Jenesii̱s 6:9 - Xo̱jo̱n eén Néná

⁹ Noee̱ ngatsjéni̱xtjin nga tsintꞌiéꞌeén Néná. Ngi̱jii̱n ngayeje xota̱ xi kisꞌie kui ni̱xtjin jàn, kisꞌiejín ingo xota̱ xi bo̱a̱ tsꞌén nda ko̱jo xi kixi̱ kamá xikoó Noee̱.

Jenesii̱s 6:9 Iomraidhean Croise

Jenesii̱s 10:1

Jaskan ngije kamá stsé xí ta̱nisién ꞌniú xi katsꞌénkjié tꞌanangii̱, jaá Noee̱ xi ꞌmí See̱n, Kaa̱n ko̱jo Jafee̱t kisꞌiee̱ ndí, kó kuí bí xi̱ꞌbi̱ xi xota̱ tji̱e̱e̱:

Jenesii̱s 17:1

Kjiꞌanga kamá ichítié ko̱jo yichán nijan noó Abra̱n, Néná jatjokjaà, kó bi̱ katsoó: «Án boá kui Ne xi tsi̱ꞌe̱ ngayeje ngaꞌniuú, ndaꞌyéꞌínní ngatsjéni̱xtjin kó kixi̱ ti̱ńtje̱ ji.

Jenesii̱s 2:4

Bi̱ tsꞌén kjindibáni nga katsꞌénda Néná nkꞌa jàn ko̱jo nga̱sondiee̱. Kui ni̱xtjin jàn,

Jenesii̱s 48:15

Kósꞌe̱ katsꞌénchikonñé Kosiee̱ nga bi̱ katsó: «Kui Néná xi Nee̱ na̱ꞌmindyiboana Abraa̱n, ko̱jo Nee̱ na̱ꞌmina Isaa̱, kui Néná xi tsꞌénbokóna ndi̱yà ngayeje ni̱xtjin nga tikòn an nga̱sondie.

Jenesii̱s 5:1

Néná katsꞌénda xota̱ nga̱sondiee̱ xikó má kjiꞌi kui, bo̱a̱ má kjiꞌi katsꞌén. Xi xi̱ꞌin ko̱jo xi chjo̱on katsꞌénda, sꞌe̱ katsꞌénchikonñé, kó «xota̱ nga̱sondie» katsoó. Kꞌi̱e̱ kjitꞌa kꞌi̱e̱e̱ xota̱ tji̱e̱e̱ Andaa̱n.

Jenesii̱s 5:22

Kó ti̱ kisꞌie ngasee̱ ndí xí xi̱ꞌin ko̱jo ndí xí ínchjín. Jaskan ngije katsen Matusalee̱n, Enoo̱k ngi ján úchán nó kisꞌijña nga̱sondie. Kó nga Enoo̱k ꞌniú tsintꞌiéꞌeén Néná, kichajá ngi̱jinꞌa̱sièn ngatꞌa̱ Néná kijíjo̱ tikón. Kó Enoo̱k ján úchán ichítié ko̱jo tjiꞌún nó kisꞌijña kui nga̱sondiee̱.

Jenesii̱s 6:10

Ján kamá ndí xí kisꞌiee̱ Noee̱ ngo xi kiꞌmí See̱n, ko̱jo ngo xi kiꞌmí Kaa̱n ko̱jo ngo xi kiꞌmí Jafee̱t.

Jenesii̱s 7:1

Kósꞌe̱ Néná bi̱ katsoó Noee̱: «Ngi̱jii̱n ngayeje xota̱ xi tjín kuí ni̱xtjin xi̱ꞌbi̱, jè kamábe an nga ta̱ jí tsí xi nda ji xota̱, kuíni nga ti̱tjásꞌi̱e̱njnú ngi̱ya kui tjotso xi ta̱nisién ꞌniú jee̱, ji ko̱jo xota̱ ndiꞌàa̱.

Joo̱b 1:1

Ki̱a̱ nangi Uu̱ kisꞌijña ngo nda̱ xi kiꞌmí Joo̱b xi achichí ndaxota̱ ko̱jo kixi̱ kamá. Ngatsjéni̱xtjin nga kamábendikón Néná, kó chiíjín katsꞌén ni xi ndajín.

Joo̱b 1:8

—Kótsꞌèn niꞌínkjé jí kjo̱a̱a̱ Joo̱b, nda̱ xi tsꞌénxátꞌana xi achichí ꞌniáko̱n an. Jmíjín ingo nda̱ ngayeje kui nga̱sondiee̱ xi bo̱a̱ tsꞌén ndaxota̱ ko̱jo xi kixi̱ xikoó Joo̱b. Ngatsjéni̱xtjin nga ntꞌiéꞌénna, kó chiíjín tsꞌén ni xi ndajín.

Joo̱b 12:4

»Ngasꞌe̱, kjiꞌanga tsíchji̱a̱a̱ Néná, ngatsjéni̱xtjin nga katsꞌénsénna, ta̱nga ngotꞌe̱ ꞌne̱, ngaskande já amingo̱na mojnókiena, ngayeje xotaa̱ mojnókiena ndatsi kixi̱ an.

Xo̱jo̱n Salmoo̱ 37:37

Nda nda má ti̱ꞌinkjé jí ko̱jo tsitsíjìi̱n xota̱ xi kixi̱i̱, ngatꞌa̱ achichí nda fetꞌani ni̱xtjii̱n kui nda̱ xi tjiín kjo̱a̱xioó,

Xo̱jo̱n Salmoo̱ 37:39

Néná boá xi tsjaá kjo̱a̱ꞌnaxiéꞌá xota̱ xi kixi̱i̱. Néná boá xi tsja̱angaꞌniuú ni̱xtjin xi ndajiín.

Énkjínkón 4:18

»Ta̱nga ndi̱yà xí tjimáyà xota̱ xi kixi̱i̱, ꞌna̱ ma xikoó nda̱a̱ ndiꞌí xí ya nga ndibáꞌásie̱én: kó saꞌniú sáꞌniú ngase ma ꞌna̱, ngaskande nga ma ndisꞌueé.

Eklesiastee̱ 7:20

Ta̱nga nga ja̱koxi̱, jmíjín kui nga̱sondiee̱ ngo xota̱ xi kixi̱, xi sa̱ꞌín ni xi ndaa̱, ko̱jo xi jmíni̱xtjin sa̱ꞌínjé.

Rkaa̱ 1:6

Nga joó nga kixi̱ kisꞌiṉtso̱ma ngindyi̱ko̱n Néná, kó jmíjín xi chꞌo tsꞌén tsíchji̱a̱taꞌin, ngatꞌa̱ katsꞌénkjatjosón kjo̱a̱botíxomaa̱ ko̱jo kjo̱a̱kitii̱ Néná.

Rkaa̱ 2:25

Kó ki̱a̱ na̱xi̱ńdáꞌniú Jerusale̱n kisꞌijña ngo nda̱ xi ꞌmí Simeoo̱n xi tikónjii̱n A̱si̱énni̱xtjii̱n Néná, ngo nda̱ xi kixi̱ ko̱jo xi ni̱ma̱takón kamá, xi tsꞌénkoyaa̱ nga Néná kꞌo̱xiéꞌá xota̱ Israee̱l,

Rkaa̱ 23:50

Kó ngo nda̱ xi ꞌmí Kosie̱, xi chji̱a̱ni na̱xi̱ńdáꞌniú Arimatea̱, xi chji̱a̱ni Jundea̱, xi tjiín xá, xi ndaxota̱ ko̱jo xi kixi̱,

Ni xi kamá 10:22

Kó kui jaá, bi̱ katsoó: –Nda̱jun ngito̱ko̱ xi ꞌmí Korniee̱ xí katsangiyajne̱, ngo nda̱ xi kixi̱ ko̱jo xi bendikón Néná xi nda tjindókjo̱a̱ kjo̱a̱a̱ kui ngayeje na̱xi̱ńdaá xota̱ jundíoo̱, kó ngo ndítsjiee̱ Néná katsóyaà kui nda̱a̱ nga ku̱i̱chji̱a̱a̱ ji, tsi̱ꞌe̱ nga kꞌuin jí ndiꞌaa̱, kó kuí ku̱i̱ntꞌie̱é ni xi ko̱ndókjo̱e̱je.

Xota̱ Roma̱ 1:17

Ngatꞌa̱ éntjatsi̱e̱e̱ bokóní xikótsꞌèn nga Néná tsjaá xotaa̱ nga kixi̱ ka̱ma ngindyi̱ko̱n kui, ta̱ngatꞌanii̱ nga sꞌijii̱n. Bo̱a̱ ma ngatꞌa̱ sꞌijii̱n, xikótsꞌèn kjitꞌa xo̱jo̱n eén Néná: “Xi kixi̱ ngindyi̱ko̱n Néná, ta̱ngatꞌanií nga sꞌijii̱n nga kꞌuijñáni nga̱sondie.”

Xota̱ Ngalasia̱ 3:11

Kó tikón tsijen tsijen nga ta̱ꞌyajínni xi xcha̱ nga kixi̱ kjo̱a̱a̱ nga sa̱ꞌínkjatjosón kjo̱a̱kitii̱, ngatꞌa̱ bi̱ tsó xo̱jo̱n eén Néná: “Nda̱ xi kixi̱ ngindyi̱ko̱n, Néná ta̱ngatꞌanií kjo̱a̱sꞌijii̱n nga kꞌuijñáni.”

Xota̱ Ebreo̱ 11:7

Ta̱ngatꞌanii̱ kjo̱a̱sꞌijii̱n Noee̱ nga kjiꞌanga Néná katsóyaà ni xi sꞌe̱ ka̱ma xi nde kji̱e̱ yàjín, Noee̱ kamándikoón, kó katsꞌénkjatjosón nga katsꞌénda ngo tjotso xi je, tsi̱ꞌe̱ nga jatjoꞌa xota̱ ndiꞌaa̱, kó ta̱ngatꞌanii̱ kui kjo̱a̱sꞌijii̱n nga Noee̱, akó nga Néná sa̱ꞌínkjié xota̱ xi ngasee̱, kó Noee̱ kasakoo̱ kjo̱a̱kixi̱i̱, kui kjo̱a̱kixi̱ xi ndibánií nga sꞌijinná Néná.

1 Xo̱jo̱o̱n Peé 2:5

ko̱jo jún kjimajnú xikoó ndi̱jo̱ xi síndo tikón, kó Néná boá xi iskjininkꞌajnú xikoó ngo na̱ngo̱xi̱ xi jmí tsi kui nga̱sondiee̱ chji̱a̱ni, bo̱a̱ tsꞌén nga jún boá xi kiniꞌánjnú xikoó chináꞌmi tsjiee̱ Néná, xi tsꞌenkꞌásꞌieén kjo̱a̱tjó xi tsja maa̱ Néná ngatꞌaa̱ Jesukristoo̱.

2 Xo̱jo̱o̱n Peé 2:5

Kó Néná ti̱ katsꞌénjetakónjiín xota̱ xi kisꞌińdo ni̱xtjii̱n Noee̱, ta̱sá katsangiyaa̱ stsé ꞌniú, kó ngayejee̱ nga jesón. Néná tsꞌaxiéꞌá Noee̱, nda̱ xi akóyaá xotaa̱ nga kixi̱ tsꞌén kꞌuíndo, kó jatjoꞌa Noee̱ ko̱jo ngi yito xota̱.