Joo̱b 23:10 - Xo̱jo̱n eén Néná

¹⁰ Ta̱nga Néná jè be nínga tsoꞌbá an, kó tsi skítꞌayákónna, bo̱a̱ má kꞌuié án xikoó to̱nsinié xi kui soboá soboaá.

Joo̱b 23:10 Iomraidhean Croise

Jenesii̱s 18:19

Kuí xá jaꞌajin an kui nga ko̱tíxomaa̱ ndií ko̱jo xota̱ xi síndo ndiꞌaa̱ nga ku̱i̱ntꞌiéꞌénna ko̱jo nga ni xi nda ko̱jo ni xi kixi̱ sa̱ꞌín. Tsi bo̱a̱ sa̱ꞌín Abraa̱n, sa̱ꞌinkjatjosón an ngayeje ni xi je kixiyatjóo̱n nga sa̱ꞌin an».

Joo̱b 10:7

¡Ndatsi jè yé ji nga jmíjéjínna, kó ti̱ jè be an nga jmíjín xi ka̱maa̱ kꞌo̱xiéna ngi̱ya ndse̱!

Joo̱b 23:7

Ngindyi̱ko̱n Néná nga ngo xota̱ xi kixi̱, ka̱maa̱ nijan sa̱ꞌínkjó kjo̱a̱a̱ kjo̱a̱ xi tjiín, kó bo̱a̱ tsꞌén nga ngatsjéni̱xtjin ku̱i̱ꞌíjñandéna, ngindyi̱ko̱n kui xi be nga nda ko̱jo tsi ndajín katsꞌen an.

Joo̱b 23:9

tsi ki̱a̱ ko̱kó ngaꞌniuú xtji̱e̱e̱n ta̱ꞌin, skuiejín an, kó tsi ki̱a̱ xtji̱e̱e̱n na̱ngi kꞌuijñáꞌmá, ti̱ skuiejín an nga.

Joo̱b 31:4

Néná a bejín ndi̱yà xí tsoꞌbá an, kó a kotsijénjínrií ngayeje ni xi tsꞌen an.

Joo̱b 31:6

¡ja̱ Néná ngatꞌachi̱bo̱a̱jona nisochi̱bo̱a̱a̱ kjo̱a̱kixi̱i̱, kó sku̱i̱e̱ nga jmí jéjínna!

Joo̱b 33:9

“¡Tsjie án, jmí jéjínna! ¡Jmí jéjínna, kó jmíjínna ni xi ndajín!

Joo̱b 6:29

Kixi̱ ti̱ꞌanjo̱jnúꞌun, kó ngiti̱ ta̱xkiya fongitaꞌínjínjnúꞌun ngo jé, ta̱sá tꞌíyájnú nga jmíjéjínna.

Joo̱b 7:18

Ko̱jo nga ndyiojón ndyiojón tichindé, ko̱jo nga ta̱jmì chi̱bo̱a̱ní nga tichjatꞌeyékín ji.

Xo̱jo̱n Salmoo̱ 1:6

Ngatꞌa̱ Néná jè be ndi̱yà nínga ndyi̱fí xota̱ xi kixi̱i̱, ta̱nga ndi̱yà nínga ndyi̱fí xota̱ xi ndajiín, ki̱a̱ boá nínga xcha̱ja.

Xo̱jo̱n Salmoo̱ 11:5

Néná kjitꞌayákón xota̱ xi kixi̱i̱, ta̱nga chꞌórií xota̱ xi ndajiín, ko̱jo xi tsja maa̱ nga tsꞌén ni xi ꞌniú ndajiín.

Xo̱jo̱n Salmoo̱ 17:3

Jè kichitꞌe ji ini̱ma̱na, jè kitsitsijìnní nga jñoó nga kachjatꞌayékínní, kó jmí ni xi ndajín kasakojiín, jè be an nga jmí én chꞌo tsó kuichji̱a̱jín an.

Xo̱jo̱n Salmoo̱ 66:10

Ji Ne, jí boá xi kachjatꞌayékínjne̱, kó bo̱a̱ kiniꞌínje̱jne̱ xikoó to̱ntiboaa̱ nga ndiꞌí niꞌántsjieni.

Xo̱jo̱n Salmoo̱ 7:9

Ngatjie ngotꞌe̱ ꞌne̱ ni xi ndajín xi tsꞌén xota̱ xi ndajiín, kó xota̱ xi kixi̱i̱, ꞌniú ngasꞌijña, ngatꞌa̱ kui Ne xi kixi̱i̱, kuí boá xi kotꞌa ini̱ma̱a̱ ko̱jo kjo̱a̱niꞌánkjoó.

Énkjínkón 17:3

To̱nsinieé ko̱jo to̱ntiboaa̱, ndiꞌií boá xi chitꞌani tsi nda ko̱jo tsi ndajín, ta̱nga ñá, Néná boá xi kotꞌa ini̱ma̱ná.

Juaa̱ 21:17

Sꞌe̱ xi ma jaán ndi̱yà Kjisoo̱ asíyá nginií Ximo̱ Peé, nga bi̱ katsó: –Ximoo̱, ndií Jonaa̱, a tjoó án. Sꞌe̱ Peé ndasen kamaá nga xi ma ján ndi̱yà nga Kjisoo̱, bi̱ katsó: –A tjoó án. Kó bi̱ katsó Peé: –Ndi̱a̱, ji jè yé ji ngayeje nii̱, kó ja̱ jè yé ji nga tjóna ji. Sꞌe̱ Kjisoo̱, bi̱ katsó: –Chíi̱n cho̱tsa̱nga̱na.

1 Xota̱ Korinto̱ 3:15

Ta̱nga xi ndiꞌií ku̱i̱ꞌítí kui ni xi katsꞌéndaa̱, kuí xí xcha̱ja xá xí katsꞌén, ndatsi kui kjo̱tjoꞌa soboá, xikoó ngo xi kaꞌnaxiéjin ngi̱jin ndiꞌií.

Ndeuteronomio̱ 8:2

»Ngata̱chiíjín niꞌánchíyájnú xikó kamájnú ndeskande nga jatjonijnú nangi Ejipto̱, ngaskande nga jéꞌe̱jnú kui ngi̱ndiee̱. Kui xi yichán noó, Néna boá xi katsꞌén nga ikitjatiójnú kjo̱a̱ni̱ma̱, tsi̱ꞌe̱ nga sku̱i̱e̱ tsi kixi̱jnú ko̱jo tsi mejénjnú ko̱nda̱ꞌyáꞌénjnúu̱.

2 Timoo̱ 2:19

Ta̱nga ta̱kó ꞌniú tikón eén Néná, kó tikón xikoó ngo xó xí ꞌbítjatsꞌennii̱ ngo ndiꞌa, nínga bi̱ tsꞌén kjitꞌa: “Ndi̱a̱ná be kuí xota̱ xi je tsi̱ꞌe̱”, ko̱jo: “Ngayeje xota̱ xi míꞌátjéni nga tsꞌénkáxoma jaꞌeén Néná, ngatꞌíndomasien ngayeje ni xi ndajiín.”

Xota̱ Ebreo̱ 11:17

Ta̱ngatꞌanii̱ kjo̱a̱sꞌijii̱n Abraa̱n, nga kjiꞌanga Néná askotꞌayákón Abraa̱n iskjíbé Isaa̱, kui xi ndií, kó kamákón nga katsꞌénkꞌasꞌien xikoó tsi ngo kjo̱a̱tjó katsaki. Bo̱a̱ katsꞌén ngatꞌa̱ Néná katsóyàtjoón nga ngatꞌaa̱ kui ndií, nga sa̱ko̱ó ni xi katsóyàtjón nga tsja̱á.

Xo̱jo̱o̱n Sandiyaá 1:12

Achichíra̱tsjaa̱ ngo nda̱ xi xchíkjo̱a̱a̱ kjo̱a̱chjatꞌayákón xi tsꞌénfoaꞌajin, ngatꞌa̱ ngije nda jatjo nga kachjatꞌayákón, sa̱ko̱ó kjo̱a̱mindyion ngatsjéni̱xtjii̱n, kuí boá chjí xí katsóyàtjón Néná nga tsja̱á xota̱ xi tsꞌéntjó Néná.

1 Xo̱jo̱o̱n Peé 1:7

tsi̱ꞌe̱ nga chjátꞌayákón kjo̱a̱sꞌijinjnú, ngatꞌa̱ kuí xí chjí ngasenii̱ ta̱bo̱a̱jiín to̱nsinieé, kui xi maa̱ fotsoo̱n kó ndiꞌí chitꞌani. Kó bo̱a̱ tsꞌén kui kjo̱a̱sꞌijii̱n xcha̱ nga kꞌuieé kjo̱a̱niꞌántsjà, ko̱jo kjo̱a̱je, ko̱jo kjo̱a̱yandikón kjiꞌanga ko̱kó yojoo̱ Jesukristoo̱.