Joo̱b 1:10 - Xo̱jo̱n eén Néná

¹⁰ Ngatsjéni̱xtjin nga ji tichìi̱n kui ko̱jo xota̱ ndiꞌaa̱, ko̱jo ngayeje ni xi tjiín, kó niꞌínchikonñí ji xá xí tsꞌén. ¡Cho̱yojoo̱ ko̱jo cho̱tsa̱nga̱a̱ je tjikítsieni ngayeje kui nangii̱!

Joo̱b 1:10 Iomraidhean Croise

Jenesii̱s 15:1

Ngije kamá kui nii̱, Néná jatjokjaà Abra̱n nga akoó ngo ni, kó bi̱ katsoó: —Abra̱n, ngata̱ ndakinjín má ji, ngatꞌa̱ án boá xi tsꞌénkoón ji. Achichí tsie kjo̱a̱cho̱n xi sꞌe̱ tsjaa.

Jenesii̱s 26:12

Ti̱ kuii̱ nó, Néná katsjaá Isaa̱ nga tsie ni tjié kamáxchaá, kó úchán bo̱a̱ kjiꞌi ngase ni xi ítji̱e̱ kui tꞌanangii̱ xi jaꞌátikó.

Jenesii̱s 30:30

Ngindiee̱ nga kjoéꞌe̱ an chiboa tsí kamá cho̱ xi kisꞌiee̱ ji, kó ngotꞌe̱ ꞌne̱ achichí jè cho̱n ji, ngatꞌa̱ ndeskande koó nga jéꞌe̱ an Néná tjítsꞌénchíkonñé ngayeje ni xi niꞌín ji, ta̱nga ti̱ chjiéngá sa̱ꞌinxá an nganda tsi̱ꞌe̱ ndína ko̱jo tsi̱ꞌe̱ ínchjínna nga.

Jenesii̱s 30:43

Kó bo̱a̱ tsꞌén nga achichí kamácho̱n Jakoo̱b, kó kisꞌiee̱ kjín cho̱tsa̱nga̱, ko̱jo já moso̱, ko̱jo ínchjín moso̱ ko̱jo cho̱toꞌoyitsꞌe̱n, ko̱jo bórró.

Jenesii̱s 49:25

¡Ndokꞌóchji̱ì kui Néná xí tsi̱ꞌe̱ na̱ꞌmíi̱, kui xi tsꞌénbosikójoo ji! ¡Ndokꞌóchji̱ì kui Néná xi ngayeje nii̱ xi maa̱, ko̱jo kui xi ngatsjéni̱xtjin tjítsꞌénchíkonñeé ji! ¡Kó tsꞌéntsjaá kjo̱a̱niꞌánchikonñeé ndiꞌakꞌajmi xi tikón nkꞌa jàn! ¡Kó tsꞌéntsjaá kjo̱a̱niꞌánchikonñeé nínga ꞌniú na̱nga̱a̱ ndáchíkoón! ¡Kó tsꞌéntsjaá kjo̱a̱niꞌánchikonñeé na̱an xi tjiín ndí ko̱jo xi ndyi̱tsꞌènkí ndií!

Joo̱b 29:2

«¡Achichí mejénna nga bo̱a̱ tsꞌén kotíjña̱ ngiñá an, xikoó sá xí je ikitjá, kjiꞌanga kuí má Néná xi askonna!

Joo̱b 29:6

ngatsjéni̱xtjin kisꞌiejne̱ ntsjén xí kiꞌyójne̱ ki̱a̱ nga̱són yámíxa̱jne̱, kó ti̱ kisꞌiejne̱ tsie isti̱ xi kiniꞌánkjiénjne̱,

Joo̱b 31:25

Jmíni̱xtjin nga tsja kamána kjo̱a̱a̱ nga kamátsié ngase kjo̱a̱cho̱nna, ko̱jo nga ta̱ngatꞌanii̱ xána nga bo̱a̱ kamá.

Joo̱b 42:12

Kó Néná katsꞌénchikonñé ni xi jaskan kamaá Joo̱b, ta̱bo̱a̱jiín xikótsꞌèn kisꞌijña nga tjón tjón. Ngatꞌa̱ bi̱ kjiꞌi ni xi kisꞌiee̱: tienijón mi̱ cho̱tsa̱nga̱, ko̱jo jun mi̱ cho̱toꞌoyitsꞌe̱n, ko̱jo jó mi̱ cho̱yojo xi bokján tꞌanangi, ko̱jo ngo mi̱ bórró ínchjín,

Xo̱jo̱n Salmoo̱ 107:38

Néná katsꞌénchikonñé, kó achichí kamá ndií, kó cho̱ tji̱e̱é achichí kamákjín nga.

Xo̱jo̱n Salmoo̱ 34:7

Ndítsjiee̱ Néná boá xi konda nga ngo foaꞌatjiyajoo̱n xota̱ xi bendikón Néná, kó ꞌboxiéꞌá, tsi̱ꞌe̱ nga jmí ni ka̱májiín.

Xo̱jo̱n Salmoo̱ 5:12

Ji Ne, jí boá xi niꞌínchikonñí xota̱ xi kixi̱i̱, kó kjo̱a̱nda xi tjiín ji foaꞌatjiyajoo̱n kui, xikoó ngo ni xi ꞌbíchjaá ni xi ndajín.

Xo̱jo̱n Salmoo̱ 71:21

Tsie ngase kjo̱a̱yandikón ko̱e̱ꞌéní, kó si̱ꞌíndajìn nginíní.

Xo̱jo̱n Salmoo̱ 80:12

Ji Ne, ánní nga kiniꞌínkixóndé jí xó xí tjíchjáꞌyáni, nga ngayeje xota̱ xi foaꞌaa̱ ꞌboje̱n too̱ kui tostsi̱jèe̱.

Xo̱jo̱n Salmoo̱ 90:17

Kó kuí kjo̱a̱tsjakjiꞌi xi tikoón Ndi̱a̱ná, kui xi Néná, kui nii̱ xi ngatjandibániéná, tꞌíyé ji nga bo̱a̱ kjiꞌi xá xí je katsꞌén ndsa̱jne̱. ¡Jo̱o̱n Ne, kui xá xí je katsꞌén ndsa̱jne̱, tꞌíyé ji nga bo̱a̱ kjiꞌi kui nii̱!

Énkjínkón 10:22

Kjo̱a̱niꞌánchikonñeé Néná, kjo̱a̱cho̱n boá, kó jmí kjo̱a̱ndasenjiín.

Ndeuteronomio̱ 33:11

»Míꞌáa̱ Néná nga sa̱ꞌínchikonñéjnú, kó nga tsja ka̱maa̱ nga skjíbé ni xi niꞌánjnú kjo̱a̱a̱ kui, Kó ti̱ míꞌáa̱ tsi̱ꞌe̱ nga sa̱ꞌínkjié ngayeje kondra̱jnú, tsi̱ꞌe̱ nga nginijánjín kjo̱stjíe̱n kondra̱ tsa̱jún».

Ndeuteronomio̱ 33:27

Néná kuí boá Ne xi tikón ngatsjéni̱xtjii̱n, kó ngatsjéni̱xtjin nga skónjnú, kuí boá xi sa̱ꞌín nga ko̱nga kondra̱jnú, tsi̱ꞌe̱ nga si̱ꞌankjiejnú.

Ndeuteronomio̱ 7:13

Tsi ko̱nda̱ꞌyáꞌénjnú, Néná sa̱ꞌínchikonñéjnú, ko̱jo sa̱ꞌíntjójnú, kó ngo na̱xi̱ńdá xí ꞌniú je sa̱ꞌínjnú. Néná achichí tsjatsꞌèn sa̱ꞌínkꞌíndo ndí xí kꞌuiéjnú, kó tsie to ndso̱ko̱a̱n ṉño̱pan, ko̱jo tsie bino̱, ko̱jo tsie isti̱ tsja̱á. Kó kjín cho̱ tjié kꞌuieé nga kꞌuíndo ki̱a̱ tꞌanangi xi katsóyàtjoón xota̱ xi xcháná nga tsja̱á.

1 Xo̱jo̱o̱n Peé 1:5

Ngaꞌniuú tjítsꞌénkjién nga tsꞌénkoón jún, ta̱ngatꞌanii̱ nga sꞌijinjnú, tsi̱ꞌe̱ nga Néná kꞌo̱xiéꞌá kjin kjin xota̱ xi tsi̱ꞌe̱ xikótsꞌèn je tikónndaa̱ ni̱xtjin xi kjifetꞌaa̱.