Jenesii̱s 7:21 - Xo̱jo̱n eén Néná

^21-24 Úchán ichítié ni̱xtjin tsꞌandíyaá nga jaꞌajen ndáfoaa̱. Kó bo̱a̱ tsꞌén jesón ngayeje xotaa̱, xi chjo̱on xí xi̱ꞌin. Kó ti̱ jesón ngayeje cho̱ xi ma ꞌbítji̱e̱, ko̱jo cho̱ kꞌijñá, ko̱jo cho̱ xi tjiín tsja̱nga̱, ko̱jo cho̱ xi ꞌbifé yojoo̱ nga̱són tꞌanangii̱ ko̱jo ndí cho̱ xi ꞌniú xi̱xi̱i̱. Jesón ngayeje xi síndo xi tjín nga̱sondiee̱. Ta̱kuítsí Noee̱ ko̱jo xota̱ xi nijan kisꞌińdojo̱ ngi̱ya tjotso xi ta̱nisién ꞌniú jee̱ xi kisꞌińdo ngase nga̱sondie.

Jenesii̱s 7:21 Iomraidhean Croise

Jenesii̱s 1:25

Kó Néná katsꞌénda cho̱ kꞌijñá, cho̱ xi ma ꞌbítji̱e̱, cho̱ xi ꞌbifé yojoo̱ ko̱jo ndí cho̱ xi ꞌniú xi̱xi̱i̱.

Jenesii̱s 6:13

Kuíni nga bi̱ katsoó Noee̱: «Jè katsjáa̱ko̱n an nga sa̱ꞌinkjié an ngayeje xi síndo kui nga̱sondiee̱, kó ta̱sá kꞌuijñátiya an tꞌanangii̱, ngatꞌa̱ jè ta̱nisién ndajínkjiꞌi ni xi kjima.

Jenesii̱s 6:17

Kó an sa̱ꞌinkaꞌa an ngo stsé xí ta̱nisién ꞌniú tꞌanangii̱ xi sa̱ꞌínkjié ngayeje xi síndo kui nga̱sondiee̱. ¡Ingojín xi síndo ngotꞌe̱ xi kꞌuíndo ngase!

Jenesii̱s 7:4

Ngatꞌa̱ ngotꞌe̱ yito ni̱xtjii̱n kꞌuitsꞌíyañáa̱ nga sa̱ꞌinkaꞌa an stsé nga̱són tꞌanangii̱, kó yichán ni̱xtjin yichán ni̱xtji̱e̱n nga ko̱a̱ꞌa. Kó bo̱a̱ tsꞌén sa̱ꞌinkjié an ngayeje ni xi katsꞌenda an kui nga̱sondiee̱».

Joo̱b 34:15

¡ngayeje ñá nga ko̱yà, kó chojo ka̱má nginí ngayeje xota̱ nga̱sondiee̱!

Matioo̱ 24:39

kó kamákjínjiín kui xotaa̱ ngaskande nga kjindibá stsé ꞌniuú, sꞌe̱ jesón ngándá ngayejee̱, bo̱a̱ má ka̱ma nga kjo̱e̱ꞌe ndií nda̱ xi̱ꞌii̱n.

Rkaa̱ 17:27

Xotaa̱ Iskjinie, ko̱jo katsꞌe, ko̱jo ixán, ko̱jo katsꞌénkixan xkjín, ngaskande nga Noee̱ tsꞌasꞌien ngi̱ya tjotso jee̱, sꞌe̱ kjindibá stsé ꞌniuú, kó katsꞌénkjié ngayeje xotaa̱.

Xota̱ Roma̱ 8:20

Ngatꞌa̱ ngayeje ni xi kamándaa̱ ngiti̱ jmíjiín ngaꞌniú tsi sa̱ꞌínkjatjosón ni xi tjiín nga sa̱ꞌín, jmí tsi kjo̱a̱a̱ nga bo̱a̱ tsꞌén kamámejeén, ta̱ngatꞌanií kjo̱a̱a̱ nga Néná íjñá kui kjo̱a̱chiyaá.

Xota̱ Roma̱ 8:22

Ngatꞌa̱ jè ya ñá nga ngayeje ni xi katsꞌénda Néná ndyi̱foaꞌatio kjo̱a̱ni̱ma̱ nga on kjimaa̱ ko̱jo nga xikó maá tsi̱ndi̱o̱o̱ ngo xota̱chjo̱on xí ndí stse̱én kjimaa̱.

2 Xo̱jo̱o̱n Peé 2:5

Kó Néná ti̱ katsꞌénjetakónjiín xota̱ xi kisꞌińdo ni̱xtjii̱n Noee̱, ta̱sá katsangiyaa̱ stsé ꞌniú, kó ngayejee̱ nga jesón. Néná tsꞌaxiéꞌá Noee̱, nda̱ xi akóyaá xotaa̱ nga kixi̱ tsꞌén kꞌuíndo, kó jatjoꞌa Noee̱ ko̱jo ngi yito xota̱.