Juaa̱ 1:3 - Xo̱jo̱n eén Néná

³ Kuí ngatꞌaa̱ nga kamánda ngayeje ni xi tjiín, kó tsi kuijín xi bo̱a̱ katsꞌén, nde ngojín ni xi tjiín xi kamánda.

Juaa̱ 1:3 Iomraidhean Croise

Jenesii̱s 1:1

Ni̱xtjin nga Néná ítsꞌi̱yanii̱ nga katsꞌénda nkꞌa jàn ko̱jo nga̱sondiee̱,

Jenesii̱s 1:26

Kó nga kamábe Néná nga tsjakon kamá kui nii̱, bi̱ katsó: «Si̱ꞌanda xotaa̱ ꞌne̱, xikó má kjiꞌi a̱si̱énná, ko̱jo xikó má kón ñá, bo̱a̱ má tsꞌén si̱ꞌanda. Kó kuí ngatatixómaá cho̱ xi tjín ngi̱jin ndáchíkoón, ko̱jo ni̱sie xi tjín nkꞌa jàn, ko̱jo ngayeje cho̱ xi tjín tꞌanangii̱, ko̱jo ngayeje cho̱ xi ꞌbifé yojoo̱, ko̱jo ngayeje ndí cho̱ xi ꞌniú xi̱xi̱i̱».

Xo̱jo̱n Salmoo̱ 102:25

Jí boá xi kiniꞌínde ji nga̱sondiee̱ ndeskande nga ítjatsꞌennii̱, kó nkꞌajmii̱, ni xi katsꞌenda ndse̱ boá.

Xo̱jo̱n Salmoo̱ 33:6

Ta̱ngatꞌanii̱ én xí tsíchji̱a̱ Néná nga kamánda nkꞌajmii̱, ta̱ngatꞌanii̱ nda̱ xi jatjoo̱ tsꞌoa nga kamánda ngayeje ńñoo.

Énkjínkón 8:30

ki̱a̱ tikóntꞌáa̱ kui, nga ndyi̱ꞌbíndondajne̱ ngayeje nii̱. Ndyiojón ndyiojón achichí tsjá kamána nga ki̱a̱ kisꞌijña an ngindyi̱ko̱n kui.

Juaa̱ 1:10

Kui nga̱sondiee̱ kisꞌijña, kó kui nga̱sondiee̱ kamánda ngatꞌaa̱ kui, kó xotaa̱ kui nga̱sondiee̱, kamábejín tsi kui.

Juaa̱ 1:2

Kuí xí tikónjo̱ Néná ndeskande koó nga ítjatsꞌennii̱ nii̱.

1 Xota̱ Korinto̱ 8:6

Ta̱nga ñá jè ya nga ta̱ ngo tsí má Néná xí tikón, xi Na̱ꞌmii̱, xi katsꞌénda ngayeje ni xi tjiín, kó kuí tsi̱ꞌe̱ ñá, kó ta̱ ngo tsí má Ndi̱a̱ná, kui xi Jesukristoo̱, kó ta̱ngatꞌanii̱ kui nga Néná katsꞌénda ngayeje nii̱, kó ta̱ngatꞌanii̱ Jesukristoo̱ nga tindyión ñá.

Xota̱ Éfeso̱ 3:9

Kó nga boko cha̱n cha̱a̱n ngayeje xotaa̱ kókjiꞌi ni xi índa, kui ni xi tjiꞌmaá ndeskande kui ni̱xtjin jàn kui Néná xí katsꞌénda ngayeje ni xi tjiín.

Xota̱ Ebreo̱ 11:3

Ta̱ngatꞌanii̱ kjo̱a̱sꞌijinná nga makjínná nga Néná katsꞌénda nga̱sondiee̱, nga katsꞌénkjién eén, kó kuíni nga ni xi ya ngotꞌe̱, ni xi yàjiín xí kamándani nga kisꞌijña.

1 Xo̱jo̱o̱n Juaa̱ 5:1

Ngayeje xota̱ xi sꞌijii̱n nga Kjisoo̱ xi Kristoo̱, Néná je katsjaá nga ndií kui ka̱ma. Ngayeje xota̱ xi tjoó Néná xí Na̱ꞌmii̱, ti̱ tjoó ngayeje ndií kui Na̱ꞌmii̱ nga.

Ni xi akakoo̱ 3:14

Kó ti̱ bi̱ tsꞌén ti̱ꞌinꞌindée̱ ndítsjiee̱ xota̱ na̱ngo̱xi̱i̱ Laondiseaa̱: “Bi̱ tsó kui xi ꞌmí Bo̱a̱ kjiꞌii̱, kui xi chistiko̱ xi ꞌniátakón ko̱jo xi ja̱koxi̱i̱, kui xi ta̱ngatꞌanii̱ kui nga Néná ítsꞌi̱yanii̱ nga katsꞌénda ngayeje nii̱:

Ni xi akakoo̱ 4:11

Ndi̱a̱ xi tsa̱ji̱n, jí xí sa̱ko̱ó nga chjábé jí ngayeje kjo̱a̱je, kjo̱a̱yandikón ko̱jo ngaꞌniú, ngatꞌa̱ jí xi kiniꞌínde ji ngayeje nii̱, ngatꞌa̱ ta̱ngatꞌanií nga ji xi bo̱a̱ tsꞌén mejeén nga tjínní kui nii̱, ko̱jo nga kamánda.