Joo̱b 1:12 - Xo̱jo̱n eén Néná

¹² Kósꞌe̱ Néná, bi̱ katsoó Xindajiín: —Ndakjíꞌí tsobo̱a̱, ja̱ ta̱ ni xi mejeénri ti̱ꞌíi̱n ngayeje ni xi tjiín Joo̱b, ta̱nga ngata̱ jmí ni niꞌínje̱jín ji kui ki. Ngije bo̱a̱ kiꞌmií Xindajiín, jatjoxieni ngindyi̱ko̱n Néná.

Joo̱b 1:12 Iomraidhean Croise

Jenesii̱s 16:6

Kó Abra̱n, bi̱ katsoó na̱ Saraii̱: —Ngi̱ya ndse̱ jí tikón na̱ mosoo̱, jí xí ye ji mí ni xi si̱ꞌinje̱. Kósꞌe̱ na̱ Saraii̱ ndajín katsꞌénjo̱ na̱ Angaa̱r, kó ta̱sá tsanga na̱ Angaa̱r.

Joo̱b 1:11

Ta̱nga nga ja̱koxi̱ tsi ndajín si̱ꞌinje̱ ji, kó tsi chje̱ꞌéxíi̱n ngayeje ni xi tjiín, ¡ndé xchi̱e̱ ji nga chꞌo ka̱tso̱ tíkje̱n tíkje̱e̱n!

Joo̱b 1:13

Ngo ndi̱yà, tji̱e̱nga nga ndí xíꞌiín ko̱jo ndí ínchjiín Joo̱b ndyi̱tsꞌèn ngo sꞌué ki̱a̱ ndiꞌaa̱ nda̱ xi tjoón nga ndyi̱kjinie nichinie ko̱jo ndyi̱ꞌbi bino̱, jachó ndiꞌaa̱ Joo̱b ngo nda̱ xi jachójoo̱ ngo én, kó bi̱ katsoó: «¡Jí xingá Joo̱b, jáchéjé xi chji̱a̱ni nangi Sabaa̱ jachókjánjo̱jne̱, kó katsꞌénchejé cho̱o̱! Ki̱a̱ ndyi̱niꞌánxájo̱jne̱ cho̱yojo xi bokján tꞌanangii̱, tji̱e̱nga ndyi̱kjién bórroó ki̱a̱ nínga tiñaa̱ nga bo̱a̱ kamá.

Xo̱jo̱n Salmoo̱ 76:10

Jí boá xi tsꞌéntsjaà kjo̱a̱xcha̱án xota̱ nga̱sondiee̱, kó xikoó tsi ngo tji̱xinꞌbíkjá niꞌín ji kjo̱a̱xchán xí jmí ni chjíjiín xi ꞌbongii̱ xotaa̱.

Rkaa̱ 12:23

Ngatꞌa̱ kjo̱a̱mindyioo̱n chjí ngasenii̱ ta̱bo̱a̱jiín nichiniee̱, kó yojoná chjí ngasenii̱ ta̱bo̱a̱jiín ńjño xi chajaá.

Juaa̱ 19:11

Sꞌe̱ Kjisoo̱, bi̱ katsó: –Nde ngo xájiín tsi̱ꞌe̱ nga si̱ꞌinjéní, tsi Nénájín xi katsjaá kui xaá, kó kuíni nga kui nda̱ xi ngi̱ya ndse̱ katsꞌénkꞌasꞌienna, tsie ngase jé tjiín.

1 Xota̱ Korinto̱ 10:13

Ni xi kjimataꞌinjnú nga tjíchjatꞌayákónjnú, jmí tsi tsꞌatio ngase kjo̱a̱a̱ ni xi kjimataꞌin xotaa̱. Ka̱ma ka̱maꞌniátakónjnú Néná, kó tsja̱ndièjín nga ꞌniú ngase chjátꞌayákónjnú kjo̱a̱a̱ ni xi kjo̱chíkjo̱a̱jnú. Ta̱sá kjiꞌanga chjátꞌayákónjnú, Néná ko̱kójnú kótsꞌèn kjo̱tjongijnú yojojnú tsi̱ꞌe̱ nga xchíkjo̱a̱jnú ni xi ka̱majnú.

2 Xota̱ Korinto̱ 12:7

Kó tsi̱ꞌe̱ nga jejín kꞌo̱xié an yojona kjo̱a̱a̱ kui ni xi ꞌniú chjínií xi je akóna Néná, Néná je katsjána ngo kjo̱a̱ni̱ma̱ xi tsꞌénfoaꞌatio an, xikó maá tsi ngo ndaꞌyá sisꞌieén yojona. Ngo mosoo̱ xindajín Satanaa̱ tjítsꞌénkjaꞌationa kjo̱a̱ni̱ma̱, tsi̱ꞌe̱ nga jejín kꞌo̱xié an yojona,