Jenesii̱s 8:1 - Xo̱jo̱n eén Néná

¹ Ti̱chaa̱n jachó ni̱xtjin nga Néná katsꞌénkjó ni xi índajo̱ Noee̱, ko̱jo ngayeje cho̱ xi ma ꞌbítji̱e̱e̱, ko̱jo cho̱ kꞌijñá xi nijan síndojo̱ ngi̱ya tjotso xi ta̱nisién ꞌniú jee̱, kuíni nga Néná katsꞌénkjaꞌa ngo tjo̱ꞌniú, kósꞌe̱ jaꞌajen ndáfoaa̱.

Jenesii̱s 8:1 Iomraidhean Croise

Jenesii̱s 19:29

Bo̱a̱ tsꞌén Néná katsꞌénkjié kui na̱xi̱ńdá xi kisꞌińdo kui nangi soón, ta̱nga Néná jaꞌátsjiee̱n Abraa̱n kó tsꞌaxiéꞌá Loo̱t nga kiniꞌánkjié kui na̱xi̱ńdaá.

Jenesii̱s 30:22

Kó Néná kamáni̱ma̱a̱ na̱ Rakee̱l, kó tsintꞌieé nga tsíchji̱a̱a̱, kó katsjaá ngi̱ndie nga tsaꞌa ndí,

Jenesii̱s 9:10

ko̱jo ngayeje cho̱ xi tjiín tsja̱nga̱, ko̱jo cho̱ xi ma ꞌbítji̱e̱, ko̱jo cho̱ xi tamá xi tjín tꞌanangii̱ kui xi kisꞌińdojo̱jnú ngi̱ya tjotso xi ta̱nisién ꞌniú jee̱.

Joo̱b 12:15

Tsi mejénjiín sa̱ꞌínkaꞌa stseé, ngayeje kꞌijñaá nga xí, ta̱nga tsi mejeén nga ko̱a̱ꞌa, ngayeje tꞌanangii̱ nga sꞌingandá.

Joo̱b 14:13

»Achichíra̱ ndakjiꞌi tsi kꞌuijñíꞌmí ngotjónní ki̱a̱ nga̱tsjo̱ó, ngaskande nga xi̱xió kjo̱a̱xcháa̱n, tsi kꞌuijñí ji ngo ni̱xtjin nga kjo̱a̱ꞌátsjien nginií án.

Xo̱jo̱n Salmoo̱ 105:42

Néná jmíni̱xtjin katsꞌénchíyà ni xi índajo̱ nga sa̱ꞌínkjatjosón, xi katsóyaà Abraa̱n, kui nda̱ xi mosoo̱.

Xo̱jo̱n Salmoo̱ 106:4

Ji Ne, ngatjaꞌátsjiee̱n an kjiꞌanga ko̱kée̱ kjo̱a̱ndaxota̱a̱ kui xota̱ na̱xi̱ńdáa̱, chꞌi̱e̱xki̱ní kjiꞌanga kji̱ndi̱bé ꞌnaxiéꞌéjne̱.

Xo̱jo̱n Salmoo̱ 115:12

Néná foaꞌátsjiee̱n ñá, kó ꞌbikítsie máná kjo̱a̱niꞌánchikonñé: Tsꞌénchíkonñé xota̱ Israee̱l, tsꞌénchíkonñé chináꞌmii̱,

Xo̱jo̱n Salmoo̱ 132:1

Ji Nee̱ na̱xi̱ńdá Israee̱l xi tjiín ngaꞌniú, ngatjaꞌátsjiee̱n Ndabii̱ ko̱jo kjo̱a̱ni̱ma̱ xi jaꞌatio, ngatjaꞌátsjiee̱n ni xi katsóyàtjoón kui:

Xo̱jo̱n Salmoo̱ 136:23

Néná katsꞌénchíyájínjne̱, kjiꞌanga kamábe nga tjíniꞌánchajajne̱. ¡Ngatꞌa̱ Néná ngatsjéni̱xtjin nga tjoó ji̱n!

Xo̱jo̱n Salmoo̱ 137:7

Ni̱xtjin nga ixóndó na̱xi̱ńdáꞌniú Jerusale̱n, xota̱ tji̱e̱e̱ Endoo̱n, bi̱ katsó nga askjandáyà: «¡Ti̱ꞌankjiejnú na̱xi̱ńdaá! ¡Ngiti̱ ingojín ni ꞌbíjñá ngasejnú xi tsi̱ꞌe̱ kui na̱xi̱ńdaá!» Ji Ne, ¡ngata̱ niꞌínchíyéjín ji nga askjandáyà kui xotaa̱!

Xo̱jo̱n Salmoo̱ 29:10

Néná boá xi botixómá nga boaꞌa stséꞌniuú, Néná boá xi ngo re xi botixómá ngatsjéni̱xtjin.

Xo̱jo̱n Salmoo̱ 36:6

Kjo̱a̱kixi̱ xi niꞌín ji, bo̱a̱ má kón xikoó na̱xi̱i̱ Néná, kó kjo̱a̱botíjée̱ bo̱a̱ má kón xikoó nínga na̱nga̱a̱ ndáchíkoón. ¡Jí boá xi tichìi̱n nga síndo xota̱ nga̱sondiee̱ ko̱jo cho̱o̱!

Éksondo̱ 14:21

Kó Moisee̱ yején tsja xtji̱e̱e̱n ndáchíkoón, kó Néná katsꞌénkjaꞌa ngo tjo̱ xi ꞌniú nga ngo kui ni̱xtji̱e̱e̱n. Kó kui tjo̱o̱ jó tjín akjángá ndáchíkoón, kó ngamasiee̱n ngo ndi̱yà xí kixí kitsjien.

Éksondo̱ 15:10

Ta̱nga ji ꞌniú akjatsie ji, kó kiniꞌínkjíngándé jí ki̱a̱ ndáchíkoón. ¡Ngi̱jii̱n kui ndáfoa xi tjiín ngaꞌniuú ki̱a̱ kijíngandá xikoó chiꞌisá!

Éksondo̱ 2:24

Ta̱nga Néná kamábe kjo̱a̱ni̱ma̱ xi ndyi̱foaꞌatio, kó tsintꞌieé nga ndyi̱kjandayà nga on kjimaa̱ ni xi kjimataꞌin kui xotaa̱, kó kjiꞌá boá nga jaꞌátsjiee̱n Néná ni xi índajo̱ xota̱ xi xchaá xota̱ Israee̱l, kui xi Abraa̱n, Isaa̱ ko̱jo Jakoo̱b.

Énkjínkón 25:23

Tjo̱ xi ndibání xtji̱e̱e̱n ta̱ꞌin, kuí boá xi foeꞌejo̱ stseé, kó xota̱ xi see̱n éndísoó, kui boá xi foeꞌejo̱ kjo̱a̱xti.

Jonaa̱ 4:11

A kó niꞌínkjéjín ji nga an chjiéngá nda̱ ka̱mana ko̱jo nga ni̱ma̱ ka̱mana na̱xi̱ńdáꞌniú Nínibe̱. Kui na̱xi̱ńdáꞌniuú, úchán ko̱jo kan mi̱ ma xota̱ xi síndo, xi nde bejín mí ni xi sa̱ꞌín tsi̱ꞌe̱ nga kjo̱tjoꞌa, kó achichí cho̱ tjín kuí ngi̱ndiee̱ nga.

Xki̱ 10:9

»Kjiꞌanga kꞌuié ngo kjo̱a̱xchán, kó nga jún chjiéngá kongín ku̱i̱xkánjnú, ti̱ꞌankjaniéjnú tjioo̱, kó ngayeje ngaꞌniújnú nga chaꞌayàjnú. Kósꞌe̱ kjiꞌá boá nga an xi Nejnú kjo̱a̱ꞌátsjienna jún, kó kꞌoxiéꞌájnúꞌun ngi̱ya tsja kondra̱jnú.

Xki̱ 22:32

kó ndítsjiee̱ Néná bi̱ katsoó Balaa̱n: —Ánní nga ján ndi̱yà akjée̱ bórró chjóo̱n. Án boá xi ichjaá ndi̱ya̱à, ngatꞌa̱ sasiénjínna nga kꞌuin jí nangi Moaa̱b.

Ni xi akakoo̱ 16:19

Kó kui na̱xi̱ńdáꞌniuú ján tjín kamá, kó ngayeje na̱xi̱ńdá xí tjín nga̱sondiee̱ ixóndó, kó Néná jaꞌátsjiee̱n kui na̱xi̱ńdáꞌniú xi ꞌmí Babiloniaa̱, tsi̱ꞌe̱ nga sa̱ꞌínkꞌi binoo̱ kjo̱a̱xchán ꞌniuú Néná.

Ni xi akakoo̱ 18:5

ngatꞌa̱ jeé jè jachó ngaskande ndiꞌakꞌajmii̱, kó Néná je jaꞌátsjiee̱n ni xi ndajín xi ndyi̱tsꞌèn.