Joo̱b 42:10 - Xo̱jo̱n eén Néná

¹⁰ Jaskan ngije Joo̱b tsíchji̱a̱tjé amingoo̱, Néná jaꞌáxiín kjo̱a̱ni̱ma̱ xi tsꞌénfoaꞌatio, kó jó bo̱a̱ kjiꞌi ni katsjá nginií xikó kjiꞌi ni xi kisꞌiee̱ ngasꞌe̱.

Joo̱b 42:10 Iomraidhean Croise

Jenesii̱s 20:17

Kósꞌe̱ Abraa̱n tsíchji̱a̱a̱ Néná, kósꞌe̱ Néná katsꞌéndaya Abimelee̱k, kó chjo̱ón ko̱jo ínchjín mosoo̱ kamá kisꞌie nginií ndí.

Joo̱b 1:2

Kuí boá kui nda̱a̱ xi achichí ꞌniú cho̱n ngase kamá ki̱a̱ nangi xi síndo xtji̱e̱e̱n nínga fotjo tsꞌueé. Tie kamá ndií, yito xi xi̱ꞌin ko̱jo ján xi ínchjín, ko̱jo achichí kamá moso̱ xi ki̱a̱ katsꞌénxátꞌaa̱. Kó yito mi̱ cho̱tsa̱nga̱ kisꞌiee̱, ko̱jo ján mi̱ cho̱toꞌoyitsꞌe̱n, ko̱jo ngo mi̱ cho̱yojo xi̱ꞌin xi bokján tꞌanangi, ko̱jo ún úchán bórró ínchjín.

Joo̱b 42:9

Kósꞌe̱ Elifaa̱, nda̱ xi chji̱a̱ni nangi Temaa̱n, ko̱jo Bilndaa̱nd, nda̱ xi chji̱a̱ni nangi Súaa̱j, ko̱jo Sofaa̱r, nda̱ xi chji̱a̱ni nangi Naamaa̱t kijí, kó katsꞌénkjatjosón ni katsoó Néná, kó Néná katsꞌénseén Joo̱b nga ꞌniú tsíchji̱a̱a̱.

Xo̱jo̱n Salmoo̱ 126:1

Kjiꞌanga Néná katsꞌénkjindibá nginíjne̱ ndeskande Babilonia̱, ngaskande Jerusale̱n, kiniꞌánkjójne̱ nga ta̱ chi̱ni boá xi kjiboeꞌéjne̱.

Xo̱jo̱n Salmoo̱ 14:7

¡Achichíra̱ ndakjiꞌi tsi ki̱a̱ na̱xi̱ńdáꞌniú Jerusale̱n kjo̱tjoni xi kꞌo̱xiéꞌá xota̱ Israee̱l! ¡Kjiꞌanga Néná sa̱ꞌíndé xota̱ na̱xi̱ńdaá kui, xi tsangínjo̱ ꞌniuú, achichí tsjá ka̱maa̱ xota̱ tji̱e̱e̱ Jakoo̱b, ko̱jo ngayeje xota̱ Israee̱l!

Xo̱jo̱n Salmoo̱ 53:6

¡ꞌYá xí ka̱maa̱ tsi sa̱ngíyá ndeskande ki̱a̱ tji̱ngi̱ Sioo̱n, xi kꞌo̱xiéꞌá na̱xi̱ńdá Israee̱l katsaki! ¡Kjiꞌanga Néná sa̱ꞌínkjindibáꞌóyá nginí xota̱ na̱xi̱ńdaá ngije kamándé! ¡Tsjangatamaa̱ xota̱ tji̱e̱e̱ Jakoo̱b, tsjangatꞌieé xota̱ Israee̱l!

Énkjínkón 22:4

Ni̱ma̱kjo̱a̱ ꞌnaxié ji yojòo̱ ko̱jo che̱ndikín jí Néná, kó Néná tsja̱á kjo̱a̱cho̱n, kjo̱a̱yandikón ko̱jo kjo̱a̱mindyion.

Xki̱ 12:13

Kósꞌe̱ Moisee̱ tsíꞌaá Néná nga ka̱mandaya na̱ Riyaa̱,

Xki̱ 12:2

Kó bi̱ katsó: «A ta̱ Moisee̱ tsí xi tsíchji̱a̱jo Néná. Ko̱jo ñá boá xi tsíchji̱a̱joná nga». Kó Néná tsintꞌieé ni xi katsó,

Xki̱ 14:10

Ta̱nga xota̱ Israee̱l nde katsꞌénsénjiín én xí katsó, ta̱sá kamámejeén nga ndi̱jo̱ tsꞌaya katsaki. Kósꞌe̱ Néná jachójo̱ ngayeje kjo̱a̱je xi tjiín nga jatjokjà ki̱a̱ ndiꞌandikoón, ngindyi̱ko̱n ngayeje xota̱ Israee̱l,

Rkaa̱ 16:27

Sꞌe̱ bi̱ katsó kui nda̱ cho̱o̱n: “ꞌNiú míꞌaá na̱ꞌmi, tsi̱ꞌe̱ nga ko̱na̱ngíyé ji Laá ndiꞌaa̱ na̱ꞌmina,

Ni xi kamá 7:50

A mí tsi ndsa̱ án boá xi katsꞌénda ngayeje kui nii̱.

Ni xi kamá 7:60

Kó asiéntikoó, sꞌe̱ achichí ꞌniú askjandáyà, nga bi̱ katsó: –¡Ji Ndi̱a̱, ngata̱ ki̱a̱jín chꞌiée̱ xki̱ jé xi ndyi̱tsꞌènjo̱na kui xotaa̱! Kó ngije bo̱a̱ katsó, kꞌien ꞌne̱ ngijee̱.

Ndeuteronomio̱ 30:3

Néná ni̱ma̱ ka̱maa̱ jún, kó ingo ndi̱yà nginí sa̱ꞌínchikonñéjnú. Sa̱ꞌínkjín nginíjnú ki̱a̱ na̱xi̱ńdá nínga tjón katsangiyajnú. Ndatsi je ꞌniú kjin nínga tindyiónjnú, Néná ko̱ngasejnú, kó kji̱ndi̱bájo̱ nginíjnú ki̱a̱ na̱xi̱ńdá xi katsóyàtjoón nga tsja̱á xota̱ xi xchájnú. Kó ki̱a̱ boá nínga ndatsꞌèn ku̱i̱ndyionjnú, kó kjín ngase ndí kꞌuiéjnú ta̱bo̱a̱jiín xota̱ xi xchájnú.

Ndeuteronomio̱ 8:18

Ta̱sá ngatjaꞌátsjienjnú nga Néná boá xi katsjájnú ngayeje kui nii̱, kó bo̱a̱ katsꞌén, ngatꞌa̱ katsꞌénkjatjosón ni xi katsóyàtjoón xota̱ xi xcháná nga tsja̱á.

Xo̱jo̱o̱n Sandiyaá 5:11

Tsitsíjenjnúu̱ nga xota̱ xi ndyi̱foaꞌatio kjo̱a̱ni̱ma̱a̱, xikónií tsi xota̱ xi achichíra̱tsjaa̱ ꞌmíjne̱. Jún je kandaꞌyájnú kótsꞌèn kichikjoaá nda̱ xi ꞌmí Joo̱b ngayeje kjo̱a̱ni̱ma̱ xi jaꞌatio, kó jè kamáyàjnú kó katsꞌénjo̱ Ndi̱a̱ná nga fetꞌaa̱, ngatꞌa̱ Ndi̱a̱ná ni̱ma̱ máa ñá kó koyakjo̱a̱ná nga.