Joo̱b 24:4 - Xo̱jo̱n eén Néná

⁴ ꞌBoxiéni ndi̱yà xí tjimá xota̱ ni̱ma̱a̱, kó tsꞌeén kjo̱a̱ꞌniú tsi̱ꞌe̱ nga ꞌbíndoꞌmá.

Joo̱b 24:4 Iomraidhean Croise

Joo̱b 24:14

Ta̱ niꞌin si̱sién, kó kui xota̱ xi ꞌniú ndajiín, jè ndyi̱fotaxie nga ndyi̱tsꞌènkꞌién xota̱ xi ni̱ma̱a̱ ko̱jo xota̱ xi ni chjieén, kó ngije ma jñoó xota̱chejé má.

Joo̱b 29:12

Ngatꞌa̱ katsꞌensée̱n xota̱ xi ni̱ma̱, xi ni̱ma̱ katsoó, ko̱jo xota̱ xꞌi̱a̱n xi tsíꞌána nga ko̱siko̱jo an.

Joo̱b 29:16

Án boá xi kamá an na̱ꞌmii̱ xota̱ ni̱ma̱a̱, án boá xi tsꞌaxiéꞌá an xota̱ xi xín nangii̱:

Joo̱b 30:25

Ta̱sá askjandájo̱ an xota̱ xi tsie kjo̱a̱ni̱ma̱ jaꞌatio, kó on kamána ni xi kamátaꞌin xota̱ ni̱ma̱a̱.

Joo̱b 31:16

»Ngatsjéni̱xtjin nga asiko̱jo an xota̱ ni̱ma̱a̱, jmíni̱xtjin índomasien an ínchjín kꞌán xi je jesón xi̱ꞌii̱n tsi̱ꞌe̱ nga jesón kjindiá,

Joo̱b 31:19

jmíni̱xtjin katsjandiè an nga xota̱ ni̱ma̱a̱ jesón nchꞌàn nga kisꞌiejiín ńjño xi ko̱a̱ja̱.

Xo̱jo̱n Salmoo̱ 109:16

ngatꞌa̱ jmíni̱xtjin jaꞌátsjiee̱n nga tjín xí ndaxota̱ sa̱ꞌínjo̱, tsangatji̱ngii̱ xota̱ ni̱ma̱a̱, ko̱jo xota̱ xi ni̱ma̱kjo̱a̱ kisꞌińdo, ko̱jo xi ni kamáchjieén, ngaskande nga katsꞌénkꞌién.

Xo̱jo̱n Salmoo̱ 41:1

Achichíra̱tsjaa̱ xota̱ xi nda̱ maa̱ xota̱ ni̱ma̱a̱, ngatꞌa̱ kjiꞌanga kji̱ndi̱bá ni̱xtjin xi ndajiín, Néná boá xi kꞌo̱xiéꞌá.

Énkjínkón 14:31

Kui xi ꞌniútsꞌeén xota̱ ni̱ma̱a̱, Néná boá xi tsꞌénkjánjo̱, ta̱nga kui xi ni̱ma̱ maa̱ xota̱ ni̱ma̱a̱, tsꞌénbendikón Néná.

Énkjínkón 22:16

Xota̱ xi tsꞌénchéjeé xota̱ ni̱ma̱a̱ tsi̱ꞌe̱ nga kꞌuié ngasee̱ to̱n, nga kju̱i̱e̱tꞌaa̱ kuí xí ni̱ma̱ tsꞌén kꞌuijñá ngase.

Énkjínkón 28:12

Kjiꞌanga tsꞌén xota̱ xi kixi̱i̱ achichí sꞌué má ta̱nga kjiꞌanga tsꞌén xota̱ ꞌniú ndajín, ngayeje xotaa̱ ꞌbíndoꞌmá.

Énkjínkón 28:28

Kjiꞌanga tsꞌén xota̱ xi ꞌniú ndajiín, ngayeje xotaa̱ ꞌbíndoꞌmá, ta̱nga ngije fe ni̱xtjii̱n, kjiꞌá boá nga makjín xota̱ xi kixi̱i̱.

Énkjínkón 30:14

Tjín xota̱ xi ja̱kon ki̱cha̱ndojó má kón ṉꞌni̱u̱ xi̱xi̱, kó ja̱kon kichiro̱ má kón ṉꞌni̱u̱ yiꞌi, nga mejeén sa̱ꞌínkjié xota̱ ni̱ma̱ xi tjín kuí tꞌanangii̱, ko̱jo xota̱ xi jmí nijiín xi tjín kuí nga̱sondiee̱.