Joo̱b 17:9 - Xo̱jo̱n eén Néná

⁹ Xota̱ xi kixi̱i̱, fíra ndi̱yà xí tjimá, kó xota̱ xi jmíjéjiín ndyiojón ndyiojón kꞌuié ngasee̱ ngaꞌniú!

Joo̱b 17:9 Iomraidhean Croise

Jenesii̱s 20:5

Ti̱ kuíní Abraa̱n xi ndichja xò má na̱ Saraa̱ katsóna, kó na̱ Saraa̱, ntsꞌié án má Abraa̱n katsó kui nga. Nda tsꞌén tikón kjo̱a̱kjíntakónna, ngatꞌa̱ jmí ni xi ndajínkjiꞌi katsꞌénjín an.

Joo̱b 22:30

Néná tsꞌéndé xota̱ xi jmí jéjiín, kó tsi jmí jéjiín jí, ti̱ kꞌo̱xiéꞌaá nga».

Joo̱b 27:5

Tji̱e̱nga tikón an nga̱sondie, ꞌniú kuichjiá an nga jmí jéjínna, kó jmíni̱xtjin tsjandièjnúꞌun nga jún xi kꞌuiéjnú ngakixi̱.

Joo̱b 27:6

ꞌNiú kꞌuijñá an nga kixi̱ án, kó nde ngojín ni̱xtjin nga tikón an xi sa̱ꞌínchꞌó ini̱ma̱na.

Joo̱b 31:7

Tsi kje̱ꞌe ndi̱yà iskjíbé án, kó tsi ini̱ma̱na kijítji̱ngi ni xi kamábe ndyikón án, ko̱jo tsi ngi̱ya ndsa̱ án síndo ni chejé,

Joo̱b 33:9

“¡Tsjie án, jmí jéjínna! ¡Jmí jéjínna, kó jmíjínna ni xi ndajín!

Xo̱jo̱n Salmoo̱ 11:3

Tsi si̱ꞌankjatsón ni xi yaꞌanii̱ nga kamánda kui nga̱sondiee̱, mí ni xi ka̱maa̱ sa̱ꞌín xota̱ xi kixi̱i̱.

Xo̱jo̱n Salmoo̱ 24:4

Ta̱kuítsí xota̱ xi tsjie tsjaa̱, ko̱jo xi tsjie ini̱ma̱a̱, kui xi jmíjéjiín, ko̱jo kui xi jmí tsi ta̱xkiya ndyi̱tsꞌéndíkón ni xi jmí ni chjíjiín, ti̱nde índisojín nga sa̱ꞌínkjatjosón ngo ni.

Xo̱jo̱n Salmoo̱ 26:6

Koniejón an ndsa̱ án, tsi̱ꞌe̱ nga ngiti̱ jmí jé kꞌuiéjínna, kó bo̱a̱ tsꞌén nga ka̱ma kjótsoꞌbá an ki̱a̱ tꞌa ṉchandikóo̱n, ji Ne,

Xo̱jo̱n Salmoo̱ 73:13

Kósꞌe̱, a ta̱kjo̱a̱ndaní nga katsꞌentsjie an ini̱ma̱na, ko̱jo a ta̱kjo̱a̱ndaní nga aniejón an ndsa̱ án, nga jmí jéjínna.

Xo̱jo̱n Salmoo̱ 84:11

Ngatꞌa̱ jí boá xi tsꞌué jí, ko̱jo jí boá xi ꞌbíchjaá ni xi ndajín, jí boá xi tiboeꞌéjne̱ kjo̱a̱nda ko̱jo kjo̱a̱yandikón. Kó Néná kjo̱a̱ꞌáxínjiín kjo̱a̱ndaa̱ xota̱ xi ngatsjéni̱xtjin nga nda ndyi̱tsꞌe̱én.

Xo̱jo̱n Salmoo̱ 84:7

Tji̱e̱nga ndyi̱fí, tsie ngase ngaꞌniú kꞌuieé, kó sku̱i̱e̱ Néná nga kjo̱chó na̱xi̱ńdáꞌniú Sioo̱n.

Xo̱jo̱n Salmoo̱ 84:8

¡Ji Ne, ji xi Nee̱ jájuún ji, ndaꞌyé ji kjo̱a̱ndokjo̱a̱na! Tasínijìnní, ji xi Nee̱ Jakoo̱b ji!

Énkjínkón 10:25

Kjiꞌanga foaꞌa ngo tjo̱ꞌniú, chaja xota̱ xi ndajiín, ta̱nga ngatsjéni̱xtjin nga kꞌuijñá xota̱ xi kixi̱i̱.

Énkjínkón 10:30

Xota̱ xi kixi̱i̱ ngatsjéni̱xtjin nga nda ka̱ma ni xi sa̱ꞌín, ta̱nga xota̱ xi ꞌniú ndajiín kꞌi̱e̱jín kꞌuíndo kui nga̱sondiee̱.

Énkjínkón 14:16

Xota̱ xi kjínkoón tsakjón má ni xi ndajiín, kó ꞌbijñámasien, ta̱nga xota̱ xi kitikjo̱a̱a̱ nkꞌa ꞌboxié yojoo̱, kó jmí ni ndasénjiín.

Énkjínkón 4:18

»Ta̱nga ndi̱yà xí tjimáyà xota̱ xi kixi̱i̱, ꞌna̱ ma xikoó nda̱a̱ ndiꞌí xí ya nga ndibáꞌásie̱én: kó saꞌniú sáꞌniú ngase ma ꞌna̱, ngaskande nga ma ndisꞌueé.

Markoo̱ 7:2

Kó kui jaá tsíchji̱a̱taꞌin xota̱ tsi̱ꞌe̱ Kjisoo̱ nga kamábe nga tjín káꞌá xi aniéjónjín tsja nga iskjinie nichinie.

Xo̱jo̱o̱n Sandiyaá 4:8

Ti̱ꞌantiñajnúu̱ yojojnú Néná, kó kui sa̱ꞌíntiñajnú yojoo̱. Jún xota̱ xi ndyi̱niꞌánjéjnú, ti̱ꞌantsjiejnú ndsa̱jnú. Kó jún xi jó ni tjíjii̱n ini̱ma̱jnú, ti̱ꞌantsjiejnú ini̱ma̱jnú.

1 Xo̱jo̱o̱n Peé 1:5

Ngaꞌniuú tjítsꞌénkjién nga tsꞌénkoón jún, ta̱ngatꞌanii̱ nga sꞌijinjnú, tsi̱ꞌe̱ nga Néná kꞌo̱xiéꞌá kjin kjin xota̱ xi tsi̱ꞌe̱ xikótsꞌèn je tikónndaa̱ ni̱xtjin xi kjifetꞌaa̱.

1 Xo̱jo̱o̱n Juaa̱ 2:19

Kui já boá, kꞌi̱e̱ jatjojinná, ta̱nga nga ja̱koxi̱ xota̱nájín bo̱a̱, ngatꞌa̱ tsi xota̱ná kamá, nijan síndojo̱na tsobo̱a̱, ta̱nga bo̱a̱ kamá tsi̱ꞌe̱ nga xcha̱ cha̱n cha̱n nga tjín xota̱ xi jmí tsi xota̱ xi tsa̱ñá boá.