Joo̱b 1:11 - Xo̱jo̱n eén Néná

¹¹ Ta̱nga nga ja̱koxi̱ tsi ndajín si̱ꞌinje̱ ji, kó tsi chje̱ꞌéxíi̱n ngayeje ni xi tjiín, ¡ndé xchi̱e̱ ji nga chꞌo ka̱tso̱ tíkje̱n tíkje̱e̱n!

Joo̱b 1:11 Iomraidhean Croise

Jenesii̱s 26:11

Kósꞌe̱ Abimelee̱k tsíchji̱a̱jo ngayeje xota̱ na̱xi̱ńdaá nga bi̱ katsoó: —Ta̱ꞌyaní xi sa̱ꞌínxtií kui nda̱a̱ ko̱jo chjo̱ón, chjiéngá ko̱yà.

Joo̱b 1:12

Kósꞌe̱ Néná, bi̱ katsoó Xindajiín: —Ndakjíꞌí tsobo̱a̱, ja̱ ta̱ ni xi mejeénri ti̱ꞌíi̱n ngayeje ni xi tjiín Joo̱b, ta̱nga ngata̱ jmí ni niꞌínje̱jín ji kui ki. Ngije bo̱a̱ kiꞌmií Xindajiín, jatjoxieni ngindyi̱ko̱n Néná.

Joo̱b 1:21

kósꞌe̱ bi̱ katsó: «Jmí ni yaꞌajín an nga jatjoni an ndo̱bo̱a̱ndií na̱anna, kó ti̱ jmí ni koaꞌajín an nga kjo̱tjoni an kui nga̱sondiee̱ nga, ¡Néná katsjána, kó Néná jaꞌáxínna! ¡Ngatamachikonñé jaꞌeén Néná!»

Joo̱b 1:5

Ngije kamá nga ngo nga ngo kui sꞌué xí katsꞌén, Joo̱b katsangiyakjaꞌá ndií, kó tsíꞌaá Néná tsi̱ꞌe̱ nga sa̱ꞌínjetakoón ta̱jmì jéní xi katsꞌén kui jaá. Joo̱b achichí ta̱jñó fostjíe̱n nga tsꞌenkꞌásꞌieén Néná ngo kjo̱a̱tjó nga ítií cho̱ kjo̱a̱a̱ nga ngo nga ngo ndií. Joo̱b katsꞌén kui nii̱ ngatꞌa̱ katsꞌénkjó nga tsi ta̱ katsꞌénjé jaá nga chꞌo katsoó Néná, ko̱jo tsi chꞌo tsꞌén íjin ngi̱jin ini̱ma̱a̱. Kamángá maá Joo̱b nga kui nii̱ katsꞌén ndyiojón ndyiojón.

Joo̱b 19:21

»Jún já Amingo̱, ¡ngatamani̱ma̱jnú án! Ngatꞌa̱ Néná boá xi katsꞌénkjiénakjo̱a̱.

Joo̱b 2:3

Kósꞌe̱ Néná, bi̱ tsꞌén asíyaá: —Kótsꞌèn niꞌínkjé jí kjo̱a̱a̱ Joo̱b, moso̱ xi tsꞌénxátꞌana xi achichí ꞌniáko̱n an. Jmíjín ingo nda̱ ngayeje kui nga̱sondiee̱ xi bo̱a̱ tsꞌén ndaxota̱ ko̱jo xi kixi̱ xikoó Joo̱b. Ngatsjéni̱xtjin nga ntꞌiéꞌénna, kó chiíjín tsꞌén ni xi ndajín, ndatsi je bo̱a̱ kasení nga ndajín sa̱ꞌinjo̱ an, kó ndatsi jmí kjo̱a̱jínna nga bo̱a̱ sa̱ꞌinjo̱ an.

Joo̱b 2:5

Ndé xchi̱e̱ ji nga tsi ndajín si̱ꞌinje̱ ji, ¡chꞌo ka̱tso̱ tíkje̱n tíkje̱e̱n! Kósꞌe̱ Néná, bi̱ katsoó Xindajiín:

Joo̱b 2:6

—Ndakjíꞌí tsobo̱a̱, ja̱ ta̱ ni xi mejeénri ti̱ꞌinje̱ ji, ta̱nga ngata̱ niꞌínkꞌínjín ji.

Joo̱b 2:7

Kósꞌe̱ Xindajiín tsangaboaꞌá ngindyi̱ko̱n Néná, kó katsꞌénꞌoón Joo̱b nga íkitsie maá ṉdoꞌon ngayeje yojoo̱, ndeskande ngi̱ya se, ngaskande nga̱tsjà to̱ko̱.

Joo̱b 2:9

Kó chjo̱ón Joo̱b, bi̱ kijítsoó: —Míkjo̱a̱a̱ nga to̱kó tiboke ji nga nda ji xota̱. ¡Ta̱sá chꞌo tꞌíi̱n Néná, sꞌe̱ ngataye ji ngijee̱!

Joo̱b 4:5

Ta̱nga ngotꞌe̱ ꞌne̱ nga ji xi tibitjatí ji kjo̱a̱ni̱ma̱, chikjo̱a̱jiín, kó je tiniꞌínkjié ji kjo̱a̱.

Xo̱jo̱n Salmoo̱ 105:15

«Ngata̱ niꞌánjo̱jínjnú na̱xi̱ńdá xí án jaꞌajin an, ngata̱ jmí ni xi ndajín niꞌánjo̱jínjnú xota̱ chji̱ni̱e̱ꞌénna».

Ni xi akakoo̱ 12:10

Kó tsintꞌie an ngo nda̱ xi ꞌniú tsíchji̱a̱ ndiꞌakꞌajmii̱ xi bi̱ katsó: –Jè jeꞌe kjo̱a̱ꞌnaxiéꞌaá, ko̱jo ngaꞌniuú, ko̱jo kjo̱a̱botíxomaa̱ Néná, ko̱jo xaá Kristoo̱, ngatꞌa̱ jè ikiyotji̱ngii̱ kui xi tsꞌénbongítaꞌin ntsꞌié, kui xi nga ni̱xtjin ko̱jo nga ni̱xtji̱e̱n nga yíngítaꞌin ngindyi̱ko̱n Néná.

Ni xi akakoo̱ 16:11

ta̱nga nde bo̱a̱ tsꞌén katsꞌénkꞌoyájín yojoo̱ nga katsꞌén ni xi ndajín, ta̱sá má ta̱ngatꞌanii̱ nga on kamaá, ko̱jo kjo̱a̱a̱ kui ṉdo xi tsajaá nga chꞌo katsoó kui Néná xí tsi̱ꞌe̱ ndiꞌakꞌajmii̱.

Ni xi akakoo̱ 16:21

Kó ndiꞌakꞌajmi jàn kjindibáni nga ixó nga̱soón xotaa̱ ndókoá xi tsꞌatio yichán kilo̱ eé, kó xotaa̱ chꞌo katsoó Néná kjo̱a̱a̱ kui kjo̱a̱ni̱ma̱ xi̱ꞌbi̱, ngatꞌa̱ ta̱nisién ꞌniú je kui kjo̱a̱ni̱ma̱ xi kamaá.

Ni xi akakoo̱ 16:9

Kó ngayeje xotaa̱ nga katsꞌénchjaán sibeé tsꞌueé, ta̱nga kui xotaa̱, ti̱ kuí xí katsꞌénkꞌoyájín yojoo̱, ti̱nde katsjájiín kjo̱a̱je Néná, ta̱sá chꞌo katsoó jaꞌeén kui Néná xí tjiín ngaꞌniuú kjo̱a̱a̱ kui kjo̱a̱ni̱ma̱a̱.