Joo̱b 1:1 - Xo̱jo̱n eén Néná

¹ Ki̱a̱ nangi Uu̱ kisꞌijña ngo nda̱ xi kiꞌmí Joo̱b xi achichí ndaxota̱ ko̱jo kixi̱ kamá. Ngatsjéni̱xtjin nga kamábendikón Néná, kó chiíjín katsꞌén ni xi ndajín.

Joo̱b 1:1 Iomraidhean Croise

Jenesii̱s 17:1

Kjiꞌanga kamá ichítié ko̱jo yichán nijan noó Abra̱n, Néná jatjokjaà, kó bi̱ katsoó: «Án boá kui Ne xi tsi̱ꞌe̱ ngayeje ngaꞌniuú, ndaꞌyéꞌínní ngatsjéni̱xtjin kó kixi̱ ti̱ńtje̱ ji.

Jenesii̱s 22:12

Kó bi̱ katsó ngase kui ndítsjie xi Néná: «Ngata̱ jmí ni niꞌínje̱jín ji kui ndií, jè be an nga ndaꞌyéꞌínní, ngatꞌa̱ ndasénjín kamaá nga ndí ngototóo̱ xi si̱ꞌinkꞌasꞌínní jí ngo kjo̱a̱tjó».

Jenesii̱s 42:18

Kó xi ma ján ni̱xtjin Kosiee̱ bi̱ katsoó: «Tsakjón án Néná. Tsi ja̱koxi̱ nga xota̱ xi ndajnú ko̱jo tsi mejénjnú ku̱i̱ndyionra ngasejnú nga̱sondie, bi̱ ti̱ꞌánjnú: te̱ꞌéndièjnú nga ngo ntsꞌiejnú xi ngatꞌíjñára ndo̱bo̱a̱yà, kó xi ngasee̱ ngatjíjoo̱ to ndso̱ko̱a̱n ṉño̱pan xota̱ xi síndo ndiꞌajnú, ngatꞌa̱ achichíra̱ je bojoó, ta̱nga ndibájo̱jnú ntsꞌiejnú xi kjindií, kó bo̱a̱ tsí tsꞌén skuié an tsi ja̱koxi̱ ni xi ndyi̱ꞌmìjnú.» Kó já ntsꞌi̱e̱ Kosiee̱ jo̱ꞌo katsó ni xi kiꞌmií,

Jenesii̱s 6:9

Noee̱ ngatsjéni̱xtjin nga tsintꞌiéꞌeén Néná. Ngi̱jii̱n ngayeje xota̱ xi kisꞌie kui ni̱xtjin jàn, kisꞌiejín ingo xota̱ xi bo̱a̱ tsꞌén nda ko̱jo xi kixi̱ kamá xikoó Noee̱.

Joo̱b 1:8

—Kótsꞌèn niꞌínkjé jí kjo̱a̱a̱ Joo̱b, nda̱ xi tsꞌénxátꞌana xi achichí ꞌniáko̱n an. Jmíjín ingo nda̱ ngayeje kui nga̱sondiee̱ xi bo̱a̱ tsꞌén ndaxota̱ ko̱jo xi kixi̱ xikoó Joo̱b. Ngatsjéni̱xtjin nga ntꞌiéꞌénna, kó chiíjín tsꞌén ni xi ndajín.

Joo̱b 2:3

Kósꞌe̱ Néná, bi̱ tsꞌén asíyaá: —Kótsꞌèn niꞌínkjé jí kjo̱a̱a̱ Joo̱b, moso̱ xi tsꞌénxátꞌana xi achichí ꞌniáko̱n an. Jmíjín ingo nda̱ ngayeje kui nga̱sondiee̱ xi bo̱a̱ tsꞌén ndaxota̱ ko̱jo xi kixi̱ xikoó Joo̱b. Ngatsjéni̱xtjin nga ntꞌiéꞌénna, kó chiíjín tsꞌén ni xi ndajín, ndatsi je bo̱a̱ kasení nga ndajín sa̱ꞌinjo̱ an, kó ndatsi jmí kjo̱a̱jínna nga bo̱a̱ sa̱ꞌinjo̱ an.

Joo̱b 28:28

Kósꞌe̱ bi̱ katsoó ngayeje xota̱ nga̱sondiee̱: “tsi xcha̱ndikónjnú Ndi̱a̱a̱, kó tsi ku̱i̱ta̱xínboaꞌájnúu̱ ni xi ndajiín ja̱ jè kasakojnú kjo̱a̱kjínkoón”».

Joo̱b 4:6

Ji xi achichí kixi̱ tsꞌén tiniꞌínxétꞌée̱ Néná, kó nga ta̱soboá ni xi nda tjítsꞌen an, kase ji, kó míkjo̱a̱a̱ nga kjimaꞌnítakínjín ji Néná ngotꞌe̱ ꞌne̱.

Joo̱b 9:21

»Jmí jéjínna, ta̱nga jmí ndasénjín kui nii̱, ngatꞌa̱ jè ngiti̱ tjójínna yojona.

Éksondo̱ 18:21

»Tsi̱ꞌe̱ nga ka̱maa̱ si̱ꞌin ji ngayeje kui nii̱, chje̱ꞌéjin ji jáxíꞌín ngi̱jii̱n xota̱ Israee̱l xi ka̱maa̱ ko̱síko̱joo̱. Ti̱ndyi̱sé ji xota̱ xi ka̱maa̱ sa̱ꞌín ngo xá, xi ntꞌiéꞌeén Néná, xi ndisojín, ko̱jo xi xke̱éto̱njín tsi̱ꞌe̱ nga kjo̱a̱ndaa̱ ngo xota̱ ko̱e̱je̱. Te̱ꞌée̱ xá nga ngito̱ko̱ ngatama, tjín xí nga tsꞌenseén ngo mi̱ xota̱, kje̱ꞌe xí nga tsꞌenseén úchán xota̱, kje̱ꞌe xí ichítié, kó kje̱ꞌe xí tie xota̱ nga tsꞌenseén nga ngo nga ngo.

Énkjínkón 14:16

Xota̱ xi kjínkoón tsakjón má ni xi ndajiín, kó ꞌbijñámasien, ta̱nga xota̱ xi kitikjo̱a̱a̱ nkꞌa ꞌboxié yojoo̱, kó jmí ni ndasénjiín.

Énkjínkón 14:2

Xota̱ xi kixi̱ tjimaá, bendikón Néná, ta̱nga xi ndajín ndi̱yà xí tjimaá, tsꞌenchꞌó.

Énkjínkón 16:17

Xota̱ xi kixi̱i̱, ꞌbijñámasien ni xi ndajiín, kó xi koo̱n ni xi tsꞌén, kjo̱a̱mindyioo̱n boá xi tsꞌénkoón.

Énkjínkón 16:6

Kjo̱a̱ni̱ma̱takón ko̱jo kjo̱a̱kixi̱ boá xi niꞌánjetakónni ngo jé, kó kjiꞌanga yandikón Néná, kuí nii̱ xi tsꞌén nga niꞌánkjìi̱n yojoná ni xi ndajiín.

Énkjínkón 20:7

Xota̱ xi kixi̱i̱, tsjie tsꞌén síndo, kó achichíra̱tsjaa̱ ndí xi ki̱a̱ ndyi̱fítji̱ngii̱ ni xi tsꞌén.

Énkjínkón 3:7

Ngata̱ nkꞌakonjín ꞌnaxié ji yojòo̱ kjo̱a̱a̱ nga kjínkón ji, che̱ndikín jí Néná, kó tji̱taxíntꞌée̱ ni xi ndajiín,

Énkjínkón 8:13

Xota̱ xi bendikón Néná, chꞌórií ni xi ndajín. An chꞌóna kjo̱a̱nkꞌakoo̱n ko̱jo nga je ꞌnaxié yojoná, ko̱jo ndi̱yà xí ndajiín, ko̱jo én xí chꞌo aa̱.

Kjo̱a̱chaꞌaá 4:21

¡Tsjangatamaa̱, kó tsjangatꞌieé, ji ndí chjo̱ón Endoo̱n, ji xi tindyin ji ki̱a̱ nangii̱ Uu̱! Ti̱ sꞌe̱ kjo̱chó ni̱xtjin nga ku̱i̱tja̱tí ji kjo̱a̱ni̱ma̱ nga, ti̱ sꞌe̱ kjo̱chó ni̱xtjin nga ka̱machꞌi̱ ji, ko̱jo ti̱ sꞌe̱ kjo̱chó ni̱xtjin nga tsjáxtí ji nga.

Rkaa̱ 1:6

Nga joó nga kixi̱ kisꞌiṉtso̱ma ngindyi̱ko̱n Néná, kó jmíjín xi chꞌo tsꞌén tsíchji̱a̱taꞌin, ngatꞌa̱ katsꞌénkjatjosón kjo̱a̱botíxomaa̱ ko̱jo kjo̱a̱kitii̱ Néná.

Xo̱jo̱o̱n Sandiyaá 5:11

Tsitsíjenjnúu̱ nga xota̱ xi ndyi̱foaꞌatio kjo̱a̱ni̱ma̱a̱, xikónií tsi xota̱ xi achichíra̱tsjaa̱ ꞌmíjne̱. Jún je kandaꞌyájnú kótsꞌèn kichikjoaá nda̱ xi ꞌmí Joo̱b ngayeje kjo̱a̱ni̱ma̱ xi jaꞌatio, kó jè kamáyàjnú kó katsꞌénjo̱ Ndi̱a̱ná nga fetꞌaa̱, ngatꞌa̱ Ndi̱a̱ná ni̱ma̱ máa ñá kó koyakjo̱a̱ná nga.

1 Xo̱jo̱o̱n Peé 3:11

Ngatangaa̱ ni xi ndajiín, kó ni xi ndaa̱ xi nga tsꞌén, ngatangase kjo̱a̱xioó, kó kui nii̱ xi ngatjítji̱ngi.