Joo̱b 9:12 - Xo̱jo̱n eén Néná

¹² Tsi tjín ni xi mejeén skjíbé kuí, ꞌyá xí ka̱maa̱ ku̱i̱ꞌíchjaá, ꞌyá xí ka̱maa̱ bo̱a̱ ka̱tso̱o̱ nga skjíbéjín.

Joo̱b 9:12 Iomraidhean Croise

Joo̱b 1:21

kósꞌe̱ bi̱ katsó: «Jmí ni yaꞌajín an nga jatjoni an ndo̱bo̱a̱ndií na̱anna, kó ti̱ jmí ni koaꞌajín an nga kjo̱tjoni an kui nga̱sondiee̱ nga, ¡Néná katsjána, kó Néná jaꞌáxínna! ¡Ngatamachikonñé jaꞌeén Néná!»

Joo̱b 10:7

¡Ndatsi jè yé ji nga jmíjéjínna, kó ti̱ jè be an nga jmíjín xi ka̱maa̱ kꞌo̱xiéna ngi̱ya ndse̱!

Joo̱b 11:10

»Tsi Néná xí stso̱ba̱a̱, kó tsi sa̱ꞌínjo̱xki̱i̱, ꞌyá xí ka̱maa̱ ku̱i̱ꞌíchjaá nga bo̱a̱ sa̱ꞌín.

Joo̱b 23:13

»Tsi ngo ni xi mejeén sa̱ꞌín Néná, ꞌyá xí ka̱maa̱ nga ku̱i̱ꞌíchjaá tsi̱ꞌe̱ nga ko̱síkjo ni xi sa̱ꞌín, ni xi tsó ini̱ma̱a̱, kuí ni xi tsꞌén.

Joo̱b 33:13

Kó míkjo̱a̱a̱ nga kui mejeén ku̱i̱xkénje̱ ji, jmí kjo̱a̱jín nga kui sa̱ꞌínseén ni xi tꞌísé ji.

Joo̱b 34:29

Ta̱nga tsi Néná xí mejeén nga xió kꞌuijñá, ꞌyá xí ka̱maa̱ sa̱ꞌínchꞌó nga bo̱a̱ sa̱ꞌín. Tsi kui xi mejénjiín nga ko̱kó yojoo̱, ꞌyá xí ka̱maa̱ sku̱i̱e̱ kje̱n. Ta̱nga Néná, kuí boá xi tsꞌénkotsijee̱n ngayeje na̱xi̱ńdá ko̱jo xota̱ xi tjín nga̱sondiee̱,

Eklesiastee̱ 8:4

Kuí boá xi botixómá, kó chjírií eén. Kó ꞌyá xí ku̱i̱ꞌaa̱ xki̱ kjo̱a̱a̱ ni xi tsꞌén.

Matioo̱ 11:26

Jo̱o̱n, Na̱ꞌmi, ngatꞌa̱ bo̱a̱ tsꞌén kamátsjaá ji.

Matioo̱ 20:15

A jmíjínna kjo̱a̱nda nga ta̱ ni xi mejénna sa̱ꞌìi̱n ni xi tjínna. Axa̱ a kjimaꞌonkon ji kjo̱a̱a̱ nga nda an xota̱.»

Xota̱ Roma̱ 11:34

Ngatꞌa̱, “ꞌyá xí kamákjiín kótsꞌèn tsꞌénkjó Néná. Axa̱, ꞌyá xí ka̱ma ka̱tso̱yaa̱ ni xi sa̱ꞌín Néná.

Xota̱ Éfeso̱ 1:11

Xikó tsꞌén índa tjón tjón Néná, bo̱a̱ tsꞌén katsꞌénkjién Kristoo̱ tsi̱ꞌe̱ nga ko̱jo ji̱n jaꞌájinjne̱ nga katsjájne̱ ni xi tsja̱á ndií, ngatꞌa̱ Néná tsꞌénkjátjosón ngayeje ni xi mejeén nga sa̱ꞌín kuí.