Jenesii̱s 9:21 - Xo̱jo̱n eén Néná

²¹ Ngo ndi̱yà katsꞌe binoo̱ tostsi̱jè xí ítji̱e̱, sꞌe̱ kamáchꞌi̱, kó kisꞌie kjiꞌixtí ngi̱yaa̱ ndiꞌa xi tji̱xi̱ín cho̱ kiniꞌándanii̱.

Jenesii̱s 9:21 Iomraidhean Croise

Jenesii̱s 6:9

Noee̱ ngatsjéni̱xtjin nga tsintꞌiéꞌeén Néná. Ngi̱jii̱n ngayeje xota̱ xi kisꞌie kui ni̱xtjin jàn, kisꞌiejín ingo xota̱ xi bo̱a̱ tsꞌén nda ko̱jo xi kixi̱ kamá xikoó Noee̱.

Jenesii̱s 9:20

Noee̱ xá jno̱ katsꞌén, kó kuí boá xi ítsꞌi̱yanii̱ nga ítji̱e̱ tostsi̱jè.

Énkjínkón 20:1

Binoo̱ ko̱jo xaán kjo̱a̱xti ꞌboxiéná, kó ta̱ꞌyaní xi ta̱ngatꞌanii̱ kui nii̱ nga ndajín sa̱ꞌín, jmí tsi xota̱ xi kjínkón xi bo̱a̱ sa̱ꞌiín.

Eklesiastee̱ 7:20

Ta̱nga nga ja̱koxi̱, jmíjín kui nga̱sondiee̱ ngo xota̱ xi kixi̱, xi sa̱ꞌín ni xi ndaa̱, ko̱jo xi jmíni̱xtjin sa̱ꞌínjé.

Xota̱ Roma̱ 13:13

Kixi̱ ku̱i̱ṉtsomá, xikoó tsi nga ni̱xtjin timá, jmí tsi ta̱ kui xá ku̱i̱ndyión ñá nga xi̱ni̱e̱ nga sꞌi̱o̱, jmí tsi si̱ꞌanchꞌi̱ yojoná, jmí tsi chꞌo si̱ꞌáa̱n yojo ndikónná, jmí tsi kjo̱a̱tondo̱ si̱ꞌán, jmí tsi kjo̱a̱xchán ko̱ꞌna̱xié, ko̱jo jmí tsi kjo̱a̱ꞌontakón kꞌuiéná.

1 Xota̱ Korinto̱ 10:12

Kó kuíni nga, kui xota̱ xi ndyi̱tsꞌènkjó nga ꞌniú síndo kjimaa̱ yojoo̱ ngi̱yaa̱ ni xi tsi̱ꞌe̱ Néná, nga koo̱n yojoo̱ tsi̱ꞌe̱ nga kꞌo̱kajín.

Xota̱ Ngalasia̱ 5:21

ko̱jo xi tjiín kjo̱a̱ꞌontakón, ko̱jo xi ndyi̱tsꞌènkꞌién ini̱ma̱, ko̱jo xi tjimáchꞌi̱, ko̱jo xi chꞌo tsꞌén ndyi̱tsꞌèntsjàjo̱ xtín xkjín. Ngayeje ni xi̱ꞌbi̱ ko̱jo ni xi xikoó kui ni xi̱ꞌbi̱, tsꞌenkjaꞌátsjienjnúꞌun, xikó je kixianjnúꞌun ngasꞌe̱, nga kui xota̱ xi ndyi̱tsꞌèn kuí nii̱, sa̱kójiín nga Néná xí ko̱tíxomaa̱.

Titoo̱ 2:2

Bo̱a̱ tꞌíi̱n xota̱ xi xchaá nga nda sa̱ꞌínkjó, ko̱jo nga xcha̱ndikón, ko̱jo nga nda sa̱ꞌínkjiín kon ni xi sa̱ꞌín, ko̱jo nga nda tsꞌén kꞌuíndojo̱ kjo̱a̱sꞌijii̱n, ko̱jo nga kꞌuieé kjo̱a̱tjó, ko̱jo nga kꞌuieé ngaꞌniú tsi̱ꞌe̱ nga sa̱ꞌínchíkjo̱a̱ ngayeje kjo̱a̱ni̱ma̱.

Ni xi akakoo̱ 3:18

Kuíni nga bo̱a̱ tꞌíxiaán nga an tsꞌi̱tsiéní to̱nsinié xi je kiniꞌánchoo̱n ngi̱jin ndiꞌií, tsi̱ꞌe̱ nga ja̱koxi̱ nga cho̱n ka̱ma ji, kó an tsꞌi̱tsiéní ńjño tiboa xi xchi̱e̱je, kó kjoꞌmá kjo̱a̱soboáa̱ nga titsjaxtí, ko̱jo ndiki kolirio̱ tindyiée̱ ndyikin tsi̱ꞌe̱ nga ka̱matsijeen.