Joo̱b 10:3 - Xo̱jo̱n eén Néná

³ A ndakjíꞌí nga tiniꞌínꞌínní, ko̱jo nga tiniꞌínchꞌí ji ni xi ndse̱ ji katsꞌénda, ko̱jo nga tsja maa̱ ni xi tsꞌén xota̱ xi ꞌniú ndajiín.

Joo̱b 10:3 Iomraidhean Croise

Joo̱b 10:8

”Ji Ne, ndse̱ boá xi kiniꞌínkjìn jí nga kiniꞌíndení, kó ngotꞌe̱ ꞌne̱ akasíkje ji ni xi niꞌínkjé, kó mejeén nga si̱ꞌinkjiení.

Joo̱b 14:15

Kósꞌe̱ nga ko̱ndókjo̱e̱ni, an sa̱ꞌinseén, kó ka̱mamejeén tsitsíjinní, ngatꞌa̱ jí boá xi kiniꞌíndení.

Joo̱b 15:13

Ánní nga Néná tiniꞌínxchínje̱ kon ji, kósꞌe̱ ta̱xkiya tindokjo̱e̱ ji.

Joo̱b 16:11

Néná jè katsꞌénkꞌasꞌienna ngi̱ya tsja xota̱ xi ꞌniú ndajiín.

Joo̱b 19:6

Ja̱ mejénna nga xcha̱jnú nga Néná boá xi tsꞌatájóna, kó kuí boá xi íjñána ngo chja̱ya̱.

Joo̱b 21:16

Ta̱nga jmí tsi ngi̱ya tsja tikón ni nda xi kjimaa̱ kui. Kjin ngatꞌíjñána an, ni ndajín xi tsꞌénkjó xota̱ xi ꞌniú ndajiín.

Joo̱b 22:18

ta̱sá Néná achichí ni xi nda katsjaá ki̱a̱ ndiꞌaa̱. ¡Ta̱nga kjo̱a̱botíxomaa̱ kui xota̱ xi ndajiín, achichí kjin tikónnii̱ an!

Joo̱b 27:2

«Be án nga tikón Néná, kó jè jaꞌáxín kjo̱a̱ndana, kui Néná xi tsi̱ꞌe̱ ngayeje ngaꞌniuú, je katsꞌénxtína nga mejénjiín nga kixi̱ tsꞌén sa̱ꞌínsénna,

Joo̱b 30:21

Achichí nga ndajín tiniꞌínje̱ní, kó ngaꞌniúu̱ niꞌínkjìn jí nga niꞌínꞌínní,

Joo̱b 31:15

¡Kui Néná xí katsꞌéndana ngi̱ya ndo̱bo̱a̱ndií na̱ana, ti̱ kuí boá xi katsꞌénda kui nga, kuí boá xi katsjájne̱ kjo̱a̱mindyion, kó ndse̱je̱n katsꞌénjne̱!

Joo̱b 33:4

A̱si̱énni̱xtjii̱n Néná boá xi katsꞌéndana, kó tjo̱ xi yítsiéna xi tsi̱ꞌe̱ ngayeje ngaꞌniuú, kuí boá katsjána kjo̱a̱mindyion.

Joo̱b 40:2

»A kjo̱a̱kjíntakón boá nga ji ko̱ndókjo̱e̱tije̱ ji xi tsi̱ꞌe̱ ngayeje ngaꞌniuú, ja̱ tsi ji xi kandokjo̱e̱tije̱ ji, ja̱ ndókjo̱e̱ꞌéni ngotꞌe̱».

Joo̱b 40:8

»A niꞌínchjíjínríi̱ kjo̱a̱kixi̱ xi tsꞌen an, a si̱ꞌinjéní tsi̱ꞌe̱ nga ko̱ké ji nga ji xi tjiín ngakixi̱.

Joo̱b 8:20

»Néná tsꞌenchꞌójín xota̱ xi kixi̱i̱, ti̱nde bosikójojín xota̱ xi ꞌniú ndajiín.

Joo̱b 9:22

Ta̱ ingo tsí ni xi chaja ngasena xi xián án: nga Néná ta̱ ngo ndséje̱n tsꞌenkjié tsi xota̱ xi nda, ko̱jo tsi xota̱ xi ndajín.

Joo̱b 9:24

Tsi ngo xota̱ xi ꞌniú ndajín kjíbé kjo̱a̱ꞌniú ngo xoꞌba, Néná boá xi bójñoó ndyi̱ko̱n xota̱ xi botíjeé. Kó tsi Nénájín xi bo̱a̱ tsꞌeén, ja̱ ꞌyání tsobo̱a̱.

Xo̱jo̱n Salmoo̱ 100:3

Cha̱ndikónjnú nga kuí boá xi Néná, kuí boá xi katsꞌéndaná, kó kuí ndokjo̱a̱ ñá. Ñá boá xi xota̱ na̱xi̱ńdaá kui má, ñá boá xi cho̱tsa̱nga̱ xi tsi̱ꞌe̱ xi tindyión kꞌijñaá kui!

Xo̱jo̱n Salmoo̱ 138:8

Ji Ne, jí boá xi si̱ꞌinkjatjosén ngandana ni xi je kiniꞌínkjé jí nga si̱ꞌin ji. Bosíkjejín ji xikó kjiꞌi nga tjoó an, ngatꞌa̱ ti̱ jíní bo̱a̱ xi kiniꞌíndení. ¡Ngata̱ ꞌbíjñímasínjínní!

Xo̱jo̱n Salmoo̱ 69:33

Ngatꞌa̱ Néná ntꞌiérií xota̱ xi ni̱ma̱ síndoo̱, ¡kó chꞌójín maá xota̱ na̱xi̱ńdá xí síndoꞌniuú!

1 Xo̱jo̱o̱n Peé 4:19

Kó kuíni nga xi ndyi̱foaꞌatio kjo̱a̱ni̱ma̱ ngatꞌa̱ bo̱a̱ tsꞌén kamámejeén Néná, ngatsꞌénkꞌásꞌieén ini̱ma̱a̱ Néná nga nda sa̱ꞌín, ngatꞌa̱ kuí boá Néná xi ꞌniátakón ñá nga katsꞌénda ngayeje nii̱.