Joo̱b 42:2 - Xo̱jo̱n eén Néná

² «Jè be an nga ji xi maa̱ niꞌán ngayeje nii̱, ko̱jo nga jmíjín xi ka̱maa̱ ku̱i̱ꞌíjñaꞌma kjo̱a̱niꞌánkjoó ngindyikin ji.

Joo̱b 42:2 Iomraidhean Croise

Jenesii̱s 18:14

A tjín ngo ni xi niꞌin ka̱mana nga sa̱ꞌin an. Nó xí ndibaá kji̱ndi̱bákón ngiñaá ngije stse̱n ndií na̱ Saraa̱.

Joo̱b 23:13

»Tsi ngo ni xi mejeén sa̱ꞌín Néná, ꞌyá xí ka̱maa̱ nga ku̱i̱ꞌíchjaá tsi̱ꞌe̱ nga ko̱síkjo ni xi sa̱ꞌín, ni xi tsó ini̱ma̱a̱, kuí ni xi tsꞌén.

Joo̱b 25:2

«Achichí ngaꞌniú tjiín Néná nga ngaskande tsꞌénkjátsiéndíkón máná. Néná boá xi tsꞌén nga ꞌbé kjo̱a̱xió nkꞌa jàn.

Joo̱b 42:1

Kósꞌe̱ Joo̱b, bi̱ katsoó Néná:

Xo̱jo̱n Salmoo̱ 135:6

Néná tsꞌén ni xi mejeén sa̱ꞌín, ki̱a̱ nkꞌajmii̱ ko̱jo kꞌi̱e̱ nga̱sondiee̱, ko̱jo ngi̱jin nínga ꞌniú na̱nga̱a̱ ndáchíkoón.

Xo̱jo̱n Salmoo̱ 139:2

Yé jí kjiꞌanga botíjña̱ an, ko̱jo kjiꞌanga fostjíe̱n an, ¡ta̱ kjin makjínnii̱ ni xi tjíjinko̱n an!

Xo̱jo̱n Salmoo̱ 44:21

kó Néná, a mí tsí je kamákjiín kui nii̱ tsobo̱a̱, ngatꞌa̱ kui jè be ni xi tjiꞌmaá ini̱ma̱a̱.

Énkjínkón 19:21

Achichí má ni xi ꞌbínda nga sa̱ꞌín ngo xota̱, ta̱nga kjo̱a̱botíxomaa̱ Néná boá xi kꞌuijñá ngatsjéni̱xtjin.

Eklesiastee̱ 3:14

Jè kamákjínna nga ngayeje ni xi katsꞌén Néná ngatsjéni̱xtjin nga sꞌi̱jña, jmíjín ni xi sꞌi̱soón, ti̱nde jmíjín ni xi chja̱ꞌáxiín, kó kui nii̱ xi tsꞌén Néná, tsi̱ꞌe̱ nga xota̱ nga̱sondiee̱ sku̱i̱e̱ndikón.

Matioo̱ 19:26

Kjisoo̱ askoꞌá kui jaá, sꞌe̱ bi̱ katsoó: –Ka̱májiín sa̱ꞌín kui nii̱ ngo xota̱, ta̱nga Néná ngayeje nii̱ xi ka̱maa̱ sa̱ꞌín.

Markoo̱ 10:27

Kósꞌe̱ Kjisoo̱ askotsijee̱n kui jaá, kó bi̱ katsoó: –Ka̱májiín sa̱ꞌín kui nii̱ ngo xota̱, ta̱nga Néná ngayeje nii̱ xi ka̱maa̱ sa̱ꞌín.

Markoo̱ 14:36

Kó bi̱ katsó nga tsíchji̱a̱a̱ Néná: –Abba, (Na̱ꞌmi, tsó kui eén), ji xi ngayeje nii̱ xi máa niꞌín ji, tsi ka̱ma, chje̱ꞌéxín boeꞌéní kui kjo̱a̱ni̱ma̱a̱, ta̱nga jmí tsi ni xi xian an xi ngatama, ta̱sá ngatama ni xi mejeén ji.

Rkaa̱ 18:27

Sꞌe̱ Kjisoo̱, bi̱ katsó: –Ni xi ka̱májiín sa̱ꞌín ngo xota̱, ka̱márií sa̱ꞌín Néná.

Juaa̱ 21:17

Sꞌe̱ xi ma jaán ndi̱yà Kjisoo̱ asíyá nginií Ximo̱ Peé, nga bi̱ katsó: –Ximoo̱, ndií Jonaa̱, a tjoó án. Sꞌe̱ Peé ndasen kamaá nga xi ma ján ndi̱yà nga Kjisoo̱, bi̱ katsó: –A tjoó án. Kó bi̱ katsó Peé: –Ndi̱a̱, ji jè yé ji ngayeje nii̱, kó ja̱ jè yé ji nga tjóna ji. Sꞌe̱ Kjisoo̱, bi̱ katsó: –Chíi̱n cho̱tsa̱nga̱na.

Xota̱ Éfeso̱ 1:11

Xikó tsꞌén índa tjón tjón Néná, bo̱a̱ tsꞌén katsꞌénkjién Kristoo̱ tsi̱ꞌe̱ nga ko̱jo ji̱n jaꞌájinjne̱ nga katsjájne̱ ni xi tsja̱á ndií, ngatꞌa̱ Néná tsꞌénkjátjosón ngayeje ni xi mejeén nga sa̱ꞌín kuí.