Joo̱b 34:11 - Xo̱jo̱n eén Néná

¹¹ Ngatꞌa̱ kuí boá xi ku̱i̱ꞌíchjií xota̱ nga̱sondiee̱ ta̱ xikó kjiꞌi ni xi katsꞌén, kó tsja̱á xikó kjiꞌi ni xi tsoboaá.

Joo̱b 34:11 Iomraidhean Croise

Joo̱b 33:26

Kósꞌe̱ ni̱ma̱ ka̱tso̱ nga ku̱i̱chji̱a̱a̱ Néná, kó Néná tsja̱á kjo̱a̱ndaa̱, kó tíkje̱n tíkje̱n sku̱i̱e̱, kó tsjá ka̱maa̱, kó Néná kixi̱ tsꞌén sa̱ꞌínseén.

Joo̱b 34:25

Néná jè be ni xi ndyi̱tsꞌèn ngayeje xotaa̱, kó nga má jñoó foaꞌáxiín ngaꞌniú xí tjiín, kó tsꞌenkjié ndo̱jò ndójo̱,

Xo̱jo̱n Salmoo̱ 62:12

Jí boá xi tjiín kjo̱a̱ni̱ma̱takón ji Ne, ngatꞌa̱ jí boá xi boeꞌée̱ chjí xí tsoboaá nga ngo nga ngo xotaa̱, kjo̱a̱a̱ ni xi katsꞌén.

Énkjínkón 1:31

Kuíni nga sa̱kójnú ni xi tsoboájnú: ¡kó ngaskande kꞌo̱jòn májnú kjo̱a̱xti!

Énkjínkón 12:14

Kuí ni nda xi chji̱a̱ xotaa̱ xi sa̱ꞌíntsiee̱, kó bo̱a̱ tsꞌén ka̱machjií, kjo̱a̱a̱ xikótsꞌèn sa̱ꞌínxá.

Énkjínkón 24:12

Ngatꞌa̱ tsi bi̱ sé jí: Yajín ji̱n kui nii̱. Kó a ka̱makjínjínrií kui Néná xí kotꞌa ini̱ma̱a̱. Kui xi kotsijee̱n ko̱jo xi bee ji. Ti̱ ka̱márií sku̱i̱e̱ kui nii̱ nga, ¡kó kuí boá xi tsja̱á ni xi tsoboaá xotaa̱ kjo̱a̱a̱ ni xi katsꞌén nga ngo nga ngo!

Matioo̱ 16:27

Ngatꞌa̱ ndií nda̱ xi̱ꞌii̱n, kji̱ndi̱bá nga kji̱ndi̱bájo̱ kjo̱a̱jee̱ Na̱ꞌmii̱ ko̱jo ndítsjiee̱, kó kjiꞌá boá nga tsja̱á nga ngo nga ngo xotaa̱ ta̱ xikó kjiꞌi ni xi katsꞌén.

Xota̱ Roma̱ 2:6

kjiꞌanga Néná ku̱i̱ꞌíchjií nga ngo nga ngo xotaa̱ xikó kjiꞌi ni xi katsꞌén.

2 Xota̱ Korinto̱ 5:10

Ngatꞌa̱ chjiéngá ngayeje ñá ki̱a̱ konginkíndyiá ngindyi̱ko̱n Kristoo̱, tsi̱ꞌe̱ nga sku̱i̱e̱ ni xi kiniꞌán, kó nga ngo nga ngo ñá sa̱kóná ni xi tsoboáná, tsi nda ko̱jo tsi ndajín kjiꞌi ni xi kiniꞌán, tji̱e̱nga kixindyión ngi̱jii̱n kui yojoo̱.

1 Xo̱jo̱o̱n Peé 1:17

Kó nga “Na̱ꞌmi” ndyi̱ꞌmìjnúu̱ kui Néná xi ta̱ són tsꞌénjo̱ xotaa̱ nga tsáyà tsi nda ko̱jo tsi ndajín ni xi katsꞌén, chjiéngá xcha̱ndikónjnú ngatsjéni̱xtjin nga ku̱i̱ṉtsomajnú kui nga̱sondiee̱.

Ni xi akakoo̱ 22:12

Tsitsíjin, jè tsꞌéndibá an, kó jè yaꞌa an ni xi je katsꞌen an, tsi̱ꞌe̱ nga tsjàa̱ nga ngo nga ngo xotaa̱ ta̱ xikó kjiꞌi ni xi katsꞌén.