Joo̱b 2:3 - Xo̱jo̱n eén Néná

³ Kósꞌe̱ Néná, bi̱ tsꞌén asíyaá: —Kótsꞌèn niꞌínkjé jí kjo̱a̱a̱ Joo̱b, moso̱ xi tsꞌénxátꞌana xi achichí ꞌniáko̱n an. Jmíjín ingo nda̱ ngayeje kui nga̱sondiee̱ xi bo̱a̱ tsꞌén ndaxota̱ ko̱jo xi kixi̱ xikoó Joo̱b. Ngatsjéni̱xtjin nga ntꞌiéꞌénna, kó chiíjín tsꞌén ni xi ndajín, ndatsi je bo̱a̱ kasení nga ndajín sa̱ꞌinjo̱ an, kó ndatsi jmí kjo̱a̱jínna nga bo̱a̱ sa̱ꞌinjo̱ an.

Joo̱b 2:3 Iomraidhean Croise

Jenesii̱s 6:9

Noee̱ ngatsjéni̱xtjin nga tsintꞌiéꞌeén Néná. Ngi̱jii̱n ngayeje xota̱ xi kisꞌie kui ni̱xtjin jàn, kisꞌiejín ingo xota̱ xi bo̱a̱ tsꞌén nda ko̱jo xi kixi̱ kamá xikoó Noee̱.

Joo̱b 1:1

Ki̱a̱ nangi Uu̱ kisꞌijña ngo nda̱ xi kiꞌmí Joo̱b xi achichí ndaxota̱ ko̱jo kixi̱ kamá. Ngatsjéni̱xtjin nga kamábendikón Néná, kó chiíjín katsꞌén ni xi ndajín.

Joo̱b 1:11

Ta̱nga nga ja̱koxi̱ tsi ndajín si̱ꞌinje̱ ji, kó tsi chje̱ꞌéxíi̱n ngayeje ni xi tjiín, ¡ndé xchi̱e̱ ji nga chꞌo ka̱tso̱ tíkje̱n tíkje̱e̱n!

Joo̱b 1:6

Ngo ndi̱yà, ni̱xtjin nga je kamángaá ngayeje mosoo̱ nkꞌajmii̱ nga fochó ngindyi̱ko̱n Néná, ti̱ jachó Xindajín nga.

Joo̱b 1:8

—Kótsꞌèn niꞌínkjé jí kjo̱a̱a̱ Joo̱b, nda̱ xi tsꞌénxátꞌana xi achichí ꞌniáko̱n an. Jmíjín ingo nda̱ ngayeje kui nga̱sondiee̱ xi bo̱a̱ tsꞌén ndaxota̱ ko̱jo xi kixi̱ xikoó Joo̱b. Ngatsjéni̱xtjin nga ntꞌiéꞌénna, kó chiíjín tsꞌén ni xi ndajín.

Joo̱b 13:15

Néná boá xi kjimaꞌniáko̱n an, ndatsi kui xi mejeén sa̱ꞌínkꞌiénna, ta̱nga kꞌoxiéꞌá án yojona ngindyi̱ko̱n kui.

Joo̱b 2:2

kó Néná, bi̱ katsoó: —¡Kó jí! Ñá kjoéꞌe̱ni. Kó Xindajiín, bi̱ katsó: —Nga̱sondiee̱ kjoéꞌe̱ni an, ki̱a̱ kijíkatjiyajòo̱n.

Joo̱b 2:4

Kó Xindajiín, bi̱ katsoó Néná: —¡Tji̱e̱nga jmíjín xi sa̱ꞌínꞌónná nínga ꞌniú ngase on ka̱máná, ngayeje nii̱ xi ndakjiꞌi! Ta̱nga tsi kjo̱a̱a̱ nga kꞌo̱xiéꞌá yojoo̱ xota̱ nga̱sondiee̱, ka̱márií sa̱ꞌín ta̱jmì niní.

Joo̱b 9:17

¡Ngora̱ tjo̱ꞌniú sa̱ꞌínkjién nga sa̱ꞌínxi̱na, kó nde jmí kjo̱a̱jínraa̱ nga ꞌniú ngase sa̱ꞌínꞌoón nínga onna!

Joo̱b 9:20

¡Ndatsi jmí tsi ni xi ndajín je katsꞌen an, ndso̱ꞌba án boá xi botíjéna, kó tsi kixi̱ án tsi xián án, kuí nii̱ xi ko̱kó nga tjínna jé!

Xo̱jo̱n Salmoo̱ 26:1

Ji Ne, kixi̱ ti̱ꞌinsénní, ngatꞌa̱ kixi̱ tikòn an, kó nde jó nde jánjín ꞌbijñáa̱ ini̱ma̱na nga ji ꞌniákoo̱n.

Xo̱jo̱n Salmoo̱ 37:37

Nda nda má ti̱ꞌinkjé jí ko̱jo tsitsíjìi̱n xota̱ xi kixi̱i̱, ngatꞌa̱ achichí nda fetꞌani ni̱xtjii̱n kui nda̱ xi tjiín kjo̱a̱xioó,

Xo̱jo̱n Salmoo̱ 41:12

Kó kjo̱a̱a̱ an ki, jí boá xi ngatsjéni̱xtjin nga ko̱si̱ke̱jení, kó ngatsjéni̱xtjin nga ki̱a̱ kꞌuijñíní nínga tindyin ji.

Énkjínkón 11:8

Xota̱ xi kixi̱i̱ fotjongii̱ yojoo̱ kjiꞌanga ndibá kjo̱a̱xti, ta̱nga xota̱ xi ꞌniú ndajiín, kuí boá xi ꞌbíchjí.

Énkjínkón 13:6

Kjo̱a̱kixi̱i̱ boá xi koo̱n xota̱ xi kixi̱i̱, ta̱nga ni xi ndajiín boá tsꞌénkjátsón xota̱jeé.

Énkjínkón 14:2

Xota̱ xi kixi̱ tjimaá, bendikón Néná, ta̱nga xi ndajín ndi̱yà xí tjimaá, tsꞌenchꞌó.

Énkjínkón 15:8

Chꞌórií Néná kjo̱a̱tjó xi tsꞌenkꞌásꞌién xota̱ xi ꞌniú ndajiín, ta̱nga achichí tsjá maá nga ntꞌieé, kjiꞌanga xota̱ xi kixi̱i̱ chji̱a̱a̱ Néná.

Énkjínkón 16:17

Xota̱ xi kixi̱i̱, ꞌbijñámasien ni xi ndajiín, kó xi koo̱n ni xi tsꞌén, kjo̱a̱mindyioo̱n boá xi tsꞌénkoón.

Juaa̱ 9:3

Sꞌe̱ Kjisoo̱, bi̱ katsó: –Nde kuijín nda̱a̱ xi katsꞌénjé, ti̱nde xi xchaájín, kjimá kuí nii̱ tsi̱ꞌe̱ nga ta̱ngatꞌanii̱ kui, nga Néná ko̱kó ngaꞌniuú.

Xota̱ Filipo̱ 3:12

Jmí tsi bo̱a̱ tꞌíxián an nga je kasako yejena ni xi kixian an, ti̱nde jmí tsi tꞌíxián an nga je kamá an ꞌyání xi tjiín nga ka̱ma an. Ta̱nga ta̱kó tsꞌénfítji̱ngira an ni xi kixian an, tsi̱ꞌe̱ nga sa̱kóna ni xi kamámejeén Kristo̱ Kjisoo̱ nga katsꞌéntsi̱ꞌe̱na.

Xo̱jo̱o̱n Sandiyaá 1:12

Achichíra̱tsjaa̱ ngo nda̱ xi xchíkjo̱a̱a̱ kjo̱a̱chjatꞌayákón xi tsꞌénfoaꞌajin, ngatꞌa̱ ngije nda jatjo nga kachjatꞌayákón, sa̱ko̱ó kjo̱a̱mindyion ngatsjéni̱xtjii̱n, kuí boá chjí xí katsóyàtjón Néná nga tsja̱á xota̱ xi tsꞌéntjó Néná.

1 Xo̱jo̱o̱n Peé 1:7

tsi̱ꞌe̱ nga chjátꞌayákón kjo̱a̱sꞌijinjnú, ngatꞌa̱ kuí xí chjí ngasenii̱ ta̱bo̱a̱jiín to̱nsinieé, kui xi maa̱ fotsoo̱n kó ndiꞌí chitꞌani. Kó bo̱a̱ tsꞌén kui kjo̱a̱sꞌijii̱n xcha̱ nga kꞌuieé kjo̱a̱niꞌántsjà, ko̱jo kjo̱a̱je, ko̱jo kjo̱a̱yandikón kjiꞌanga ko̱kó yojoo̱ Jesukristoo̱.

1 Xo̱jo̱o̱n Peé 5:10

Kó ngije ikitjatiójnú chií kjo̱a̱ni̱ma̱ chiboa ni̱xtjin, kui Néná xí tsi̱ꞌe̱ ngayeje kjo̱a̱ndaa̱, kui xi Jesukristoo̱ katsꞌénkjién nga tsíchji̱a̱ná, tsi̱ꞌe̱ nga sa̱kóná kjo̱a̱je xi fejiín, kui nga tsꞌén xi chjiéngá ka̱majnú, nga tsjangaꞌniújnú, ꞌniú ngatꞌijñájnú, ko̱jo nga tsjandièjín nga jó nga ján kꞌuijñaá ini̱ma̱jnú.