Jenesii̱s 9:2 - Xo̱jo̱n eén Néná

² Ngi̱ya ndsa̱jnú tjítsꞌenkꞌasꞌien an tsi̱ꞌe̱ nga ko̱ti̱xomájnúu̱ ngayeje cho̱ xi tjín tꞌanangii̱, ko̱jo ngayeje ni̱sie xi tjín nkꞌa jàn, ko̱jo ngayeje cho̱ xi ꞌbifé yojoo̱, ko̱jo ngayeje cho̱ xi tjín ngi̱jin ndáchíkoón. Ngindyikónjnú kjo̱tsièndíkón má ngayeje kui cho̱o̱.

Jenesii̱s 9:2 Iomraidhean Croise

Jenesii̱s 1:21

Kó bo̱a̱ tsꞌén katsꞌénda Néná cho̱ xi yiꞌi ngi̱jin ndáchíkoón. Ko̱jo ngayeje to̱ko̱ya cho̱ xi síndo xi tsꞌéntíyà, kui xi kamáxchá ngi̱jin ndáfoaa̱, ko̱jo ngayeje cho̱ xi fítji̱e̱n nkꞌa jàn. Kó nga kamábe Néná nga tsjakon kamá kui nii̱,

Jenesii̱s 1:26

Kó nga kamábe Néná nga tsjakon kamá kui nii̱, bi̱ katsó: «Si̱ꞌanda xotaa̱ ꞌne̱, xikó má kjiꞌi a̱si̱énná, ko̱jo xikó má kón ñá, bo̱a̱ má tsꞌén si̱ꞌanda. Kó kuí ngatatixómaá cho̱ xi tjín ngi̱jin ndáchíkoón, ko̱jo ni̱sie xi tjín nkꞌa jàn, ko̱jo ngayeje cho̱ xi tjín tꞌanangii̱, ko̱jo ngayeje cho̱ xi ꞌbifé yojoo̱, ko̱jo ngayeje ndí cho̱ xi ꞌniú xi̱xi̱i̱».

Jenesii̱s 1:28

Kó Néná bi̱ katsoó nga katsꞌénchikonñé: «Mejénna nga kꞌuiéjnú ndí, kó ngatamakjínjnú, mejénna nga jún xi kꞌuikítsienijnú nga̱sondiee̱, kó ni̱ꞌantꞌiéjnú ko̱jo tatíxomájnúu̱ cho̱ xi tjín ngi̱jin ndáchíkoón, ni̱sie xi tjín nkꞌa jàn, ko̱jo ngayeje cho̱ xi síndo, ko̱jo ngayeje cho̱ xi ꞌbifé yojoo̱ nga̱són tꞌanangii̱».

Jenesii̱s 2:19

Néná katsꞌénda ngayeje cho̱ xi tjín ngi̱jin kꞌijñaá, ko̱jo ngayeje ni̱sie xi ꞌbímatji̱e̱n nkꞌa jàn, kó ki̱a̱ kijíjoo̱ kui nda̱a̱ tsi̱ꞌe̱ nga ku̱i̱ꞌítꞌajaꞌén, kó Andaa̱n ítꞌajaꞌén ngayeje kui cho̱o̱. Ta̱nga nde ngojín xi kasakoo̱ xi ka̱maa̱ nga nda ko̱síko̱jo nga nijan ka̱ma.

Jenesii̱s 35:5

Kó ngije jatjo kui ngi̱ndiee̱, Néná katsꞌén nga ngayeje xota̱ na̱xi̱ńdá xí síndo nínga tiñaa̱ nga achichí katsakjónní kui jaá, kó jmíjín xi kijíngátji̱ngii̱ ndií Jakoo̱b.

Jenesii̱s 9:1

Néná katsꞌénchikonñé Noee̱ ko̱jo ndií, kó bi̱ katsoó: «Mejénna nga kꞌuiéjnú kjín ndí, kó xota̱ tji̱e̱jnú xi ngasꞌikitsieni tꞌanangii̱.

Jenesii̱s 9:3

An tjítsꞌenkꞌasꞌiénjnúꞌun ngayeje cho̱ ko̱jo ngayeje xka̱ xi ma chinie tsi̱ꞌe̱ nga xi̱ni̱e̱jnú.

Joo̱b 39:11

A ka̱má ka̱maꞌniátakón ji ngaꞌniú xí tjiín, ko̱jo nga kui sa̱ꞌín ngayeje xá xí niꞌín ji.

Lebitiko̱ 26:22

Tsjandiè an nga cho̱ xi tamaá skji̱ni̱e̱jnú, ko̱jo nga skji̱ni̱e̱ ndíjnú nga, ko̱jo cho̱yojojnú. Xota̱ xi kꞌuíndo ngasee̱ jè ta̱ chiboa tsí ka̱ma, nga ngaskande ndi̱ya̱à sꞌi̱tiya.

Lebitiko̱ 26:6

»Án boá xi sa̱ꞌin an nga xió ko̱jo nga nda tsꞌén ku̱i̱ndyionjnú. Chjiénjín nga ko̱nda̱konjnú cho̱ xi tamaá, ti̱nde ngata̱ ndakonjínmájnú kondra̱jnú, ngatꞌa̱ nde niꞌínjín ka̱majnú nga si̱ꞌánjnúu̱: Ta̱ ún tsí jún xi ka̱manii̱ nga ko̱ngandikónjnú úchán xota̱, kó ta̱ úchán tsi jún xi ka̱manii̱ nga ko̱ngandikónjnú tie mi̱ xota̱.

Xo̱jo̱o̱n Sandiyaá 3:7

Xotaa̱ ka̱márií sa̱ꞌínńtꞌíé ngayeje to̱ko̱ya cho̱ tamá, ko̱jo ni̱sie, ko̱jo ye̱, ko̱jo cho̱o̱ ndáchíkoón, kó jè kamaá katsꞌénntꞌíé,