Joo̱b 32:8 - Xo̱jo̱n eén Néná

⁸ Nga ja̱koxi̱ xota̱ nga̱sondiee̱ tikónjii̱n ngo a̱siénni̱xtjin, ngo tjo̱ xi katsjaá Néná xí tsi̱ꞌe̱ ngayeje ngaꞌniuú, kó kuí boá kui a̱si̱énni̱xtjii̱n xi tsjaá kjo̱a̱kjíntakón.

Joo̱b 32:8 Iomraidhean Croise

Jenesii̱s 41:38

kó nda̱ ree̱ bi̱ katsoó mosoo̱: «Ngojín ndiè sa̱kóná ingo nda̱ xi ꞌniú kjínkón ngase xikoó kui nda̱ xo̱ngo̱ò».

Jenesii̱s 41:39

Kósꞌe̱ nda̱ ree̱, bi̱ katsoó Kosiee̱: —Néná boá xi akoó ngayeje kui nii̱ ji, kó kuí nii̱ xi tsó nga jmíjín ingo nda̱ xi chji̱ni̱e̱ ko̱jo xi kjínkón ngase xikoó ji. Kuíni nga ngotꞌe̱ ꞌne̱, jí boá xi ko̱ti̱xome ji ndiꞌa nínga botixoma an, ko̱jo ngayeje na̱xi̱ńdána, kó chjiéngá nga ngayeje xota̱ xi chji̱a̱ni Ejipto̱ ji ku̱i̱ntꞌiéꞌeén, kó ta̱ an tsí xi ꞌniú ngase nkꞌa ka̱ma xána nga̱soón xá tse̱, ngatꞌa̱ án boá xi nda̱ ree̱.

Joo̱b 12:13

»Néná tjiín kjo̱a̱kjínkón ko̱jo ngaꞌniú, kó kuí boá xi ꞌbínda ngo ni, kó fotjosón kui nii̱.

Joo̱b 12:16

Ngi̱ya tsja tikón ngaꞌniuú, ko̱jo kjo̱a̱kjínkoón, ngi̱ya tsja tikón xi ꞌboṉcha̱a̱, ko̱jo chꞌíi̱ncha̱joo̱.

Joo̱b 27:3

ta̱nga tji̱e̱nga tikón an nga̱sondie, tji̱e̱nga Néná tsꞌéntsjána tjo̱ xi tjéjén an,

Joo̱b 33:16

ko̱jo tsi ngi̱ya tji̱bo̱a̱nijón chji̱a̱ya, kó tsóyá cha̱n cha̱nná kjo̱a̱botíxomaa̱,

Joo̱b 33:4

A̱si̱énni̱xtjii̱n Néná boá xi katsꞌéndana, kó tjo̱ xi yítsiéna xi tsi̱ꞌe̱ ngayeje ngaꞌniuú, kuí boá katsjána kjo̱a̱mindyion.

Joo̱b 35:11

kui xi bokoyá ngasená ta̱bo̱a̱jiín cho̱ tamá xí tjín tꞌanangii̱, kó tsie ngase kjo̱a̱kjínkón tsjáná ta̱bo̱a̱jiín ni̱sie xi tjín nkꞌa jàn.

Joo̱b 38:36

Tꞌíyéní ꞌyá xí katsjaá kjo̱a̱kjínkón cho̱ ibii̱s ko̱jo xo̱nda̱xi̱ꞌii̱n.

Énkjínkón 2:6

Ngatꞌa̱ Néná boá xi tsjá kjo̱a̱kjínkoón, kó kjo̱a̱kjíntakoón, ko̱jo kjo̱a̱chji̱ni̱e̱e̱ tsꞌoa boá xi fotjonii̱.

Énkjínkón 20:27

A̱siénni̱xtjin xi Néná katsjaá xota̱ nga̱sondiee̱, kuí boá xi xikoó ngo ndiꞌí xí tsꞌénkjién Néná nga kotsijennii̱ ngaskande ngi̱jin ini̱ma̱a̱ xotaa̱.

Eklesiastee̱ 2:26

Ngatꞌa̱ Néná, kui xota̱ xi nda ꞌbókaa̱, tsjaá kjo̱a̱kjínkón, ko̱jo kjo̱a̱kjíntakón, ko̱jo kjo̱a̱tsja, ta̱nga xota̱ xi tsꞌénjeé, Néná tsjaá xá, tsi̱ꞌe̱ nga kui kjo̱a̱ꞌáꞌyá, ko̱jo kjo̱a̱ꞌátikó ni xi jaskan Néná sa̱ꞌínkꞌasꞌiee̱n kui xota̱ xi nda ꞌbókaa̱ kui. Kó ngayeje kui nii̱, ti̱ ta̱kjo̱a̱ndaní bo̱a̱, kó ta̱ tsꞌénboa tsíná.

1 Xota̱ Korinto̱ 12:8

Tjín xí A̱si̱énni̱xtjii̱n Néná xí tsjaá nga ka̱tso̱yaa̱ xotaa̱ én xi kjínkón, kó tjín xí ti̱ kui A̱si̱énni̱xtjii̱n xi tsjaá nga ka̱tso̱yaa̱ xotaa̱ ni xi ka̱makjiín xotaa̱.

2 Timoo̱ 3:16

Ngayeje ni xi kjitꞌa xo̱jo̱n eén Néná, A̱si̱énni̱xtjii̱n Néná boá xi íjñajii̱n én xi ítꞌa xota̱ xi katsꞌénꞌindó ngayeje kui xo̱jo̱o̱n, kó nda kuí eén tsi̱ꞌe̱ nga ko̱ko̱yá, ko̱jo tsi̱ꞌe̱ nga ꞌniú ko̱ndókjo̱a̱jo xotaa̱, ko̱jo tsi̱ꞌe̱ nga si̱ꞌanchji̱ni̱e̱ xotaa̱, ko̱jo tsi̱ꞌe̱ nga ko̱ko̱yaá xotaa̱ kótsꞌèn nga kixi̱ kꞌuíndo,

Xo̱jo̱o̱n Sandiyaá 1:5

Kó tsi tjín jún xi chajaa̱ kjo̱a̱kjínkón, ngatíꞌaá Néná, kó Néná tsja̱á, ngatꞌa̱ Néná tsjaá ngayeje xotaa̱ tsie ni xi machjieén, kó jmíjín xi tsꞌenchꞌó nga tsjaá.