Joo̱b 10:6 - Xo̱jo̱n eén Néná

⁶ Tsi̱ꞌe̱ nga ku̱i̱ndyi̱séyé ji ni xi ndajín xi katsꞌen an, ko̱jo nga ku̱i̱ndyi̱sé ji mí jé xí katsꞌen an.

Joo̱b 10:6 Iomraidhean Croise

Joo̱b 13:23

¡Tꞌíyéní kókjiꞌi ni xi ndajín ko̱jo kókjiꞌi jé xí katsꞌen an! ¡Takéní nínga katsꞌenkjatsoón ndso̱ꞌba án!

Joo̱b 14:16

Ta̱nga ngotꞌe̱ ꞌne̱ tiꞌbíxki̱ ji chi̱bo̱a̱ ndsa̱ko án, kó nde xꞌe̱xki̱jínra̱ ji jéna.

Joo̱b 21:4

»Néná boá xi tsꞌénchji̱a̱jo an, jmí tsi xota̱ nga̱sondie, kuíni nga achichí nda̱ kjimana.

Joo̱b 33:13

Kó míkjo̱a̱a̱ nga kui mejeén ku̱i̱xkénje̱ ji, jmí kjo̱a̱jín nga kui sa̱ꞌínseén ni xi tꞌísé ji.

Joo̱b 7:20

Tsi katsꞌenjé án, mí ni xi ndajín xi ka̱ma sa̱ꞌinjoo̱ ji. Ngiti̱ tsitsijinjíi̱n xota̱ nga̱sondiee̱, Míkjo̱a̱a̱ nga ta̱ngongá an tiniꞌínje̱ní, ngaskande nga xikoó tsi ngo chꞌià é kjimaa̱ an.

Xo̱jo̱n Salmoo̱ 10:15

Chjátꞌé jí tjiaa̱ ko̱jo ṉꞌni̱u̱ xota̱ xi ndajiín, ti̱ꞌinkjie ji ni xi ndajín xi ndyi̱tsꞌèn, ngaskande nga kju̱i̱e̱ yeje kui nii̱.

Xo̱jo̱n Salmoo̱ 44:21

kó Néná, a mí tsí je kamákjiín kui nii̱ tsobo̱a̱, ngatꞌa̱ kui jè be ni xi tjiꞌmaá ini̱ma̱a̱.

1 Xota̱ Korinto̱ 4:5

Kó kuíni nga, ngata̱ júnjín bo̱a̱ ꞌmíjnú tsi nda ko̱jo tsi ndajín ndyi̱tsꞌèn xotaa̱ nga ngindie ni̱xtjin, ta̱sá chiyájnúu̱ ngaskande nga kjo̱e̱ꞌe nginí Ndi̱a̱ná, ngatꞌa̱ kuí boá xi ku̱i̱ꞌíjñátsijen ni xi tjiꞌmaá, ko̱jo ni xi niꞌánkjó nga ngo nga ngo ñá, kó ko̱kó ngayeje ni xi mejeén sa̱ꞌín ini̱ma̱a̱ xotaa̱, kósꞌe̱ bo̱a̱ tsꞌén kui ni̱xtjii̱n nga Néná nda tsꞌén ku̱i̱chji̱a̱ kjo̱a̱a̱ ni xi katsꞌén nga ngo nga ngo xotaa̱.

Ndeuteronomio̱ 4:29

Ta̱nga tsi ja̱koxi̱ nga kixi̱jnú, kó tsi ngayeje ini̱ma̱jnú nga chji̱a̱ꞌajnúu̱ nga sa̱ꞌínjetakónjnú Néná, ndatsi kui na̱xi̱ńdaá tindyiónjnú, Néná sa̱ꞌínjetakónjnú.