18

Kji̱e̱ ngo xi be kókjiꞌi Néná, kó kui ndí ngototoo̱ xi tikón nínga tikón Néná xí Na̱ꞌmii̱, kuí boá xi akó ngatꞌaa̱ Néná.

Juaa̱ 13:1

Kó ngindiee̱ sꞌué paskuaa̱, nga ja̱bo̱a̱ je be Kjisoo̱ nga je jachó chi̱bo̱a̱a̱, nga ko̱e̱je̱ kui nga̱sondiee̱ sꞌe̱ ko̱e̱je̱koo̱n Na̱ꞌmii̱, katsꞌéntjó xotaa̱ kui nga̱sondiee̱, katsꞌéntjó ngaskande nga fetꞌani.

Juaa̱ 17:2

xikótsꞌèn katseꞌéní xá nga án kotixomáa̱ xotaa̱, ko̱jo tsi̱ꞌe̱ nga an tsjàa̱ kjo̱a̱mindyion ngatsjéni̱xtjii̱n ngayeje xota̱ xi ji katseꞌée̱.

Juaa̱ 3:13

Kó nde kji̱e̱ ngo xi fí ndiꞌakꞌajmi jàn, ta̱kuítsí xi jatjajenni ndiꞌakꞌajmi jàn, kuí xí ndií nda̱ xi̱ꞌii̱n, xi tikón ndiꞌakꞌajmi jàn.

Juaa̱ 3:35

Néná xí Na̱ꞌmii̱ tjoó ndií, kó ngayeje nii̱ ngi̱ya tsja íjñá.

Juaa̱ 7:29

Ta̱nga be án ꞌyání kui, ngatꞌa̱ ki̱a̱ kjindibáni an nínga tikón kuí, kó kuí xí katsangiyana.

Juaa̱ 7:33

Sꞌe̱ Kjisoo̱, bi̱ katsó: –Ta̱ ngi chiboa tsí ni̱xtjin kotíjña̱jinjnúꞌun, sꞌe̱ kjuín án ngijee̱ nínga tikón xi katsangiyana.

Juaa̱ 8:14

Sꞌe̱ Kjisoo̱, bi̱ katsó: –Ndatsi ti̱ an xi tsꞌen an chistiko̱ yojona kjo̱a̱a̱ an, chjírií ni xi xian an, ngatꞌa̱ be án ñá kjindibáni an, ko̱jo ñání tsꞌénfí an, ta̱nga jún yàjínjnú ñá kjindibá an, kó ñá tsꞌénfí an.

Juaa̱ 8:42

Sꞌe̱ Kjisoo̱, bi̱ katsó: –Tsi ja̱koxi̱ nga Néná xí na̱ꞌmijnú, tjóra̱ si̱ꞌánjnúꞌun, ngatꞌa̱ Néná boá xi na̱ꞌmina, kó jéꞌe̱ an kꞌi̱e̱e̱, ngatꞌa̱ jéꞌe̱so̱bo̱a̱jín an, na̱ꞌmina boá xi katsangiyana.

Ni xi kamá 2:36

Ngatamabe cha̱n cha̱n ngayeje xota̱ Israee̱l, nga ti̱kuíní Kjiso̱ xi̱ꞌbi̱ xi jún akjatꞌajnú kro, kó Néná kuí xí katsꞌén nga Ndi̱a̱ná ko̱jo Kristoo̱ kamá.

1 Xota̱ Korinto̱ 15:27

Ngatꞌa̱ Néná jè índo ngayeje nii̱ ngindie se Kristoo̱. Kó kjiꞌanga tsó nga ngayeje nii̱ je síndo ngindie se Kristoo̱, jè ya cha̱n cha̱n nga jmí tsi ko̱jo Néná xi tsó, ngatꞌa̱ kuí Néná xí índo ngayeje nii̱ nga Kristoo̱ xi ko̱tíxomaa̱.

Xota̱ Ebreo̱ 1:2

Kó ngotꞌe̱ ꞌne̱, kui ni̱xtjin xi kjifetꞌaa̱, Néná katsangiya ndií, kó kuí xí katsꞌénkjién nga tsíchji̱a̱joná, kó kuí boá xi katsꞌénkꞌasꞌiee̱n ngayeje nii̱, ko̱jo ta̱ngatꞌanii̱ kui nga Néná katsꞌénda ngayeje nga̱sondiee̱ ko̱jo ndiꞌakꞌajmii̱.