Joo̱b 42:12 - Xo̱jo̱n eén Néná

¹² Kó Néná katsꞌénchikonñé ni xi jaskan kamaá Joo̱b, ta̱bo̱a̱jiín xikótsꞌèn kisꞌijña nga tjón tjón. Ngatꞌa̱ bi̱ kjiꞌi ni xi kisꞌiee̱: tienijón mi̱ cho̱tsa̱nga̱, ko̱jo jun mi̱ cho̱toꞌoyitsꞌe̱n, ko̱jo jó mi̱ cho̱yojo xi bokján tꞌanangi, ko̱jo ngo mi̱ bórró ínchjín,

Joo̱b 42:12 Iomraidhean Croise

Jenesii̱s 24:35

Néná achichí tjítsꞌénchíkonñé ndi̱a̱na ngatꞌa̱ achichí cho̱n, Néná katsjaá cho̱tsa̱nga̱, ko̱jo cho̱yojo, ko̱jo to̱nsinié, ko̱jo to̱ntiboa, ko̱jo já moso̱, ko̱jo ínchjín moso̱, ko̱jo cho̱toꞌoyitsꞌe̱n ko̱jo bórró.

Jenesii̱s 32:14

iskjíbé jó úchán tindso̱ ínchjín ko̱jo kan tindso̱ xi̱ꞌin, jó úchán cho̱tsa̱nga̱ ínchjín ko̱jo kan cho̱tsa̱nga̱ xi̱ꞌin,

Joo̱b 1:10

Ngatsjéni̱xtjin nga ji tichìi̱n kui ko̱jo xota̱ ndiꞌaa̱, ko̱jo ngayeje ni xi tjiín, kó niꞌínchikonñí ji xá xí tsꞌén. ¡Cho̱yojoo̱ ko̱jo cho̱tsa̱nga̱a̱ je tjikítsieni ngayeje kui nangii̱!

Joo̱b 1:2

Kuí boá kui nda̱a̱ xi achichí ꞌniú cho̱n ngase kamá ki̱a̱ nangi xi síndo xtji̱e̱e̱n nínga fotjo tsꞌueé. Tie kamá ndií, yito xi xi̱ꞌin ko̱jo ján xi ínchjín, ko̱jo achichí kamá moso̱ xi ki̱a̱ katsꞌénxátꞌaa̱. Kó yito mi̱ cho̱tsa̱nga̱ kisꞌiee̱, ko̱jo ján mi̱ cho̱toꞌoyitsꞌe̱n, ko̱jo ngo mi̱ cho̱yojo xi̱ꞌin xi bokján tꞌanangi, ko̱jo ún úchán bórró ínchjín.

Joo̱b 8:7

Kó ndatsi chiboa ma kjo̱a̱cho̱n xi tjón kisꞌiee̱, nde kjo̱chótji̱ngíjín xikó kjiꞌi ni xi jaskan kꞌuieé.

Xo̱jo̱n Salmoo̱ 107:38

Néná katsꞌénchikonñé, kó achichí kamá ndií, kó cho̱ tji̱e̱é achichí kamákjín nga.

Énkjínkón 10:22

Kjo̱a̱niꞌánchikonñeé Néná, kjo̱a̱cho̱n boá, kó jmí kjo̱a̱ndasenjiín.

Eklesiastee̱ 7:8

Chjí ngasenii̱ nga ndatsꞌèn si̱ꞌankjietꞌani ngo ni, ta̱bo̱a̱jiín nga ndatsꞌèn ku̱i̱ꞌítsꞌi̱yanii̱. Chjí ngasenii̱ ngo xota̱ xi koyakjo̱a̱, ta̱bo̱a̱jiín ngo xota̱ xi nkꞌakon.

Ndeuteronomio̱ 8:16

Ngata̱ chíyájínjnú nga Néná katsjájnú nichinie xi ndibání ndiꞌakꞌajmii̱ ki̱a̱ nangi kixií, ngo nichinie xi jmíni̱xtjin kamábe xota̱ xi xchájnú. »Ngatjaꞌátsjienjnú nga Néná boá xi katsangiyajnú kui kjo̱a̱chjatꞌayákoón nganda tsa̱jún.

1 Timoo̱ 6:17

Xota̱ cho̱o̱n kui nga̱sondiee̱ tatíxomée̱ nga jejín ꞌboxié yojoo̱, ti̱nde nga kjo̱a̱cho̱o̱njín xi ka̱maꞌniátakón, ngatꞌa̱ kjo̱a̱cho̱o̱n jmí tsi ngatsjéni̱xtjii̱n nga sꞌi̱jña, ta̱sá kui Néná xi tikoón xi ngatamaꞌniátakón, ngatꞌa̱ kuí boá xi tsjáná ngayeje ni xi machjiénná, tsi̱ꞌe̱ nga tsjatsꞌèn si̱ꞌankjién kuí nii̱.

Xo̱jo̱o̱n Sandiyaá 5:11

Tsitsíjenjnúu̱ nga xota̱ xi ndyi̱foaꞌatio kjo̱a̱ni̱ma̱a̱, xikónií tsi xota̱ xi achichíra̱tsjaa̱ ꞌmíjne̱. Jún je kandaꞌyájnú kótsꞌèn kichikjoaá nda̱ xi ꞌmí Joo̱b ngayeje kjo̱a̱ni̱ma̱ xi jaꞌatio, kó jè kamáyàjnú kó katsꞌénjo̱ Ndi̱a̱ná nga fetꞌaa̱, ngatꞌa̱ Ndi̱a̱ná ni̱ma̱ máa ñá kó koyakjo̱a̱ná nga.