Joo̱b 11:7 - Xo̱jo̱n eén Néná

⁷ »A beriítakín ji nga ka̱maa̱ xchi̱e̱ ji ni xi tjiꞌmaá Néná. A ka̱maári kixi̱ ka̱ma ji, xikoó kui Néná xi tjiín ngayeje ngaꞌniuú.

Joo̱b 11:7 Iomraidhean Croise

Joo̱b 22:12

»A mí tsí nkꞌajmii̱ tikón Néná, tsitsíjìi̱n kókjiꞌi nkꞌa síndo ńño ꞌna̱a̱.

Joo̱b 26:14

»Kuí nii̱ xi bokóná kjo̱a̱a̱ ngaꞌniú jee̱, ni xi yà kjo̱a̱a̱ kui, sꞌe̱ tsí ngo ni xi ta̱ꞌya ndaꞌyá. Kó ngaꞌniú xí tjiín Néná, ꞌyá xí ka̱makjiín».

Joo̱b 27:11

»Kokomárajnúꞌun ngaꞌniú xí tjiín Néná, kó kꞌuiꞌmájínjnúꞌun ni xi je índa xi tsi̱ꞌe̱ ngayeje ngaꞌniuú.

Joo̱b 33:12

»Kixi̱jín ni xi tꞌísé ji, ngatꞌa̱ Néná je ngase ta̱bo̱a̱jiín xota̱ nga̱sondiee̱.

Joo̱b 33:13

Kó míkjo̱a̱a̱ nga kui mejeén ku̱i̱xkénje̱ ji, jmí kjo̱a̱jín nga kui sa̱ꞌínseén ni xi tꞌísé ji.

Joo̱b 35:5

Tsitsíjìi̱n nkꞌajmii̱, tsitsíjìi̱n ṉdi̱i̱ kókjiꞌi nkꞌa ngase, ta̱bo̱a̱jiín jí.

Joo̱b 36:26

Achichí tsie kjo̱a̱je tjiín Néná nga ngaskande nde májín ya, ti̱nde yàjín ñá kótjín nó tjiín.

Joo̱b 37:23

Nde ka̱makjínjínná kjo̱a̱je xi tjiín Néná xí tsi̱ꞌe̱ ngayeje ngaꞌniuú, achichí ngaꞌniú tjiín, ko̱jo achichí je kjo̱a̱kixi̱i̱.

Joo̱b 37:5

Kjiꞌanga Néná tsꞌénkjánié cho̱ꞌo̱o̱n, achichí ni xi fíndikónná má, nga ngaskande nde makjínjínná kuí nii̱.

Joo̱b 42:3

Ji akasíyé ji nga bi̱ kase: ꞌYání jí nga ma kon takín nga sꞌijinjín maá kjo̱a̱kjínkónna, nga katsꞌenkjién án én xí jmí ni chjíjiín, ni xi ta̱nisién fíndikónna, kó nga ja̱koxi̱ nde bejín an ni xi kixian an.

Joo̱b 5:9

Kui xi tsꞌén kjín kjo̱a̱ndikón ko̱jo ni xi fíndikónná, xi nde jmíjín xi ka̱makjiín.

Xo̱jo̱n Salmoo̱ 139:6

¡Jmí ni̱xtjin ka̱makjínna xikó kjiꞌi nga fíndikónna kjo̱a̱kjíntakóo̱n! ¡Jmí ni̱xtjin ka̱makjínna!

Xo̱jo̱n Salmoo̱ 145:3

¡Achichí kjo̱a̱je xi tjiín ji Ne, tsoboaári nga si̱ꞌantsjajne̱! ¡Achichí kjo̱a̱je xi tjiín nga ngaskande nde makjínjínjne̱ kókjiꞌi!

Xo̱jo̱n Salmoo̱ 77:19

Ngo ndi̱yà nínga ikitja kiniꞌínde ji ki̱a̱ ndáchíkoón kó kachjéxꞌé jí ngo ndi̱yà ngi̱jii̱n ndáfoaa̱ xi ꞌniuú, ta̱nga nde ngojín xi kamábe chi̱bo̱a̱ ndsa̱ki ji.

Énkjínkón 30:4

»ꞌYá xí kijínijíngí nkꞌajmi jàn, sꞌe̱ kjindibájaya nginí. ꞌYá xí kamaá íjñaꞌniú tjo̱o̱ ngi̱ya tsja. ꞌYá xí kamaá nga ngo ńjño íxtiéní ndáchíkoón. ꞌYá xí kamaá íjñaá tsindió tꞌanangii̱. Kó ꞌmí kuí, kó a yé jí jaꞌeén ndií.

Eklesiastee̱ 3:11

Ni̱xtjin nga katsꞌénda Néná ngayeje nii̱ achichí tsjákón katsꞌén, kó íjin ngi̱jii̱n ini̱ma̱a̱ xotaa̱ tsi̱ꞌe̱ nga ka̱makjiín kjo̱a̱a̱ kjo̱a̱mindyion ngatsjéni̱xtjii̱n, ta̱nga xotaa̱ niꞌin makjiín ni xi je katsꞌén Néná ndeskande koó nga ítjatsꞌennii̱, ngaskande nga kju̱e̱tꞌanii̱.

Eklesiastee̱ 7:24

Ngayeje ni xi tjiín achichí kjin tikónna, kó achichí niꞌín kjiꞌi nga skuie an. Kó, ꞌyá xí ka̱makjiín kui nii̱.

Matioo̱ 11:27

Ngayeje nii̱ Na̱ꞌmina boá xí katsꞌénkꞌasꞌienna, kó ta̱ꞌyajín xi be ndií, ta̱kuítsí Na̱ꞌmii̱, kó ta̱ꞌyajín xi be Na̱ꞌmii̱, ta̱kuítsí ndií, ko̱jo xota̱ xi kui ndií mejeén ka̱tso̱yaa̱.

Xota̱ Roma̱ 11:33

Achichí tsie kjo̱a̱cho̱o̱n Néná, achichí tsie kjo̱a̱kjínkoón ko̱jo ni xi tjíjinkon. Nde ngojín xi ka̱makjiín ni xi tsꞌén Néná, ko̱jo tsi ka̱tso̱yà ánní nga bo̱a̱ tsꞌén.

1 Xota̱ Korinto̱ 2:10

Ta̱nga A̱si̱énni̱xtjii̱n Néná jè akóná kui nii̱, ngatꞌa̱ A̱si̱énni̱xtjii̱n ngayeje nii̱ xi kotꞌa, ngaskande ni xi ꞌniú tjiꞌmaá Néná.

1 Xota̱ Korinto̱ 2:16

Ngatꞌa̱ bi̱ tsꞌén je tjítꞌa xo̱jo̱n eén Néná “ꞌYání xi be ni xi tjíjinkon Ndi̱a̱ná. ꞌYá xí ko̱tíxomaa̱ kjo̱a̱a̱ ni xi sa̱ꞌín.” Ta̱nga ñá tikónjinná kjo̱a̱kjíntakoón Kristoo̱.

Xota̱ Éfeso̱ 3:8

An xí achichí chichí ngase an ngi̱jii̱n xota̱ tsjiee̱ Néná, ta̱nga an katseꞌéna kui kjo̱a̱ndaa̱ nga kꞌuini̱jmìi̱ xota̱ xi jundío̱jiín, éntjatsi̱e̱e̱ kjo̱a̱cho̱n tsiee̱ Kristoo̱ xi jmíjín xi makjín yejee̱.