Joo̱b 2:11 - Xo̱jo̱n eén Néná

¹¹ Joo̱b ján já amingo̱ kisꞌiee̱, kó kuí boá xi ꞌmí: Elifaa̱, kui xi chji̱a̱ni nangi Temaa̱n, ko̱jo Bilndaa̱nd, kui xi chji̱a̱ni ngo ngi̱ndie xi ꞌmí Súaa̱j, ko̱jo Sofaa̱r, kui xi chji̱a̱ni ngo ngi̱ndie xi ꞌmí Naamaa̱t. Ngije tsintꞌié ngayeje ni xi ndajín xi kamaá Joo̱b, nijan kamá xkjín kuí jaá, tsi̱ꞌe̱ nga ko̱e̱je̱koo̱n, kó sa̱ꞌíndajoo̱n ko̱jo ka̱tso̱yaa̱ nga ko̱jo kui ndasen tjíndo kjo̱a̱a̱ nga jesón ndií Joo̱b.

Joo̱b 2:11 Iomraidhean Croise

Jenesii̱s 25:2

kó kui xota̱chjo̱on kisꞌiee̱ kjín ndí xí tsi̱ꞌe̱ Abraa̱n, kuí bí xi̱ꞌbi̱ xi ndií: Simraa̱n, Joksaa̱n, Mendaa̱n, Mandiaa̱n, Isbaa̱k, ko̱jo Súaa̱j.

Jenesii̱s 37:35

Kó ngayeje ndií xi xi̱ꞌin ko̱jo xi ínchjín jachókoón nga jachótsꞌéndájoón, ta̱nga kamámejénjiín nga kiniꞌándajoo̱n. Ta̱sá ta̱soboá askjandá, nga bo̱a̱ katsó nga kamámejeén ko̱yà nga, tsi̱ꞌe̱ nga ki̱a̱ kꞌuijñátꞌaa̱ Kosiee̱.

Joo̱b 11:1

Sofaa̱r nda̱ amingoo̱ Joo̱b xi chji̱a̱ni nangi Naamaa̱t, bi̱ katsó ngije tsintꞌié ni xi katsó Joo̱b:

Joo̱b 13:4

ngatꞌa̱ nga ja̱koxi̱, xota̱ ndiso boá jún, kó bo̱a̱ kónjnú jún xikoó chji̱ni̱e̱ndiki xi jmíjín xi tsꞌéndíkii̱.

Joo̱b 15:1

Kósꞌe̱ Elifaa̱ nda̱ xi chji̱a̱ni nangi Temaa̱n, bi̱ katsoó Joo̱b:

Joo̱b 16:2

«Ngayeje ni xi je kiꞌmíjnú jún achichí jè kjín ndi̱yà nga je tsintꞌie an, ¡kó kui eén nde katsꞌéndajónjínna!

Joo̱b 16:20

Ngindyi̱ko̱n Néná achichí ndasen kjandà an, ngatꞌa̱ amingo̱na mojnókiena.

Joo̱b 18:1

Kó bi̱ katsó Bilndaa̱nd, nda̱ xi chji̱a̱ni nangi Súaa̱j:

Joo̱b 19:19

ngayeje amingo̱na tsꞌenchꞌóna, kó xota̱ xi ꞌniú tjó kamána, je kondra̱na síndona ngotꞌe̱.

Joo̱b 19:21

»Jún já Amingo̱, ¡ngatamani̱ma̱jnú án! Ngatꞌa̱ Néná boá xi katsꞌénkjiénakjo̱a̱.

Joo̱b 4:1

Kó Elifaa̱ nda̱ xi chji̱a̱ni nangi Temaa̱n, bi̱ katsoó Joo̱b:

Joo̱b 42:11

Kó ngayeje ntsꞌie ko̱jo ndichja, ko̱jo ngayeje xota̱ xi kamábe ngasꞌe̱, kijíkatsijee̱n, kó ngo sꞌué xí ꞌniú katsꞌén. Katsjangaꞌniuú ko̱jo katsꞌéndajoo̱n kjo̱a̱a̱ ngayeje kjo̱a̱ni̱ma̱ xi Néná katsꞌénkjaꞌatio, kó nga ngo nga ngo kui jaá ngo to̱ntiboa ko̱jo ngo sti̱ngaro xi to̱nsinié katsjaá Joo̱b.

Joo̱b 42:7

Ngije kamaá Néná nga tsíchji̱a̱jo Joo̱b, Néná tsíchji̱a̱jo Elifaa̱, nda̱ xi chji̱a̱ni nangi Temaa̱n, kó bi̱ katsoó: »Achichí tjítsꞌenxchán án kjo̱a̱a̱ ji, ko̱jo kjo̱a̱a̱ nga jó amingo̱ tse̱. Ni xi kiꞌmíjnú kjo̱a̱a̱ an bo̱a̱jín kjiꞌi, ta̱nga ja̱koxi̱ boá ni xi katsó Joo̱b.

Joo̱b 42:9

Kósꞌe̱ Elifaa̱, nda̱ xi chji̱a̱ni nangi Temaa̱n, ko̱jo Bilndaa̱nd, nda̱ xi chji̱a̱ni nangi Súaa̱j, ko̱jo Sofaa̱r, nda̱ xi chji̱a̱ni nangi Naamaa̱t kijí, kó katsꞌénkjatjosón ni katsoó Néná, kó Néná katsꞌénseén Joo̱b nga ꞌniú tsíchji̱a̱a̱.

Joo̱b 6:14

Tsi ngo amingo̱ xi kjo̱a̱ni̱ma̱ tsꞌénfoaꞌatio, niꞌándajónrií, ndatsi je ngiti̱ ntꞌiéꞌénjiín xi tsi̱ꞌe̱ ngayeje ngaꞌniuú.

Joo̱b 6:19

Xota̱ xi botiñá ni xi chji̱a̱ni na̱xi̱ńdáꞌniú Temaa̱ ko̱jo Sabaa̱, ꞌbímá xtín xtín nga mongase xo̱ngàndántꞌieé,

Joo̱b 8:1

Kósꞌe̱ Bilndaa̱nd, xi chji̱a̱ni nangi Súaa̱j, bi̱ katsoó Joo̱b:

Énkjínkón 17:17

Ngatsjéni̱xtjin ti̱ꞌintjé ji amingoo̱, ngatꞌa̱ kuí boá xi xikoó tsi ngo ntsꞌie ka̱maa̱, kjiꞌanga kji̱ndi̱bá ni̱xtjin nga nda̱ ka̱maa̱.

Énkjínkón 18:24

Tjín amingo̱ xi jmí tsi amingo̱, kó ti̱ tjín amingo̱ xi ta̱bo̱a̱jiín tsi ngo ntsꞌié má.

Énkjínkón 27:10

Ngata̱ ꞌbíjñímasínjín ji amingo̱ xi tse̱, ko̱jo tsi amingoo̱ na̱ꞌmíi̱. Ngatꞌa̱ ndiꞌaa̱ ntsꞌiejín ꞌmije̱ ji kjo̱a̱xti xi tjiín. Ndakjiꞌi ngase nga ngo xota̱tꞌandiꞌa xi nda ko̱a̱ꞌa̱ná, ta̱bo̱a̱jiín ngo ntsꞌié xí kjin tikón.

Juaa̱ 11:19

Kó achichí má xota̱ jundío̱ xi jachókoón na̱ Martaa̱, ko̱jo na̱ Riyaa̱, tsi̱ꞌe̱ nga katsꞌéndajoo̱n kjo̱a̱a̱ nga kꞌien ntsꞌi̱e̱.

Xota̱ Roma̱ 12:15

Tsja ngatamajnú tsi tjín xí tsja tjiín, kó chaꞌájo̱jnú tsi tjín xí ndyi̱kjandà.

1 Xota̱ Korinto̱ 12:26

Kó kuíni nga, tsi tjín ni xi yaꞌaa̱ yojoná xí kjo̱a̱ni̱ma̱ kjo̱a̱ꞌatio, ngayeje xi ngasee̱ xi on ka̱maa̱ nga, kó tsi tjín ni xi yaꞌa yojoná xí ndikón si̱ꞌanjo̱, ngayeje xi ngasee̱ xi tsja ka̱maa̱ nga.

Xota̱ Ebreo̱ 13:3

Ngatjaꞌátsjienjnú nga ko̱si̱ko̱jójnú xota̱ xi síndoyá ndo̱bo̱a̱ya̱à, xikó maá tsi jún nijan tindyionjo̱jnú ndo̱bo̱a̱yà, ko̱jo ti̱ ngatjaꞌátsjienjnú nga ko̱si̱ko̱jójnú xota̱ xi ndajín tjíniꞌánjo̱o̱ nga, xikó maá tsi jún xi bo̱a̱ kjimataꞌinjnú.