Joo̱b 1:21 - Xo̱jo̱n eén Néná

²¹ kósꞌe̱ bi̱ katsó: «Jmí ni yaꞌajín an nga jatjoni an ndo̱bo̱a̱ndií na̱anna, kó ti̱ jmí ni koaꞌajín an nga kjo̱tjoni an kui nga̱sondiee̱ nga, ¡Néná katsjána, kó Néná jaꞌáxínna! ¡Ngatamachikonñé jaꞌeén Néná!»

Joo̱b 1:21 Iomraidhean Croise

Jenesii̱s 3:19

»Tsie kjo̱a̱ni̱ma̱ ku̱i̱tja̱tí nga si̱ꞌinxé jí tsi̱ꞌe̱ nga sa̱ko̱ó ni xi xi̱ni̱ ji. Bo̱a̱ ka̱ma ngaskande ni̱xtjin nga ko̱yè jí, kó ka̱ma nginí ji chojo, ngatꞌa̱ chojoo̱ boá xi katjóbé nga kamánda ji. Ngatꞌa̱ ta̱ chojo tsí jí, ¡kó chojo ka̱ma nginí ji!»

Jenesii̱s 30:2

Kó Jakoo̱b katsꞌénxchánjo̱ na̱ Rakee̱l, nga bi̱ katsoó: —A Néná boá an nga bo̱a̱ se kon ji. ¡Kuí boá xi jmí ndí tsjájiín!

Jenesii̱s 45:5

Ta̱nga nga ta̱ nda̱jín májnú, kó ngata̱ ndasénjín májnú nga akatíñájnúꞌun. Jè jó nónií nga tjín kjindiá, kó ngi ún nó chaja nga jmí ni ka̱maxchájín tꞌanangii̱, ta̱nga Néná boá xi katsangiyatjónna tsi̱ꞌe̱ nga an kꞌoxiéꞌájnúꞌun jún ko̱jo ndíjnú, kó nga ꞌniú ko̱e̱je̱ndikónná kui ni xi ka̱maa̱.

Joo̱b 1:11

Ta̱nga nga ja̱koxi̱ tsi ndajín si̱ꞌinje̱ ji, kó tsi chje̱ꞌéxíi̱n ngayeje ni xi tjiín, ¡ndé xchi̱e̱ ji nga chꞌo ka̱tso̱ tíkje̱n tíkje̱e̱n!

Joo̱b 2:10

Ta̱nga Joo̱b, bi̱ katsoó: —¡Jmí chjo̱ón! Ngata̱ bo̱a̱jín tsó kjo̱a̱chi̱ni xi ndokjo̱e̱ ji. Tsi niꞌánjo̱ꞌó ñá ngayeje ni nda xi tsjáná Néná, ja̱ ti̱ chjiéngá si̱ꞌanjo̱ꞌo ni xi ndajiín nga. Kó ndatsi bo̱a̱ kjiꞌi ngayeje ni xi je kamaá Joo̱b, katsꞌénjéjín nga chꞌo katsoó Néná.

Joo̱b 9:12

Tsi tjín ni xi mejeén skjíbé kuí, ꞌyá xí ka̱maa̱ ku̱i̱ꞌíchjaá, ꞌyá xí ka̱maa̱ bo̱a̱ ka̱tso̱o̱ nga skjíbéjín.

Xo̱jo̱n Salmoo̱ 34:1

¡Ngatsjéni̱xtjin nga tsjàa̱ ndokꞌóchji̱ì Néná! ¡Ngatsjéni̱xtjin nga Néná sa̱ꞌíntsjaá ndso̱ꞌba án!

Xo̱jo̱n Salmoo̱ 34:2

¡Ngayejení ini̱ma̱na nga sa̱ꞌintsjáa̱ Néná, kó achichí tsjá ka̱maa̱ xota̱ xi ntꞌiéꞌeén nga ku̱i̱ntꞌiè!

Xo̱jo̱n Salmoo̱ 39:9

»Xikoó tsi kamáni̱ma̱, iskjíxꞌájín an ndso̱ꞌba án, ¡ngatꞌa̱ jí boá xi bo̱a̱ kase ji nga bo̱a̱ ka̱ma!

Xo̱jo̱n Salmoo̱ 49:17

ngatꞌa̱ ta̱jmìjín ni xi ko̱e̱je̱jo kjiꞌanga ko̱yà, kjo̱a̱cho̱o̱n kjo̱a̱ꞌajayajín ki̱a̱ nga̱tsjo̱ó.

Eklesiastee̱ 12:7

Ngindiee̱ nga chojo ka̱má nginí ji, xikoó ngasꞌe̱, kó a̱si̱énni̱xtjìi̱n Néná skjíbé nginí, ngatꞌa̱ kuí boá xi katsjá.

Eklesiastee̱ 5:14

Kó nga ngayeje kui to̱o̱n xi ka̱ma kju̱i̱e̱ tsi ndajín tsꞌén si̱ꞌanxájo̱, kósꞌe̱ kui xi cho̱n mára kamaá, nde ngiti̱ jmí ni kꞌuiéjiín xi ku̱i̱ꞌíjñaá ndií ngijee̱,

Eklesiastee̱ 5:15

kó nga fetꞌani xikótsꞌèn jmí ni yaꞌajín ngatꞌa̱ kjiꞌixtí nga katsen, bo̱a̱ tsꞌén ko̱e̱je̱ nginí ¡kó nde ngo ni xi achichí kjo̱a̱ni̱ma̱ kisꞌingii̱ nga katsꞌénxá ko̱e̱je̱jojín!

Eklesiastee̱ 5:19

Ti̱ bo̱a̱ ti̱ tsꞌén, ngayeje xota̱ xi Néná katsjaá kjo̱a̱cho̱n, ko̱jo nga tsie ni tjiín, ti̱ katsjaá nga ki̱a̱ skji̱ni̱e̱ ko̱jo nga ki̱a̱ kꞌuiní, nga skjíbé ni xi tsoboaá, kó tsjangatamaa̱ kjo̱a̱a̱ xaá, ngatꞌa̱ kui nii̱, ni xi ta̱ katsjáná Néná boá.

Kjo̱a̱chaꞌaá 3:38

A mí tsí nga tsꞌoa Néná boá nínga fotjo ngayeje ni xi ndaa̱ ko̱jo ni xi ndajiín nga.

Matioo̱ 20:15

A jmíjínna kjo̱a̱nda nga ta̱ ni xi mejénna sa̱ꞌìi̱n ni xi tjínna. Axa̱ a kjimaꞌonkon ji kjo̱a̱a̱ nga nda an xota̱.»

Ni xi kamá 4:28

tsi̱ꞌe̱ nga sa̱ꞌín ni xi ja̱bo̱a̱ je ikꞌínde ji, ko̱jo ja̱bo̱a̱ je bo̱a̱ kase nga bo̱a̱ ka̱ma.

Xota̱ Éfeso̱ 5:20

Ngatsjéni̱xtjin te̱ꞌéjnúu̱ ndokꞌóchjì Néná kjo̱a̱a̱ ngayeje nii̱, kui Néná xí Na̱ꞌmii̱, nga si̱ꞌankjiénjnú jaꞌeén Ndi̱a̱ná Jesukristoo̱.

1 Xota̱ Tesalónika̱ 5:18

Te̱ꞌéjnúu̱ ndokꞌóchjì Néná kjo̱a̱a̱ ngayeje nii̱, ngatꞌa̱ kuí nii̱ xi mejeén Néná nga ko̱e̱ꞌéjnú jún xi je sꞌijinjnú Kristo̱ Kjisoo̱.

1 Timoo̱ 6:7

ngatꞌa̱ nga jéꞌe̱ ñá kui nga̱sondiee̱, jmí ni kichꞌiájín ñá, kó jmí ni xꞌi̱a̱jín ñá nga kongín.

Xo̱jo̱o̱n Sandiyaá 1:17

Ngayeje ni xi ꞌniú nda xi boeꞌéná, kuí nii̱ xi ꞌniú nda, kó ndiꞌakꞌajmi jàn ndibánií, ki̱a̱ nínga tikón Néná xí Na̱ꞌmii̱ kui xi katsꞌénda ngayeje ndiꞌí xí tjiín, kui xi bosíkjoyajín yojoo̱, ti̱nde tsꞌéntíyàjín xikoó ngo tji̱nkꞌi̱én.

Xo̱jo̱o̱n Sandiyaá 5:11

Tsitsíjenjnúu̱ nga xota̱ xi ndyi̱foaꞌatio kjo̱a̱ni̱ma̱a̱, xikónií tsi xota̱ xi achichíra̱tsjaa̱ ꞌmíjne̱. Jún je kandaꞌyájnú kótsꞌèn kichikjoaá nda̱ xi ꞌmí Joo̱b ngayeje kjo̱a̱ni̱ma̱ xi jaꞌatio, kó jè kamáyàjnú kó katsꞌénjo̱ Ndi̱a̱ná nga fetꞌaa̱, ngatꞌa̱ Ndi̱a̱ná ni̱ma̱ máa ñá kó koyakjo̱a̱ná nga.

Na̱ Ruu̱t 1:21

Nga jatjo an na̱xi̱ńdáꞌniú Belee̱n, ngayeje nii̱ xi kisꞌiena, ta̱nga ngotꞌe̱ ꞌne̱, nga kjoéꞌe̱ꞌoya nginí an, ta̱ kjiꞌitiya tsi ndsa̱ an nga katsangiyana Néná. Ánní nga na̱ ixi ꞌmíjnúꞌun, xi Néná xí tjiín ngaꞌniuú kondra̱na tikón, kó achichí kjo̱a̱ni̱ma̱ tjítsꞌénkꞌátiona.»