Joo̱b 42:11 - Xo̱jo̱n eén Néná

¹¹ Kó ngayeje ntsꞌie ko̱jo ndichja, ko̱jo ngayeje xota̱ xi kamábe ngasꞌe̱, kijíkatsijee̱n, kó ngo sꞌué xí ꞌniú katsꞌén. Katsjangaꞌniuú ko̱jo katsꞌéndajoo̱n kjo̱a̱a̱ ngayeje kjo̱a̱ni̱ma̱ xi Néná katsꞌénkjaꞌatio, kó nga ngo nga ngo kui jaá ngo to̱ntiboa ko̱jo ngo sti̱ngaro xi to̱nsinié katsjaá Joo̱b.

Joo̱b 42:11 Iomraidhean Croise

Jenesii̱s 24:22

Kó ngije kamaá nga katsꞌe ndáfoa cho̱toꞌoyitsꞌeèn, kui mosoo̱ íjñaá ṉtjo̱n na̱ Rebekaa̱ ngo sti̱ngaro xi to̱nsinié xi jun ngramo̱ é, ko̱jo íjñaá tsja ngo ni xi ꞌbíkjá ndsa̱ xi úchán ngramo̱ é nga.

Jenesii̱s 24:53

kósꞌe̱ tsꞌaxié ni to̱nsinié ko̱jo ni to̱ntiboa ko̱jo xtjí xi yaꞌa, kó katsjaá na̱ Rebekaa̱, kó ko̱jo ntsꞌi̱e̱ kui naa̱ ko̱jo na̱aa̱n katsjaá ni xi achichí tsjákón.

Jenesii̱s 37:35

Kó ngayeje ndií xi xi̱ꞌin ko̱jo xi ínchjín jachókoón nga jachótsꞌéndájoón, ta̱nga kamámejénjiín nga kiniꞌándajoo̱n. Ta̱sá ta̱soboá askjandá, nga bo̱a̱ katsó nga kamámejeén ko̱yà nga, tsi̱ꞌe̱ nga ki̱a̱ kꞌuijñátꞌaa̱ Kosiee̱.

Joo̱b 16:5

Ta̱nga tsi an xi tikón an ngajojnú, sa̱ꞌinꞌniútakonjnúꞌun nga kuichjiájojnúꞌun én xi sa̱ꞌíndajonjnú xi sa̱ꞌínkꞌíxió xi so xi ndakjaa̱n.

Joo̱b 2:11

Joo̱b ján já amingo̱ kisꞌiee̱, kó kuí boá xi ꞌmí: Elifaa̱, kui xi chji̱a̱ni nangi Temaa̱n, ko̱jo Bilndaa̱nd, kui xi chji̱a̱ni ngo ngi̱ndie xi ꞌmí Súaa̱j, ko̱jo Sofaa̱r, kui xi chji̱a̱ni ngo ngi̱ndie xi ꞌmí Naamaa̱t. Ngije tsintꞌié ngayeje ni xi ndajín xi kamaá Joo̱b, nijan kamá xkjín kuí jaá, tsi̱ꞌe̱ nga ko̱e̱je̱koo̱n, kó sa̱ꞌíndajoo̱n ko̱jo ka̱tso̱yaa̱ nga ko̱jo kui ndasen tjíndo kjo̱a̱a̱ nga jesón ndií Joo̱b.

Joo̱b 4:4

achichí kamaá kandokjo̱e̱je ji, nga katseꞌéngaꞌníi̱ xota̱ xi kisꞌińdo ndasee̱n, ko̱jo akasíke̱je ji xota̱ xi inda tsꞌén kisꞌiṉtso̱maa̱.

Énkjínkón 14:20

Xota̱ xi ni̱ma̱a̱, ngaskande xota̱ xi nda yaꞌaa̱ xi chꞌo maa̱, ta̱nga xota̱ xi cho̱o̱n, achichí má xota̱ xi tsꞌéntjó.

Énkjínkón 16:7

Kjiꞌanga Néná tsjá maá kjo̱a̱a̱ xikótsꞌèn síndo xotaa̱, ngaskande ko̱jo xota̱ xi kondra̱a̱, nijan ꞌbeé kjo̱a̱xió.

Juaa̱ 11:19

Kó achichí má xota̱ jundío̱ xi jachókoón na̱ Martaa̱, ko̱jo na̱ Riyaa̱, tsi̱ꞌe̱ nga katsꞌéndajoo̱n kjo̱a̱a̱ nga kꞌien ntsꞌi̱e̱.

Xota̱ Roma̱ 12:15

Tsja ngatamajnú tsi tjín xí tsja tjiín, kó chaꞌájo̱jnú tsi tjín xí ndyi̱kjandà.

1 Xota̱ Korinto̱ 12:26

Kó kuíni nga, tsi tjín ni xi yaꞌaa̱ yojoná xí kjo̱a̱ni̱ma̱ kjo̱a̱ꞌatio, ngayeje xi ngasee̱ xi on ka̱maa̱ nga, kó tsi tjín ni xi yaꞌa yojoná xí ndikón si̱ꞌanjo̱, ngayeje xi ngasee̱ xi tsja ka̱maa̱ nga.

Xota̱ Ebreo̱ 12:12

Ja̱ bo̱a̱ tsꞌén te̱ꞌéngaꞌniújnúu̱ ndsa̱jnú xi je jendaa̱, ko̱jo tikójnú xi je ngiti̱ jmí ngaꞌniújiín,

Xota̱ Ebreo̱ 13:3

Ngatjaꞌátsjienjnú nga ko̱si̱ko̱jójnú xota̱ xi síndoyá ndo̱bo̱a̱ya̱à, xikó maá tsi jún nijan tindyionjo̱jnú ndo̱bo̱a̱yà, ko̱jo ti̱ ngatjaꞌátsjienjnú nga ko̱si̱ko̱jójnú xota̱ xi ndajín tjíniꞌánjo̱o̱ nga, xikó maá tsi jún xi bo̱a̱ kjimataꞌinjnú.