Joo̱b 24:13 - Xo̱jo̱n eén Néná

¹³ »Kuí boá kui xotaa̱ xi kamáchꞌoó nínga tsijee̱n, kó jmíni̱xtjin kamábe ndi̱ya̱à Néná, ti̱nde ki̱a̱jín kisꞌiṉtso̱ma.

Joo̱b 24:13 Iomraidhean Croise

Joo̱b 24:12

Achichí kjo̱a̱ni̱ma̱ ndyi̱foaꞌatio, kó nga je mejeén kjifesón, kjandayà ndeskande ki̱a̱ na̱xi̱ńdáꞌniuú, nga míꞌaá Néná nga ko̱síko̱jo, ¡ta̱nga Néná nde tsꞌensénjiín nga chji̱a̱a̱!

Joo̱b 24:14

Ta̱ niꞌin si̱sién, kó kui xota̱ xi ꞌniú ndajiín, jè ndyi̱fotaxie nga ndyi̱tsꞌènkꞌién xota̱ xi ni̱ma̱a̱ ko̱jo xota̱ xi ni chjieén, kó ngije ma jñoó xota̱chejé má.

Joo̱b 24:16

Xota̱ xi chejeé nga jñoó boá nga tsꞌénchéjé ndiꞌaa̱ xotaa̱, kó nga ni̱xtjii̱n ꞌbíndoꞌyá, mejénjiín sa̱ꞌínjo̱ꞌo ndiꞌií.

Joo̱b 38:13

tsi̱ꞌe̱ nga skjíbé nga̱ndee̱ tꞌanangii̱, kósꞌe̱ ki̱a̱ ku̱i̱ꞌítsaniesón xota̱ xi ꞌniú ndajiín.

Joo̱b 38:15

Ta̱nga xota̱ xi ꞌniú ndajiín chjeꞌéxiín ndiꞌií, chaja ngaꞌniuú, kó ki̱a̱ tji̱e̱n niꞌánchaja.

Joo̱b 5:14

Néná boá xi tsꞌén nga xikoó tsi jñó maá nga ni̱xtjii̱n, kó nga ma ndisꞌueé ꞌbímá xikoó tsi nga ni̱xtji̱e̱e̱n,

Énkjínkón 4:19

Kó ndi̱ya̱à xota̱ xi ꞌniú ndajiín, xikónií tsi ngo ngi̱ndie nínga jñó, ngaskande nde bejín mí nii̱ bo̱a̱ xi stingí.

Juaa̱ 12:35

Sꞌe̱ Kjisoo̱, bi̱ katsó: –Ta̱ ngi chiboa tsí ni̱xtjin nga tikónjinjnú ndiꞌií, tangínjnú tji̱e̱nga tikónjnú ndiꞌií, tsi̱ꞌe̱ nga jñoó sa̱kójiín jún, ngatꞌa̱ xi tjimá nga jñoó, bejín ñá ndyi̱fí.

Juaa̱ 12:40

Íchjá ndyi̱ko̱n kui xotaa̱, kó katsꞌéntajá ini̱ma̱a̱, tsi̱ꞌe̱ nga ka̱matsijenjiín ndyi̱ko̱n, ko̱jo tsi̱ꞌe̱ nga ka̱makjínjiín ini̱ma̱a̱, ko̱jo tsi̱ꞌe̱ nga sa̱ꞌínkꞌoyàjín yojoo̱, tsi̱ꞌe̱ nga an sa̱ꞌindaya an.

Juaa̱ 15:6

Xi kꞌuijñájinjínna, bo̱a̱ ka̱maa̱ xikó maá ngo tjia xi jmí to tsjájín: Bichá, xí, chjaꞌáꞌyá, kó ngi̱jin ndiꞌií bichijmijin tsi̱ꞌe̱ nga tí.

Juaa̱ 8:31

Sꞌe̱ Kjisoo̱, bi̱ katsoó xota̱ jundíoo̱ xi je kisꞌijii̱n kui: –Tsi si̱ꞌankjatjosónjnú ngayeje énna, ja̱koxi̱ nga xota̱na ka̱majnú jún,

Juaa̱ 8:44

Na̱ꞌmijnú xindajín ndiabloo̱ boá, kó ni xi mejeén xindajín kuí ni xi mejénjnú si̱ꞌánjnú. Ngaskande koó nga ítjatsꞌennii̱ nga̱sondiee̱ nga xindajín ini̱ma̱ tsꞌenkꞌién, ko̱jo ndiso, ngatꞌa̱ jmí ja̱koxi̱jiín. Kjiꞌanga chji̱a̱ éndísó, nii̱rí xí chji̱a̱, ngatꞌa̱ ndiso kuí, kó kuí boá xi na̱ꞌmii̱ kjo̱a̱ndisoo̱.

Xota̱ Roma̱ 1:32

Jè be kui xotaa̱ nga kjo̱a̱kitii̱ Néná tsó nga ngayeje xota̱ xi tsꞌén kuí nii̱, chjiéngá ko̱yà, ta̱nga jmí tsi ta̱ ta̱kó bo̱a̱ ndyi̱tsꞌèn tsi, ngaskande tsja maa̱ kjo̱a̱a̱ xota̱ xi ndyi̱tsꞌèn kuí nii̱.

Xo̱jo̱o̱n Sandiyaá 4:17

Xota̱ xi maá tsꞌén ni xi ndaa̱, kó tsi tsꞌénjín, ndyi̱tsꞌèn jé boá.

1 Xo̱jo̱o̱n Juaa̱ 2:19

Kui já boá, kꞌi̱e̱ jatjojinná, ta̱nga nga ja̱koxi̱ xota̱nájín bo̱a̱, ngatꞌa̱ tsi xota̱ná kamá, nijan síndojo̱na tsobo̱a̱, ta̱nga bo̱a̱ kamá tsi̱ꞌe̱ nga xcha̱ cha̱n cha̱n nga tjín xota̱ xi jmí tsi xota̱ xi tsa̱ñá boá.

Xo̱jo̱o̱n Jundaa̱ 1:6

Ti̱ bo̱a̱ ti̱ katsꞌénjo̱ kui ndítsjie xi kixi̱jín katsꞌénkjatjosón xaá, kui xi ta̱sá índomasien ngi̱ndiee̱, Néná síndoꞌniuú ngi̱ya ndo̱bo̱a̱yà xi jñó ko̱jo xi ngatsjéni̱xtjin, tsi̱ꞌe̱ nga ka̱majeé ni̱xtjin je, nga kꞌuiyá tsi nda ko̱jo tsi ndajín katsꞌén xotaa̱.