Joo̱b 4:6 - Xo̱jo̱n eén Néná

⁶ Ji xi achichí kixi̱ tsꞌén tiniꞌínxétꞌée̱ Néná, kó nga ta̱soboá ni xi nda tjítsꞌen an, kase ji, kó míkjo̱a̱a̱ nga kjimaꞌnítakínjín ji Néná ngotꞌe̱ ꞌne̱.

Joo̱b 4:6 Iomraidhean Croise

Joo̱b 1:1

Ki̱a̱ nangi Uu̱ kisꞌijña ngo nda̱ xi kiꞌmí Joo̱b xi achichí ndaxota̱ ko̱jo kixi̱ kamá. Ngatsjéni̱xtjin nga kamábendikón Néná, kó chiíjín katsꞌén ni xi ndajín.

Joo̱b 13:15

Néná boá xi kjimaꞌniáko̱n an, ndatsi kui xi mejeén sa̱ꞌínkꞌiénna, ta̱nga kꞌoxiéꞌá án yojona ngindyi̱ko̱n kui.

Joo̱b 16:17

Ndatsi jmíni̱xtjin katsꞌen an ni xi ndajín, ta̱nga kixi̱ chjiáa̱ Néná.

Joo̱b 17:15

¡ja̱ ñání tikón kjo̱a̱chiyána, tsobo̱a̱ kó kui kjo̱a̱chiyaá, ꞌyá xí jaskan sku̱i̱e̱!

Xo̱jo̱n Salmoo̱ 26:1

Ji Ne, kixi̱ ti̱ꞌinsénní, ngatꞌa̱ kixi̱ tikòn an, kó nde jó nde jánjín ꞌbijñáa̱ ini̱ma̱na nga ji ꞌniákoo̱n.

Xo̱jo̱n Salmoo̱ 27:3

Ndatsi ngo xtín jájún kjo̱a̱ꞌatjiyajonna nga ka̱ma mejeén skjánjo̱na, stsa̱kjonjín ini̱ma̱na, kó ndatsi tjín xí mejeén kjo̱a̱xchán sa̱ꞌínjo̱na, ta̱nga an, jè be an ꞌyání xi ꞌniáko̱n an.

Énkjínkón 14:26

Tsi xcha̱ndikón Néná, kjiꞌá boá nga ꞌniú ka̱maꞌniátakón, kó ndíná kꞌuieé kjo̱a̱chiyá.

Énkjínkón 3:26

Ngatꞌa̱ Néná boá xi ka̱maꞌnítakín ji, kó kuí boá xi tsja̱ndièjín nga chja̱ya̱ kꞌo̱kayà ndsa̱ki ji.

1 Xo̱jo̱o̱n Peé 1:13

Kuíni nga ti̱ndyiondajnú nga kꞌuiéjnú kjo̱a̱kjínkón, kó nda ti̱ꞌankjójnú ni xi si̱ꞌánjnú, kó chiyá ndo̱jò ndójo̱jnúu̱ kjo̱a̱nda xi kjo̱e̱ꞌéjo̱jnú kjiꞌanga ko̱kó yojoo̱ Jesukristoo̱.

1 Xo̱jo̱o̱n Peé 1:17

Kó nga “Na̱ꞌmi” ndyi̱ꞌmìjnúu̱ kui Néná xi ta̱ són tsꞌénjo̱ xotaa̱ nga tsáyà tsi nda ko̱jo tsi ndajín ni xi katsꞌén, chjiéngá xcha̱ndikónjnú ngatsjéni̱xtjin nga ku̱i̱ṉtsomajnú kui nga̱sondiee̱.