Jenesii̱s 6:7 - Xo̱jo̱n eén Néná

⁷ Kuíni nga bi̱ katsó: «¡Sa̱ꞌinkjié an ngayeje xota̱ nga̱sondie xi katsꞌenda an! ¡Sa̱ꞌinkjié an ngayeje xotaa̱, ko̱jo ngayeje cho̱o̱! ¡Achichí ndasen mana nga katsꞌenda an!»

Jenesii̱s 6:7 Iomraidhean Croise

Jenesii̱s 6:6

achichí ndasen kamaá nga katsꞌénda xota̱ kui tꞌanangii̱, kó on kamaá ini̱ma̱a̱.

Jenesii̱s 7:21

Úchán ichítié ni̱xtjin tsꞌandíyaá nga jaꞌajen ndáfoaa̱. Kó bo̱a̱ tsꞌén jesón ngayeje xotaa̱, xi chjo̱on xí xi̱ꞌin. Kó ti̱ jesón ngayeje cho̱ xi ma ꞌbítji̱e̱, ko̱jo cho̱ kꞌijñá, ko̱jo cho̱ xi tjiín tsja̱nga̱, ko̱jo cho̱ xi ꞌbifé yojoo̱ nga̱són tꞌanangii̱ ko̱jo ndí cho̱ xi ꞌniú xi̱xi̱i̱. Jesón ngayeje xi síndo xi tjín nga̱sondiee̱. Ta̱kuítsí Noee̱ ko̱jo xota̱ xi nijan kisꞌińdojo̱ ngi̱ya tjotso xi ta̱nisién ꞌniú jee̱ xi kisꞌińdo ngase nga̱sondie.

Jenesii̱s 7:4

Ngatꞌa̱ ngotꞌe̱ yito ni̱xtjii̱n kꞌuitsꞌíyañáa̱ nga sa̱ꞌinkaꞌa an stsé nga̱són tꞌanangii̱, kó yichán ni̱xtjin yichán ni̱xtji̱e̱n nga ko̱a̱ꞌa. Kó bo̱a̱ tsꞌén sa̱ꞌinkjié an ngayeje ni xi katsꞌenda an kui nga̱sondiee̱».

Jenesii̱s 8:21

Kó Néná ngije jaꞌándá sije̱n sije̱e̱n kui nii̱, bi̱ katsó ngi̱jin ini̱ma̱a̱: «Ndatsi xota̱ nga̱sondiee̱ ndajín ni xi tsꞌénkjó ngi̱jin ini̱ma̱a̱ ndeskande koó nga kjindí, nginijánjín kotijée̱ nga sa̱ꞌinkjié an tꞌanangii̱ ta̱ngatꞌanii̱ xota̱ nga̱sondiee̱, xikó je katsꞌen an.

Xo̱jo̱n Salmoo̱ 37:20

Ta̱nga xota̱ xi ndajiín kju̱i̱e̱, ¡kó xota̱ xi kondraa̱ Néná kju̱i̱e̱, xikótsꞌèn fe xinieé cho̱tsa̱nga̱a̱, kó xcha̱ja ngi̱jinꞌa̱sie̱èn xikó maá ṉdi̱i̱!

Énkjínkón 10:27

Xota̱ xi bendikón Néná, achichí kjín nó ka̱maa̱, ta̱nga xota̱ xi ꞌniú ndajiín, nde tsiejín ka̱maa̱ nga kꞌuíndo nga̱sondie.

Énkjínkón 16:4

Tjín ngo kjo̱a̱ nga Néná katsꞌénda ngayeje nii̱, ¡kó ngaskande xota̱ xi ꞌniú ndajiín, kamánda tsi̱ꞌe̱ ni̱xtjin nga ka̱majeé!

Ndeuteronomio̱ 28:63

Ngotꞌe̱ ꞌne̱ Néná achichí tsjátjiín kjo̱a̱a̱ jún, kó nda tsꞌénjo̱jnú, kó kuí boá xi tjítsꞌén nga kjimakjín ngasejnú, ta̱nga tsi ko̱nda̱ꞌyáꞌénjínjnúu̱, Néná achichí tsjá ka̱maa̱ nga sa̱ꞌínkjiéjnú, kó ko̱ngatji̱ngi kjo̱a̱ꞌniújnú ki̱a̱ tꞌanangi xi ngotꞌe̱ tsꞌéntsjájnú.

Ndeuteronomio̱ 29:20

ta̱nga Néná sa̱ꞌínjetakónjiín, ta̱sá sa̱ꞌín nga kui kji̱ndi̱bánié ngayeje ni xi ndajín xi tsáyà kui xo̱jo̱o̱n, ko̱jo nga xtjo̱ꞌóxíntꞌaa̱ xota̱ tji̱e̱e̱, ko̱jo nga ko̱yà ngaskande xota̱ tji̱e̱ xi fetꞌani xi jaskan kꞌuieé. ¡Néná achichí ꞌniú ko̱tíjeé!