Joo̱b 4:17 - Xo̱jo̱n eén Néná

¹⁷ “A kixi̱ ngase xotaa̱ ta̱bo̱a̱jiín Néná. A tsjie ngase xotaa̱ ta̱bo̱a̱jiín kui Ne xi katsꞌénda.

Joo̱b 4:17 Iomraidhean Croise

Jenesii̱s 18:25

¡Jí boá ngo Ne xi kotsijee̱n tsi nda ko̱jo tsi ndajín ndyi̱tsꞌèn ngayeje xota̱ nga̱sondiee̱! ¡Kó jí ka̱májín nijan si̱ꞌinkꞌin ji xota̱ xi ndajín ndyi̱tsꞌe̱én ko̱jo xota̱ xi nda ndyi̱tsꞌe̱én! ¡Jí boá ngo Ne xi ndse̱je̱n tsꞌenseén ngayeje xotaa̱!

Joo̱b 14:4

ꞌYá xí ka̱maa̱ sa̱ꞌíntsjie ni xi ndándií. Ta̱ꞌyajínni.

Joo̱b 15:14

ꞌYání bo̱a̱ xota̱ nga̱sondiee̱ tsi̱ꞌe̱ nga tsjie kꞌo̱xié yojoo̱, ko̱jo nga bo̱a̱ ka̱tso̱ nga jmí jéjiín.

Joo̱b 25:4

¡Ngindyi̱ko̱n Néná nde ngojín xi ka̱maa̱ ko̱kó nga jmíjéjiín! Nde ngojín xota̱ nga̱sondiee̱ xi tsjie.

Joo̱b 31:15

¡Kui Néná xí katsꞌéndana ngi̱ya ndo̱bo̱a̱ndií na̱ana, ti̱ kuí boá xi katsꞌénda kui nga, kuí boá xi katsjájne̱ kjo̱a̱mindyion, kó ndse̱je̱n katsꞌénjne̱!

Joo̱b 32:22

ngatꞌa̱ tsjajín mána nga tjín xí nkꞌa ꞌbijñá an, tsi bo̱a̱ sa̱ꞌin an, Néná ko̱tíjéna.

Joo̱b 35:10

¡Ta̱nga nde ngojín xi mongase Néná, kui xi tsjangaꞌniúná nga jñoó! Nde ngojín xi bosíyá kjo̱a̱a̱ kui Néná xi katsꞌéndaná,

Joo̱b 35:2

«Ji amingo̱ Joo̱b, a sꞌijiínri nga tjiín ngakixi̱ ngayeje ni xi je kase ji, ko̱jo nga kixi̱ tindyin ji ngindyikón Néná.

Joo̱b 36:3

Kixi̱ tsꞌensénná Néná, kó kuí boá xí katsjána ngayeje kjo̱a̱kjínkón xi tjínna, kó kuí nii̱ xi kokoo ngotꞌe̱.

Joo̱b 4:16

¡Be án nga tjín xí kisꞌijña ki̱a̱a̱, ta̱nga ndajín kamábe an ꞌyá kuií bo̱a̱! Kisꞌie xió xió nga ngo foaꞌatjiyajoo̱n. Kó ta̱niján má tsintꞌie an, nga tjín xí tsíchji̱a̱jo si̱e̱n si̱e̱nna nga bi̱ katsóna:

Joo̱b 40:8

»A niꞌínchjíjínríi̱ kjo̱a̱kixi̱ xi tsꞌen an, a si̱ꞌinjéní tsi̱ꞌe̱ nga ko̱ké ji nga ji xi tjiín ngakixi̱.

Joo̱b 8:3

Néná xí tsi̱ꞌe̱ ngayeje ngaꞌniuú, sa̱ꞌínkꞌájinjiín kjo̱a̱ndaa̱ ko̱jo kjo̱a̱kixi̱i̱.

Joo̱b 9:2

«¡Jè be nda nda an nga bo̱a̱ kjiꞌi kui eén! Kó ti̱ jè be an nga ngindyi̱ko̱n Néná jmíjín xi kixi̱ kꞌo̱xié yojoo̱,

Xo̱jo̱n Salmoo̱ 143:2

Ngata̱ niꞌínje̱jínní xki̱ ngindyikin ji, ngatꞌa̱ kui nga̱sondiee̱ jmíjín xi ndaxota̱ kꞌo̱xié yojoo̱.

Xo̱jo̱n Salmoo̱ 145:17

Ji Ne, ngatsjéni̱xtjin nga niꞌínkjatjosén ni xi ꞌmíyetjén ji, kó ngayeje nii̱ xi tjótsꞌèn niꞌínde ji.

Eklesiastee̱ 7:20

Ta̱nga nga ja̱koxi̱, jmíjín kui nga̱sondiee̱ ngo xota̱ xi kixi̱, xi sa̱ꞌín ni xi ndaa̱, ko̱jo xi jmíni̱xtjin sa̱ꞌínjé.

Xota̱ Roma̱ 11:33

Achichí tsie kjo̱a̱cho̱o̱n Néná, achichí tsie kjo̱a̱kjínkoón ko̱jo ni xi tjíjinkon. Nde ngojín xi ka̱makjiín ni xi tsꞌén Néná, ko̱jo tsi ka̱tso̱yà ánní nga bo̱a̱ tsꞌén.

Xota̱ Roma̱ 2:5

Ta̱nga ta̱ngatꞌanii̱ kjo̱a̱kitikjo̱a̱a̱ ko̱jo nga ini̱màa̱ mejénjiín sa̱ꞌínkꞌoyà, kuíni nga tiꞌbítikíi̱ kjo̱a̱xchán yojòo̱, ni̱xtjin nga Néná sa̱ꞌínxchán ko̱jo nga ko̱kó nga kixi̱ tsꞌén ko̱tíjé,

Xota̱ Roma̱ 9:20

¡Ji nda̱! Nga fetꞌa, ꞌyání ji nga ji kon xi chji̱e̱ꞌèe̱ xki̱ Néná. A ka̱márií ti̱jì xi je kiniꞌándaa̱ nga bi̱ ka̱tso̱o̱ nda̱ xi katsꞌéndaa̱: “Ánní nga bo̱a̱ tsꞌén kiniꞌíndení”.

Ni xi akakoo̱ 4:8

Kó nga ngo nga ngo nga nijón kui xi síndoo̱, jun nga̱ kisꞌiee̱, kó xtji̱e̱e̱n ndi̱tsen ko̱jo xtji̱e̱e̱n ngi̱yaa̱ kui nga̱a̱ kisꞌiee̱ ndyi̱ko̱n, kó nga ni̱xtjin ni̱xtji̱e̱n nga bi̱ katsó: ¡Tsjie, tsjie, tsjie Ndi̱a̱ná, kui Néná xí tjiín ngaꞌniuú, kui xi ta̱kó kui ngasꞌe̱, kui xi kui ngotꞌe̱, ko̱jo kui xi sꞌe̱ ndibaá!