Joo̱b 4:19 - Xo̱jo̱n eén Néná

¹⁹ akja̱ꞌmíra̱ xotaa̱ ka̱maꞌniátakón, kui xi ndiꞌa chji̱ndi̱e̱ síndoꞌyaá, kó ńdie kamándani, ngatꞌa̱ inda boá, kó ka̱ma ko̱jna̱nié xikoó xobií.

Joo̱b 4:19 Iomraidhean Croise

Jenesii̱s 18:27

Ta̱nga Abraa̱n ti̱ bi̱ ti̱ katsó nginií Néná: —Ne tsa̱ꞌa̱n, ti̱ꞌinjetakínní nga bi̱ tsꞌén tsꞌénchji̱a̱joo ji, ja̱ jè yé ji nga ngindyikin ji jmí ni chjíjiín an.

Jenesii̱s 2:7

Kó Néná iskjíbé chií chojo, kó kui nii̱ xi katsꞌéndani ngo nda̱, kó askjonomójón ṉtjo̱n nga katsjaá kjo̱a̱mindyion, kó bo̱a̱ tsꞌén nga ngo xota̱ xi tikón kamá ngijee̱.

Jenesii̱s 3:19

»Tsie kjo̱a̱ni̱ma̱ ku̱i̱tja̱tí nga si̱ꞌinxé jí tsi̱ꞌe̱ nga sa̱ko̱ó ni xi xi̱ni̱ ji. Bo̱a̱ ka̱ma ngaskande ni̱xtjin nga ko̱yè jí, kó ka̱ma nginí ji chojo, ngatꞌa̱ chojoo̱ boá xi katjóbé nga kamánda ji. Ngatꞌa̱ ta̱ chojo tsí jí, ¡kó chojo ka̱ma nginí ji!»

Joo̱b 10:9

Ngatjaꞌátsjiee̱n nga xikó má tsꞌén niꞌánda ngo ti̱jì bo̱a̱ má tsꞌén kiniꞌíndení, kó ngotꞌe̱ ꞌne̱ ńdie mejeén si̱ꞌin nginí.

Joo̱b 13:12

»Jún ndyi̱ndokjo̱a̱jnú ngo énkjínkón xi jmí ni chjíjiín, kó ni xi ndyi̱ꞌmìjnú nga ndyi̱ꞌnaxiéꞌájnú yojojnú, xikónií tsi kjibixóndó xikoó ndásee̱.

Joo̱b 13:28

»Yojona je kjife, xikó maá tsi je kjifondo, xikó maá ngo ńjño xi kjinie xobií.

Joo̱b 14:2

Bo̱a̱ kón xikoó naxoó: fotjo, kó nga bichá achichí tsá xíꞌniú, bo̱a̱ kón xikoó tji̱nkꞌi̱e̱én nga achichí tsá foaꞌa.

Joo̱b 22:16

Ngatjaꞌátsjiee̱n nga kui xotaa̱ achichí ngindie ni̱xtjin nga jesón, ngatꞌa̱ xikoó tsi ndáfoaa̱ ndejeèꞌ kijítjiboajo̱.

Joo̱b 25:6

¡akja̱ꞌmíra̱ xota̱ nga̱sondiee̱ xi chjínií, xi ta̱ chi̱ndo tsí bo̱a̱!»

Joo̱b 33:6

Ngindyi̱ko̱n Néná, ji ko̱jo an ndse̱je̱n ñá, ngatꞌa̱ ti̱ chojo kamándani an nga.

Xo̱jo̱n Salmoo̱ 146:4

Kjiꞌanga ꞌme kui xotaa̱ chojo má nginí, kó kui ni̱xtjii̱n nijan fesón kui ko̱jo ngayeje ni xi índa.

Xo̱jo̱n Salmoo̱ 39:11

Jí boá xi niꞌínjée̱ xotaa̱, kó niꞌínchji̱ni̱ ji kjo̱a̱a̱ ni xi ndajín xi ndyi̱tsꞌèn, kó xikoó xobií nga niꞌínkjatsén jí kjo̱a̱tsjakjiꞌii̱. Nga Ja̱koxi̱, ta̱kjo̱a̱ndaní bo̱a̱ xota̱ nga̱sondiee̱.

Eklesiastee̱ 12:7

Ngindiee̱ nga chojo ka̱má nginí ji, xikoó ngasꞌe̱, kó a̱si̱énni̱xtjìi̱n Néná skjíbé nginí, ngatꞌa̱ kuí boá xi katsjá.

2 Xota̱ Korinto̱ 4:7

Néná katsjájne̱ kui kjo̱a̱cho̱n xi̱ꞌbi̱, kó ji̱n xikónií ngo boso̱ ti̱jì nínga tikóntjó kui kjo̱a̱cho̱o̱n. Tsi̱ꞌe̱ nga sꞌi̱jña tsijen nga kui ngaꞌniú ndakjiꞌii̱ tsi̱ꞌe̱ Néná ka̱ma, kó jmí tsi tsa̱ji̱n.

2 Xota̱ Korinto̱ 5:1

Ngatꞌa̱ ñá jè ya nga yojoná xikónií tsi ngo ndiꞌańjño xi tindyionyá kuí nga̱sondiee̱. Kó nga kjo̱tsòn kuí ndiꞌańjñoo̱, ya nga ndiꞌakꞌajmi jàn tikónna ngo ndiꞌa xi tikón ngatsjéni̱xtjin xi tsjáná Néná, ngo ndiꞌa xi jmí tsi tsja xota̱ kamándani.

1 Xo̱jo̱o̱n Peé 1:24

Ngatꞌa̱ bi̱ tsó xo̱jo̱n eén Néná: Ngayeje xota̱ xi tjín nga̱sondiee̱ xikónií ngo kꞌijñá, kó ngayeje kjo̱a̱jee̱ xotaa̱ xikónií ngo naxoó kui kꞌijñaá. Xí kꞌijñaá, kó ꞌbókangí naxoó.