Jenesii̱s 6:5 - Xo̱jo̱n eén Néná

⁵ Kó xi chjo̱on xí xi̱ꞌin xi kisꞌińdo kui nga̱sondiee̱ saꞌniú sáꞌniú ndajínkjiꞌi ni xi katsꞌén, kó ngatsjéni̱xtjin katsꞌénkjó nga ta̱soboá ni xi ndajín xí sa̱ꞌín. Kó kjiꞌanga Néná kamábe nga ta̱nisién ndajín kjima kui xotaa̱,

Jenesii̱s 6:5 Iomraidhean Croise

Jenesii̱s 13:13

Ta̱nga xota̱ xi chji̱a̱ni na̱xi̱ńdáꞌniú Sondoma̱ achichí nga ndajín kamá, kó achichí jé katsꞌén kondra̱a̱ Néná.

Jenesii̱s 8:21

Kó Néná ngije jaꞌándá sije̱n sije̱e̱n kui nii̱, bi̱ katsó ngi̱jin ini̱ma̱a̱: «Ndatsi xota̱ nga̱sondiee̱ ndajín ni xi tsꞌénkjó ngi̱jin ini̱ma̱a̱ ndeskande koó nga kjindí, nginijánjín kotijée̱ nga sa̱ꞌinkjié an tꞌanangii̱ ta̱ngatꞌanii̱ xota̱ nga̱sondiee̱, xikó je katsꞌen an.

Joo̱b 15:16

Akja̱ꞌmíra̱ xota̱ nga̱sondiee̱ ka̱maꞌniátakón, nga be nga ndajín ko̱jo nga chꞌo, nga xikoó tsi xíndaá nga ni xi ndajín mejeén sa̱ꞌín.

Joo̱b 22:15

»A mejeénri ki̱a̱ kꞌuíntjíngí ji ndi̱yà xchá xí kisꞌiṉtso̱ma xota̱ xi ꞌniú ndajiín.

Xo̱jo̱n Salmoo̱ 53:2

Néná, ndeskande nkꞌajmii̱, kotsijee̱n xota̱ nga̱sondiee̱, tsi̱ꞌe̱ nga sku̱i̱e̱ tsi tjín xí ka̱makjiín, ko̱jo tsi tjín xí mejeén ko̱ngase Néná.

Énkjínkón 6:18

xota̱ xi tsꞌénkjó ni xi ꞌniú ndajín, xota̱ xi achichí ni xi kjimaa̱ nga tsá tsꞌén ni xi ndajín,

Eklesiastee̱ 7:29

Ta̱kuitoto kui nii̱ xi kasakona: nga Néná kixi̱tsꞌèn katsꞌénda xota̱ nga̱sondiee̱, ta̱nga xota̱ nga̱sondiee̱ boá xi tsꞌenníꞌiín kjo̱a̱mindyioo̱n.

Eklesiastee̱ 9:3

Kuí bí kui ni xi ndajiín xi ma kui nga̱sondiee̱, nga ngayeje xotaa̱ ti̱kuíní ni xi maa̱, ko̱jo nga xota̱ nga̱sondiee̱ ngi̱jin ini̱ma̱a̱ tjikítsie maá ni xi ndajín, ko̱jo kjo̱a̱chi̱ni, ngayeje ni̱xtjin nga síndo kui nga̱sondiee̱, kósꞌe̱ nga fetꞌani ꞌme ꞌne̱ ngijee̱.

Matioo̱ 15:19

Ngatꞌa̱ ngi̱jin ini̱ma̱a̱ xotaa̱ ndibánií nga ni xi chꞌokjiꞌi tsꞌénkjó, xikoó xota̱ xi ndyi̱tsꞌèntꞌaa̱ kjo̱a̱ xkjín, ko̱jo xota̱ xi tondo̱, ko̱jo xota̱ xi ndyi̱tsꞌènchéjé, ko̱jo xota̱ xi ndyi̱ꞌboṉcha̱, ko̱jo xota̱ xi chꞌo a.

Matioo̱ 24:37

Ngatꞌa̱ xikó kamá ni̱xtjin nga kisꞌijña Noee̱, bo̱a̱ má ka̱ma nga kjo̱e̱ꞌe ndií nda̱ xi̱ꞌii̱n.

Rkaa̱ 17:26

Kó xikó kamá ni̱xtjin nga kisꞌijña Noee̱, bo̱a̱ má ka̱ma ni̱xtjin nga kjo̱e̱ꞌe ndií nda̱ xi̱ꞌii̱n.

Ndeuteronomio̱ 29:19

»Ki̱a̱jiín ni xi tsꞌénkjó ngo xota̱ xi ntꞌié kjo̱a̱botíxomaa̱ kui kjo̱a̱ꞌbíndaa̱, kó sꞌijii̱n nga jmí ni ka̱májiín tsi ku̱i̱ntꞌiéꞌénjín. Kui xotaa̱, kuí boá xi tjiín jé nga Néná ko̱tíjeé ngayeje xota̱ Israee̱l,

Titoo̱ 3:3

Ngatꞌa̱ ngasꞌe̱ ti̱ bo̱a̱ ti̱ tsꞌén ñá, xota̱ chi̱ni kamá ko̱jo kandaꞌyáꞌénjín ñá, kisꞌiṉtso̱ma kichajá, kó mosoo̱ ngayeje to̱ko̱ya kjo̱a̱tsjaa̱ yojoná xi mejeén ini̱ma̱ná kamá, kó ngi̱jii̱n ni xi ndajiín, ko̱jo ngi̱jii̱n kjo̱a̱ꞌontakoón kixindyionjìn, kó ñá kiniꞌánchꞌó, kó ti̱ kiniꞌánchꞌóná ñá.

1 Xo̱jo̱o̱n Peé 3:20

kui xi tsintꞌiéꞌénjín ni̱xtjin nga kisꞌijña Noee̱, kjiꞌanga Néná askoyá sakon sakoo̱n nga sa̱ꞌínkꞌoyà yojoo̱ xotaa̱, tji̱e̱nga kjimanda tjotso jee̱. Jin ma xota̱ xi jatjoꞌaa̱ yojoo̱ nga jesón ngándájín ngi̱jin ndáfoaa̱.