Joo̱b 2:10 - Xo̱jo̱n eén Néná

¹⁰ Ta̱nga Joo̱b, bi̱ katsoó: —¡Jmí chjo̱ón! Ngata̱ bo̱a̱jín tsó kjo̱a̱chi̱ni xi ndokjo̱e̱ ji. Tsi niꞌánjo̱ꞌó ñá ngayeje ni nda xi tsjáná Néná, ja̱ ti̱ chjiéngá si̱ꞌanjo̱ꞌo ni xi ndajiín nga. Kó ndatsi bo̱a̱ kjiꞌi ngayeje ni xi je kamaá Joo̱b, katsꞌénjéjín nga chꞌo katsoó Néná.

Joo̱b 2:10 Iomraidhean Croise

Jenesii̱s 3:17

Kó Néná, bi̱ katsoó nda̱a̱: «Kó jí, ta̱ngatꞌanii̱ ni xi kiniꞌín ji, ngotꞌe̱ ꞌne̱ ndajín ka̱ma tꞌanangii̱, ngatꞌa̱ kandaꞌyéꞌíi̱n chjóo̱n, kó kichini ji too̱ kui yaá, kui xi ichjaá nga xi̱ni̱jín ji. Kuíni nga tji̱e̱nga ku̱i̱ndyin ji nga̱sondie, tsie kjo̱a̱ni̱ma̱ ku̱i̱tja̱tí nga kꞌuítji̱e̱ ji ni xi xi̱ni̱ ji nga̱són tꞌanangii̱.

Joo̱b 1:10

Ngatsjéni̱xtjin nga ji tichìi̱n kui ko̱jo xota̱ ndiꞌaa̱, ko̱jo ngayeje ni xi tjiín, kó niꞌínchikonñí ji xá xí tsꞌén. ¡Cho̱yojoo̱ ko̱jo cho̱tsa̱nga̱a̱ je tjikítsieni ngayeje kui nangii̱!

Joo̱b 2:9

Kó chjo̱ón Joo̱b, bi̱ kijítsoó: —Míkjo̱a̱a̱ nga to̱kó tiboke ji nga nda ji xota̱. ¡Ta̱sá chꞌo tꞌíi̱n Néná, sꞌe̱ ngataye ji ngijee̱!

Xo̱jo̱n Salmoo̱ 39:1

An bi̱ kixian an: Skóo̱n ni xi sa̱ꞌin an, tsi̱ꞌe̱ nga sa̱ꞌinjéjín an najén án, kokjo an ndso̱ꞌba án tji̱e̱nga xota̱ xi ꞌniú ndajiín ki̱a̱ síndo ngindyikón án.

Xo̱jo̱n Salmoo̱ 39:10

Ngiti̱ niꞌínjéjínní ngase, ngatꞌa̱ ndse̱ boá xi tjítsꞌénꞌónna.

Xo̱jo̱n Salmoo̱ 39:9

»Xikoó tsi kamáni̱ma̱, iskjíxꞌájín an ndso̱ꞌba án, ¡ngatꞌa̱ jí boá xi bo̱a̱ kase ji nga bo̱a̱ ka̱ma!

Xo̱jo̱n Salmoo̱ 59:12

Xki̱ nga kjíxꞌá tsꞌoa, tsꞌénjé nga chji̱a̱, ti̱ kui xi ngatixóyà chja̱ya̱a̱ kjo̱a̱nkꞌakoo̱n, ko̱jo kjo̱a̱a̱ ni ndiso ko̱jo ni xi ndajín xi ndyi̱chji̱a̱.

Énkjínkón 9:13

Kjo̱a̱kitikjo̱a̱a̱, xikónií ngo xota̱chjo̱on xí see̱n én, xi chi̱ni ko̱jo xi jmí kjo̱a̱soboájiín boá.

Énkjínkón 9:6

Tꞌíjñámasiénjnú kjo̱a̱chi̱nii̱, tsi mejénjnú nga ku̱i̱ndyionjnú, kó ki̱a̱ tangíntji̱ngíjnú ndi̱ya̱à kjo̱a̱kjíntakoón.

Eklesiastee̱ 7:14

Kjiꞌanga kji̱ndi̱bá ni̱xtjin xi ndaa̱, tsjangatamaa̱, kó kjiꞌanga kji̱ndi̱bá ni̱xtjin xi ndajiín, ti̱ꞌinkjé jí nga Néná boá xi katsꞌén ngayeje nii̱, kó bo̱a̱ tsꞌén nga xota̱ nga̱sondiee̱ jmíni̱xtjin sku̱i̱e̱ ni xi jaskan ka̱ma.

Kjo̱a̱chaꞌaá 3:37

ꞌYání bo̱a̱ xi bo̱a̱ ka̱tso̱ nga ngo ni kamá, kó nga Nénájín xi bo̱a̱ katsꞌén.

Matioo̱ 16:23

Kjisoo̱ askoꞌá Peé, sꞌe̱ bi̱ katsoó: ¡Tji̱taxínboeꞌéní xindajín Satana̱! Ngatꞌa̱ ni xi stingí an kjima ji, ngatꞌa̱ jmí tsi nii̱ Néná xi tifojintakín ji, nii̱ xotaa̱ boá xi tifojintakín.

Matioo̱ 25:2

Ún kui ínchjiín xi chi̱ni, kó ún xi xi̱ꞌinkjo̱a̱.

Juaa̱ 18:11

Sꞌe̱ Kjisoo̱, bi̱ katsoó Peé: –Nangísꞌín nginí ki̱cha̱ndojóo̱ tji̱xinkícha̱a̱. Tsi Na̱ꞌmii̱ xi tsꞌéntsjána kui kjo̱a̱ni̱ma̱a̱, a chjiénjín nga kjo̱a̱ꞌatio an.

Xota̱ Roma̱ 12:12

Tsja ngatamajnú nga ndyi̱chiyájnú, ti̱ꞌanchíkjo̱a̱jnú ngayeje kjo̱a̱ni̱ma̱, kó ngatsjéni̱xtjin ndókjo̱a̱jnúu̱ Néná.

Xo̱jo̱o̱n Sandiyaá 1:12

Achichíra̱tsjaa̱ ngo nda̱ xi xchíkjo̱a̱a̱ kjo̱a̱chjatꞌayákón xi tsꞌénfoaꞌajin, ngatꞌa̱ ngije nda jatjo nga kachjatꞌayákón, sa̱ko̱ó kjo̱a̱mindyion ngatsjéni̱xtjii̱n, kuí boá chjí xí katsóyàtjón Néná nga tsja̱á xota̱ xi tsꞌéntjó Néná.

Xo̱jo̱o̱n Sandiyaá 3:2

Ngayeje ñá niꞌán ni xi bo̱a̱jín kjiꞌi, ta̱nga tsi ngo nda̱ xi chiíjín ku̱i̱chji̱a̱ ngo én xí ndajínkjiꞌi, kuí boá xi̱ꞌba̱ xi je kamá xi chjiéngá ka̱ma, kó ka̱maa̱ nga nda ku̱i̱ꞌíꞌniuú nga kjo̱jo ngayeje yojoo̱.