Joo̱b 1:5 - Xo̱jo̱n eén Néná

⁵ Ngije kamá nga ngo nga ngo kui sꞌué xí katsꞌén, Joo̱b katsangiyakjaꞌá ndií, kó tsíꞌaá Néná tsi̱ꞌe̱ nga sa̱ꞌínjetakoón ta̱jmì jéní xi katsꞌén kui jaá. Joo̱b achichí ta̱jñó fostjíe̱n nga tsꞌenkꞌásꞌieén Néná ngo kjo̱a̱tjó nga ítií cho̱ kjo̱a̱a̱ nga ngo nga ngo ndií. Joo̱b katsꞌén kui nii̱ ngatꞌa̱ katsꞌénkjó nga tsi ta̱ katsꞌénjé jaá nga chꞌo katsoó Néná, ko̱jo tsi chꞌo tsꞌén íjin ngi̱jin ini̱ma̱a̱. Kamángá maá Joo̱b nga kui nii̱ katsꞌén ndyiojón ndyiojón.

Joo̱b 1:5 Iomraidhean Croise

Jenesii̱s 22:3

Nga kamángindyiojón achichí ta̱jñó jastjíe̱n Abraa̱n, tsatie chikín tsi̱ꞌe̱ ndiꞌí xí ku̱i̱ꞌítsié, sꞌe̱ ísoón xiri̱e̱e̱ bórroó, kó kijí ngi̱ndie xi katsoó Néná. Kijíjo̱ ndií ko̱jo ngi jó já mosoo̱.

Jenesii̱s 6:5

Kó xi chjo̱on xí xi̱ꞌin xi kisꞌińdo kui nga̱sondiee̱ saꞌniú sáꞌniú ndajínkjiꞌi ni xi katsꞌén, kó ngatsjéni̱xtjin katsꞌénkjó nga ta̱soboá ni xi ndajín xí sa̱ꞌín. Kó kjiꞌanga Néná kamábe nga ta̱nisién ndajín kjima kui xotaa̱,

Jenesii̱s 8:20

Jaskan Noee̱ katsꞌénda ngo ṉchandikón nínga katsꞌéndikón Néná, kó iskjíbé jó cho̱ ko̱jo cho̱ xi tjiín tsja̱nga̱ xi tsꞌénjóꞌo Néná nga niꞌánkꞌasꞌiee̱n kjo̱a̱tjó, kó ítí kui cho̱o̱ nganda tsi̱ꞌe̱ Néná.

Joo̱b 1:11

Ta̱nga nga ja̱koxi̱ tsi ndajín si̱ꞌinje̱ ji, kó tsi chje̱ꞌéxíi̱n ngayeje ni xi tjiín, ¡ndé xchi̱e̱ ji nga chꞌo ka̱tso̱ tíkje̱n tíkje̱e̱n!

Joo̱b 1:4

Ndí xíꞌiín Joo̱b ngatsjéni̱xtjin nga katsꞌén sꞌué ꞌniú ki̱a̱ ndiꞌaa̱, kó xki̱ ngo ni̱xtjin katsoboaá nga ngo nga ngo, kó katsóyaà nga ján ínchjín ndichjá tsi̱ꞌe̱ nga nijan iskjinie ko̱jo nijan katsꞌejo̱ xkjín.

Joo̱b 2:9

Kó chjo̱ón Joo̱b, bi̱ kijítsoó: —Míkjo̱a̱a̱ nga to̱kó tiboke ji nga nda ji xota̱. ¡Ta̱sá chꞌo tꞌíi̱n Néná, sꞌe̱ ngataye ji ngijee̱!

Joo̱b 27:10

A kꞌuiérií kjo̱a̱tsja nga ki̱a̱ kꞌuijñátꞌaa̱ xi tsi̱ꞌe̱ ngayeje ngaꞌniuú. A ngatsjéni̱xtjin nga ku̱i̱chji̱a̱a̱ Néná.

Joo̱b 41:25

Kjiꞌanga ꞌbítsanie yojoo̱ kui cho̱o̱, ngaskande xota̱ xi chꞌokon tsoó yojoo̱ fotsié má, kó monga.

Joo̱b 42:8

Kuíni ngotꞌe̱ ꞌne̱ tangínjo̱jnú Joo̱b, kó tꞌítíjnú yito cho̱yojo toro̱, ko̱jo yito cho̱tsa̱nga̱ xi jaꞌatji ndi̱ja̱a̱, tsi̱ꞌe̱ nga sa̱ꞌinjetakónjnúꞌun. ꞌNiú ku̱i̱ꞌana Joo̱b nga ku̱i̱chji̱a̱tjéjnú, kó ta̱ngatꞌanii̱ kui nga jmí kjo̱a̱soboá sa̱ꞌínkjaꞌájínjnú, ta̱ngatꞌanii̱ nga kixi̱jín kandokjo̱a̱jnú kjo̱a̱a̱ an, xikó tsꞌén kixi̱ tsíchji̱a̱ Joo̱b».

Joo̱b 6:14

Tsi ngo amingo̱ xi kjo̱a̱ni̱ma̱ tsꞌénfoaꞌatio, niꞌándajónrií, ndatsi je ngiti̱ ntꞌiéꞌénjiín xi tsi̱ꞌe̱ ngayeje ngaꞌniuú.

Joo̱b 8:4

Tsi katsꞌénjé ndíi̱ kondraa̱ Néná, kuí boá xi katsjaá kjo̱a̱botíjé xí tsoboaá kui.

Xo̱jo̱n Salmoo̱ 5:3

Ji Ne, ta̱ niꞌin si̱sién, kó ko̱nda̱ꞌyé ji nda̱na, kó nga ta̱jño̱ó kjuín án ngindyikin ji, kó skoya an.

Éksondo̱ 18:12

Kósꞌe̱ Jetroo̱ tji̱e̱nmá katsꞌénkꞌasꞌiee̱n Néná ngo kjo̱a̱tjó xi ndií cho̱tsa̱nga̱, kó ti̱ katsꞌénkꞌasꞌien ngasee̱ kje̱ꞌe kjo̱a̱tjó. Jaskan ngije kamá kui nii̱ Aaroo̱n ko̱jo ngito̱ko̱o̱ xota̱ na̱xi̱ńdá Israee̱l jachókjiniejo̱ ṉño̱ chiꞌyaá Moisee̱ kje̱n ṉchandikoón Néná.

Éksondo̱ 19:10

»Mejénna nga kꞌuíchíi̱n xota̱ na̱xi̱ńdaá, kó tꞌíndendé jí tsi̱ꞌe̱ nga sa̱ꞌíndikónna ngotꞌe̱ ko̱jo ndyiojón. Tatíxomée̱ nga ko̱nié ńjñoo̱, tsi̱ꞌe̱ nga sa̱ꞌíntsjie yojoo̱, kó ngatꞌíndonda tsi̱ꞌe̱ nga sa̱ꞌíntsjána ngii̱, ngatꞌa̱ kuí ni̱xtjii̱n nga kokòo̱ yojona ki̱a̱ na̱xi̱ Sinaii̱.

Éksondo̱ 24:5

Kósꞌe̱ íxaá já xo̱ngò xí chji̱a̱ni xota̱ Israee̱l, xi katsꞌénkꞌasꞌiee̱n Néná cho̱yojo toro̱ kjo̱a̱a̱ kjo̱a̱xioó.

Eklesiastee̱ 9:10

Kó ngayeje ni xi ka̱ma si̱ꞌin ji, ndatsꞌèn ti̱ꞌin ji, ngatꞌa̱ ki̱a̱ nga̱tsjo̱ó, ki̱a̱ nínga kjóchí ji, ngiti̱ jmí xájín ki̱a̱a̱, ti̱nde ngiti̱ jmíjín ni xi ma niꞌán ngase, ti̱nde ngiti̱ jmíjín kjo̱a̱kjíntakón, ko̱jo kjo̱a̱kjínkón.

Rkaa̱ 1:75

Nga ngatsjéni̱xtjin nga tsjie ko̱jo nga kixi̱ ku̱i̱ndyión ngindyi̱ko̱n Néná.

Rkaa̱ 18:7

Kó Néná a kixi̱jín tsꞌén sa̱ꞌínseén xota̱ xi je jaꞌájin xi nga jñó ko̱jo nga ni̱xtji̱e̱n ndyi̱chji̱a̱a̱ kui. A sa̱ꞌínkꞌandíyárií nga ko̱síko̱jo kui xotaa̱.

Juaa̱ 11:55

Kó ngije kjimatiña sꞌué paskuaa̱ xota̱ jundíoo̱, achichí má xota̱ xi kijí na̱xi̱ńdáꞌniú Jerusale̱n, ngindiee̱ sꞌué paskuaa̱ tsi̱ꞌe̱ nga sa̱ꞌíntsjie yojoo̱.

Ni xi kamá 21:26

Kósꞌe̱ bo̱a̱ tsꞌén Pabloo̱ kijíjo̱ nga nijón kui jaá, kó nga kamángindyiojón nijan katsꞌéntsjiejón yojoo̱, kósꞌe̱ jaskan tsꞌasꞌien na̱ngo̱xi̱i̱ tsi̱ꞌe̱ nga katsóyaà kjiꞌání nga kju̱i̱e̱tꞌa ni̱xtjin nga kjo̱tjosón ni xi katsóyàtjón nga sa̱ꞌín, ko̱jo kjo̱a̱a̱ kjiꞌání nga sa̱ꞌínkꞌasꞌien chji̱e̱e̱ nga ngo nga ngo kui jaá.

Ni xi kamá 8:22

Ti̱ꞌinkꞌoyé ji ni chꞌokjiꞌi tse̱, kó ꞌniú chji̱e̱ꞌèe̱ Néná, tsi ta̱ꞌa nga sa̱ꞌínjetakoón ni xi bo̱a̱ tsꞌén ikꞌíjin ini̱màa̱,

1 Xota̱ Korinto̱ 4:5

Kó kuíni nga, ngata̱ júnjín bo̱a̱ ꞌmíjnú tsi nda ko̱jo tsi ndajín ndyi̱tsꞌèn xotaa̱ nga ngindie ni̱xtjin, ta̱sá chiyájnúu̱ ngaskande nga kjo̱e̱ꞌe nginí Ndi̱a̱ná, ngatꞌa̱ kuí boá xi ku̱i̱ꞌíjñátsijen ni xi tjiꞌmaá, ko̱jo ni xi niꞌánkjó nga ngo nga ngo ñá, kó ko̱kó ngayeje ni xi mejeén sa̱ꞌín ini̱ma̱a̱ xotaa̱, kósꞌe̱ bo̱a̱ tsꞌén kui ni̱xtjii̱n nga Néná nda tsꞌén ku̱i̱chji̱a̱ kjo̱a̱a̱ ni xi katsꞌén nga ngo nga ngo xotaa̱.

2 Xota̱ Korinto̱ 11:2

Ngatꞌa̱ kui kjo̱a̱chi̱ni̱ xi tjínna kjo̱a̱a̱ jún, Néná xí katsangiya. Ngatꞌa̱ an jè xikoó tsi katsjáa̱ jún, nga ta̱ ngo tsí xi̱ꞌin xi ku̱i̱xanjo̱jnú, kó kui xi̱ꞌii̱n kuí xí Kristoo̱. Mejénna nga xikoó ngo tsa̱kjìn xo̱ngò xí kji̱e̱ jmí xi̱ꞌin ꞌbéjiín, nga bo̱a̱ tsꞌén sa̱ꞌinkꞌasꞌienjnúꞌun.

Xota̱ Éfeso̱ 6:18

Ngatsjéni̱xtjin ndókjo̱a̱jnúu̱ Néná, kó te̱ꞌéndièjnúu̱ nga A̱si̱énni̱xtjii̱n xi ko̱síko̱jójnú nga ko̱ndókjo̱a̱jnú, ti̱ndyiondajnú kó ngata̱ niꞌánkjiejínjnú takónjnú, kó chji̱a̱ꞌatjejnú ngayeje xota̱ tsjiee̱ Néná.