Joo̱b 5:11 - Xo̱jo̱n eén Néná

¹¹ Néná boá xi tsjaá ngaꞌniú xota̱ xi ni̱ma̱kjo̱a̱ síndoo̱, kó bosikójo xota̱ xi síndo xa̱ꞌya̱a̱,

Joo̱b 5:11 Iomraidhean Croise

Joo̱b 22:29

Néná ni̱ma̱kjo̱a̱ tsꞌénkꞌíndo xota̱ xi nkꞌakoo̱n, kó tsꞌénkjastjíe̱n xota̱ xi ni̱ma̱kjo̱a̱a̱.

Joo̱b 36:7

ngatsjéni̱xtjin nga koo̱n xota̱ xi kixi̱i̱, kó achichí nkꞌa xá xí tsjaá: ¡Tsjandieè nga ngatsjéni̱xtjin ki̱a̱ nijan ko̱tíxomajo̱ ree̱!

Joo̱b 8:7

Kó ndatsi chiboa ma kjo̱a̱cho̱n xi tjón kisꞌiee̱, nde kjo̱chótji̱ngíjín xikó kjiꞌi ni xi jaskan kꞌuieé.

Xo̱jo̱n Salmoo̱ 107:41

Xota̱ xi ni̱ma̱a̱ Néná boá xi ꞌboxiéjin ngi̱jii̱n kjo̱a̱ni̱ma̱ xi foaꞌajin, kó kuí xí tsꞌén nga xota̱ xi ngo ndiꞌa mani, ma kjín ngase xikoó cho̱ tji̱e̱é.

Xo̱jo̱n Salmoo̱ 113:7

Xota̱ xi ni̱ma̱ ko̱jo xi ni̱ma̱kjo̱a̱a̱ ꞌboxiéjinni kjo̱a̱ni̱ma̱ xi ndyi̱foaꞌatio,

Xo̱jo̱n Salmoo̱ 91:14

Bi̱ tsó Néná: «Ta̱ngatꞌanii̱ nga tjoó an, kuíni nga an kꞌoxiéꞌá an, kó nkꞌa kꞌuijñá an, ta̱ngatꞌanii̱ nga je kamábe jaꞌénna.

Rkaa̱ 6:21

Achichíra̱ tsjajnú jún xi bojójnú ngotꞌe̱, ngatꞌa̱ sꞌe̱ stsi̱e̱jnú. Achichíra̱ tsjajnú jún xi ndyi̱chaꞌájnú ngotꞌe̱, ngatꞌa̱ sꞌe̱ ko̱jno̱jnú.

Ndeuteronomio̱ 33:27

Néná kuí boá Ne xi tikón ngatsjéni̱xtjii̱n, kó ngatsjéni̱xtjin nga skónjnú, kuí boá xi sa̱ꞌín nga ko̱nga kondra̱jnú, tsi̱ꞌe̱ nga si̱ꞌankjiejnú.

Xo̱jo̱o̱n Sandiyaá 1:9

Kui ntsꞌié xi ni̱ma̱ tsꞌén tikoón, tsjangatamaa̱, ngatꞌa̱ nkꞌa tikón ngindyi̱ko̱n Néná,

1 Xo̱jo̱o̱n Peé 1:3

Nganiꞌántsjaá Néná, kui xi Na̱ꞌmii̱ Ndi̱a̱ná Jesukristoo̱, kui xi ta̱ngatꞌanii̱ kjo̱a̱ni̱ma̱takón jee̱ nga katsꞌéntsen nginíná nga ndyi̱chiyáa̱ nga ko̱jo ñá kꞌuiéná ngo kjo̱a̱mindyion, ta̱ngatꞌanii̱ nga jaꞌáꞌyaá Jesukristoo̱ ngi̱jii̱n xota̱ xi je jesoón.

1 Xo̱jo̱o̱n Peé 5:10

Kó ngije ikitjatiójnú chií kjo̱a̱ni̱ma̱ chiboa ni̱xtjin, kui Néná xí tsi̱ꞌe̱ ngayeje kjo̱a̱ndaa̱, kui xi Jesukristoo̱ katsꞌénkjién nga tsíchji̱a̱ná, tsi̱ꞌe̱ nga sa̱kóná kjo̱a̱je xi fejiín, kui nga tsꞌén xi chjiéngá ka̱majnú, nga tsjangaꞌniújnú, ꞌniú ngatꞌijñájnú, ko̱jo nga tsjandièjín nga jó nga ján kꞌuijñaá ini̱ma̱jnú.