Joo̱b 5:5 - Xo̱jo̱n eén Néná

⁵ Ni xi kamáxchaá, xota̱ xi bojoó kjinie nga ki̱a̱ ꞌboxiéjinni ngi̱jin ndaꞌyaá, kó xota̱ xi xíndaá ma mejeén kjo̱a̱cho̱o̱n.

Joo̱b 5:5 Iomraidhean Croise

Joo̱b 1:15

Ta̱niján má kuí jáchéjeé ítsꞌi̱yanii̱ nga katsꞌénkꞌién xotaa̱, kó ta̱ ngo chií an xi jatjongiꞌmana yojona, tsi̱ꞌe̱ nga kjoéꞌe̱tsáyaá kui nii̱ ji».

Joo̱b 1:17

To̱kó tsꞌénchji̱a̱ ngase kui nda̱a̱ nga jachó ingo nda̱ xi yaꞌa ngo én, kó bi̱ katsoó Joo̱b: «¡Jí xingá Joo̱b, ján tjín jáchéjé xi chji̱a̱ni nangi Kalndea̱ jachókjánjo̱jne̱, kó katsꞌénkꞌién mosòo̱, kó kijíjo̱ ngayeje cho̱toꞌoyitsꞌeèn! ¡Ta̱ ngo chií an xi jatjongiꞌmana yojona tsi̱ꞌe̱ nga kjoéꞌe̱tsáyaá kui nii̱ ji!»

Joo̱b 12:6

Xota̱chejeé nda ngase ꞌbíndo, kó ꞌniú ꞌbíndo xota̱ xi chꞌo tsoó Néná, ngatꞌa̱ kuí boá xi katsjaá ngayeje nii̱.

Joo̱b 2:3

Kósꞌe̱ Néná, bi̱ tsꞌén asíyaá: —Kótsꞌèn niꞌínkjé jí kjo̱a̱a̱ Joo̱b, moso̱ xi tsꞌénxátꞌana xi achichí ꞌniáko̱n an. Jmíjín ingo nda̱ ngayeje kui nga̱sondiee̱ xi bo̱a̱ tsꞌén ndaxota̱ ko̱jo xi kixi̱ xikoó Joo̱b. Ngatsjéni̱xtjin nga ntꞌiéꞌénna, kó chiíjín tsꞌén ni xi ndajín, ndatsi je bo̱a̱ kasení nga ndajín sa̱ꞌinjo̱ an, kó ndatsi jmí kjo̱a̱jínna nga bo̱a̱ sa̱ꞌinjo̱ an.

Joo̱b 20:15

Sa̱ꞌínkjasó nginí kui kjo̱a̱cho̱n xi je iskjiniee̱. ¡Néná boá xi sa̱ꞌiín kjo̱a̱ꞌniú nga kꞌo̱xié nginí!

Joo̱b 20:22

Ndatsi tsie ni tjiín, ngatsjéni̱xtjin nga nda̱ ka̱maa̱, ¡kuí boá xi kꞌo̱kanieé ngayeje ni xi ꞌniú ndajiín!

Joo̱b 22:10

Kuíni nga ngotꞌe̱ ꞌne̱ nga ngo foaꞌatjiyajòo̱n je síndo chja̱ya̱, kó ta̱niján má tindakin ji,

Xo̱jo̱n Salmoo̱ 109:11

¡Kui xota̱ xi to̱n katsꞌénkíyaá ngasꞌe̱ ngachjaꞌáxiín ngayeje ni xi tjiín!

Kjo̱a̱chaꞌaá 2:16

Ngayeje kondra̱a̱ ndyi̱chji̱a̱taꞌii̱n, íxo̱bí má, ko̱jo iskjinieya má ṉꞌni̱u̱ nga tsajnókiee̱ nga bi̱ katsó: ¡Jè kiniꞌánkjié ndo̱jò ndójo̱ kuí na̱xi̱ńdáꞌniuú! ¡Kuí bí kui ni̱xtjii̱n xi kichiyáa̱! ¡Jè jachó ni̱xtjin, jè kamáyà!

Kjo̱a̱chaꞌaá 2:5

Néná xikoó tsi ngo kondra̱ kamá, kó katsꞌénkjié nangi Israee̱l. Katsꞌénkjié ngayeje ndo̱bo̱a̱xa̱á, katsꞌénkjié ngayeje ngi̱ndie nínga síndo ngaꞌniuú, kó katsꞌén tsie ngase kjo̱a̱xa̱ꞌya̱a̱, ko̱jo kjo̱a̱chaꞌaá nangi Jundáa̱ tsjakjiꞌii̱.

Ndeuteronomio̱ 28:33

»Ngayeje ni̱xtjin nga xota̱ xi nde yàjínjnú xi sa̱ꞌínchejéjnú, kó ndajín sa̱ꞌínjo̱jnú, kó kuí boá xi kꞌo̱je̱n ni xi jún ikꞌítji̱e̱jnú, xota̱ xi nde yàjínjnú ꞌyá kuí bo̱a̱ xi skji̱ni̱e̱ ni xi achichí kjo̱a̱ni̱ma̱ ikꞌítji̱e̱jnú.