Joo̱b 14:1 - Xo̱jo̱n eén Néná

¹ »Xota̱ nga̱sondiee̱, ta̱chiboa tsí ni̱xtjin ꞌbíndo, kó tsie kjo̱a̱ni̱ma̱ foaꞌatio.

Joo̱b 14:1 Iomraidhean Croise

Jenesii̱s 3:17

Kó Néná, bi̱ katsoó nda̱a̱: «Kó jí, ta̱ngatꞌanii̱ ni xi kiniꞌín ji, ngotꞌe̱ ꞌne̱ ndajín ka̱ma tꞌanangii̱, ngatꞌa̱ kandaꞌyéꞌíi̱n chjóo̱n, kó kichini ji too̱ kui yaá, kui xi ichjaá nga xi̱ni̱jín ji. Kuíni nga tji̱e̱nga ku̱i̱ndyin ji nga̱sondie, tsie kjo̱a̱ni̱ma̱ ku̱i̱tja̱tí nga kꞌuítji̱e̱ ji ni xi xi̱ni̱ ji nga̱són tꞌanangii̱.

Jenesii̱s 47:9

Kó Jakoo̱b, bi̱ katsoó nda̱ ree̱: —Úchán ko̱jo kantié nó tjínna nda̱ re nga ja̱kꞌi̱e̱ ja̱ngaján tsꞌénfí an. Ndatsi tsie kjo̱a̱ni̱ma̱ tsꞌénfoaꞌatio an, ta̱nga kji̱e̱ fochójín an xikó kjiꞌi nó kisꞌińdo xota̱ xi xchána.

Joo̱b 10:20

A chiboajín má ni̱xtjin xi tikón an. ¡Ngo kjo̱a̱nda kuíꞌaá, te̱ꞌéní kjo̱a̱xió! ¡Mejénna nga kꞌuiéchiína kjo̱a̱niꞌándajon.

Joo̱b 15:14

ꞌYání bo̱a̱ xota̱ nga̱sondiee̱ tsi̱ꞌe̱ nga tsjie kꞌo̱xié yojoo̱, ko̱jo nga bo̱a̱ ka̱tso̱ nga jmí jéjiín.

Joo̱b 25:4

¡Ngindyi̱ko̱n Néná nde ngojín xi ka̱maa̱ ko̱kó nga jmíjéjiín! Nde ngojín xota̱ nga̱sondiee̱ xi tsjie.

Joo̱b 25:5

Ngindyi̱ko̱n Néná ti̱nde saá ꞌna̱jín, ti̱nde ńñoo tsjiejín,

Joo̱b 5:7

Xikótsꞌèn nga ndiꞌií boá xi konnii̱ nga kjínkꞌá xꞌueé, ti̱ bo̱a̱ ti̱ tsꞌén xota̱ nga̱sondiee̱ boá xi konnii̱ nga tsie kjo̱a̱ni̱ma̱ foaꞌatio.

Joo̱b 7:1

»Achichí ꞌniú xá xí niꞌán nga tindyión kuí nga̱sondiee̱, kó ni̱xtjinná xikónií ni̱xtjii̱n ngo nda̱ xi tsꞌénxá ngi̱jin jno̱o̱.

Joo̱b 7:6

»Achichí tsá tsꞌénfí ni̱xtjin nga tikón an, xikó maá nga foaꞌa ńchjón xí tsꞌénkjién xota̱ xi kjóyà ńjñoo̱. ¡Jè ngiti̱ jmíjín ngasena kjo̱a̱chiyá!

Joo̱b 8:9

Ngatꞌa̱ xota̱ ngojña̱ ngocha̱ boá ñá, kó jmí ni yajín ñá, kó ni̱xtjin xi tindyión kuí nga̱sondiee̱ achichí tsá foaꞌa, bo̱a̱ má maá xikoó tji̱nkꞌi̱e̱én.

Joo̱b 9:25

»Achichí tsá kjifí ni̱xtjinna, xikó maá ngo nda̱ xi tsá monga. Ni̱xtjinna achichí tsá kjifoaꞌa kó nde kamábejín an ni xi ndaa̱.

Xo̱jo̱n Salmoo̱ 39:5

Xikoó tsi ndse̱ tichꞌíchi̱bo̱e̱ ji ni̱xtjin xi katseꞌéní, kó nde nijín bo̱a̱ ngindyikin ji nó xí tjínna. Ja̱koxi̱ boá nga ta̱kjo̱a̱ndaní nga ꞌbíjñá nga̱sondie ngo xota̱.

Xo̱jo̱n Salmoo̱ 39:6

Ta̱ xikónií tsi ngo ni xi ja̱koxi̱, nga síndo xotaa̱ kui nga̱sondiee̱, ta̱kjo̱a̱ndaní nga ki̱a̱ mongatji̱ngii̱ tjo̱o̱, ngatꞌa̱ tsie kjo̱a̱cho̱n foaꞌátjó, ta̱nga nde bejín ꞌyá xota̱ xi tsi̱ꞌe̱ ka̱ma kui nii̱.

Xo̱jo̱n Salmoo̱ 51:5

Ja̱koxi̱ boá nga ngi̱jii̱n ni xi ndajiín nga kamánda an, ko̱jo nga jè tjínna jé nga nga yeꞌéna na̱anna.

Xo̱jo̱n Salmoo̱ 89:47

Ngatjaꞌátsjiee̱n nga achichí chiboa má ni̱xtjii̱n. A ta̱kjo̱a̱ndaní nga kiniꞌínde ji xota̱ nga̱sondiee̱.

Eklesiastee̱ 2:17

Kuíni nga katsꞌenchꞌó an kjo̱a̱mindyioo̱n, ngatꞌa̱ xá xí niꞌán kui nga̱sondiee̱ je tsꞌajonna, ngatꞌa̱ ngayeje kui nii̱ ta̱kjo̱a̱ndaní bo̱a̱, kó ta̱ tsꞌénboa tsíná.

Eklesiastee̱ 2:23

Ngatꞌa̱ ngayeje ni̱xtjin nga kjo̱a̱ni̱ma̱ tsꞌénfoaꞌatio, nga katsꞌén xá xí tsjajín kamaá nga katsꞌén, kó ndatsi nga jñoó nde jmí kjo̱a̱xió kisꞌiejiín ini̱ma̱a̱. ¡Kó kui nii̱, ti̱ ta̱kjo̱a̱ndaní bo̱a̱ nga!

Matioo̱ 11:11

Ja̱koxi̱ ni xi xiánjnúꞌun nga kꞌi̱e̱ kui nga̱sondiee̱, kji̱e̱ tsenjín ingo nda̱ xi nkꞌa ngase xaá xikoó Jua̱ xi botíndaá, ta̱nga kui nda̱ xi ꞌniú chichí ngase xaá nínga botíxomaa̱ Néná, nkꞌa ngase xaá ta̱bo̱a̱jiín Juaa̱.