Jenesii̱s 6:17 - Xo̱jo̱n eén Néná

¹⁷ Kó an sa̱ꞌinkaꞌa an ngo stsé xí ta̱nisién ꞌniú tꞌanangii̱ xi sa̱ꞌínkjié ngayeje xi síndo kui nga̱sondiee̱. ¡Ingojín xi síndo ngotꞌe̱ xi kꞌuíndo ngase!

Jenesii̱s 6:17 Iomraidhean Croise

Jenesii̱s 2:7

Kó Néná iskjíbé chií chojo, kó kui nii̱ xi katsꞌéndani ngo nda̱, kó askjonomójón ṉtjo̱n nga katsjaá kjo̱a̱mindyion, kó bo̱a̱ tsꞌén nga ngo xota̱ xi tikón kamá ngijee̱.

Jenesii̱s 6:13

Kuíni nga bi̱ katsoó Noee̱: «Jè katsjáa̱ko̱n an nga sa̱ꞌinkjié an ngayeje xi síndo kui nga̱sondiee̱, kó ta̱sá kꞌuijñátiya an tꞌanangii̱, ngatꞌa̱ jè ta̱nisién ndajínkjiꞌi ni xi kjima.

Jenesii̱s 6:7

Kuíni nga bi̱ katsó: «¡Sa̱ꞌinkjié an ngayeje xota̱ nga̱sondie xi katsꞌenda an! ¡Sa̱ꞌinkjié an ngayeje xotaa̱, ko̱jo ngayeje cho̱o̱! ¡Achichí ndasen mana nga katsꞌenda an!»

Jenesii̱s 7:17

Kó yichán ni̱xtjin yichán ni̱xtji̱e̱n kijínkꞌá ndáfoaa̱. Achichí ꞌniú nkꞌa kijínijíngí ndáfoaa̱ nga ngaskande na̱xi̱ xi ꞌniú nkꞌaá ngi yito metro̱ nkꞌa ngase kisꞌingandá. Kó kui tjotso xi ta̱nisién ꞌniú jee̱ kitsjiensón nga̱són ndáfoaa̱, kó xikótsꞌèn tjisíkitsie ndáfoaa̱, ti̱ bo̱a̱ ti̱ tsꞌén katjoninkꞌa kui tjotsoo̱ nga.

Jenesii̱s 7:4

Ngatꞌa̱ ngotꞌe̱ yito ni̱xtjii̱n kꞌuitsꞌíyañáa̱ nga sa̱ꞌinkaꞌa an stsé nga̱són tꞌanangii̱, kó yichán ni̱xtjin yichán ni̱xtji̱e̱n nga ko̱a̱ꞌa. Kó bo̱a̱ tsꞌén sa̱ꞌinkjié an ngayeje ni xi katsꞌenda an kui nga̱sondiee̱».

Jenesii̱s 9:9

«Ngotꞌe̱ ꞌne̱ kꞌi̱e̱ tsꞌénꞌbindajo̱jnúꞌun ngo ni, jún ko̱jo xota̱ tji̱e̱jnú,

Joo̱b 22:16

Ngatjaꞌátsjiee̱n nga kui xotaa̱ achichí ngindie ni̱xtjin nga jesón, ngatꞌa̱ xikoó tsi ndáfoaa̱ ndejeèꞌ kijítjiboajo̱.

Xo̱jo̱n Salmoo̱ 107:34

ta̱nga nangi xi ndaa̱, nangi xi ndajín katsꞌén, ngatꞌa̱ kui xota̱ xi ki̱a̱ kisꞌińdoo̱, xota̱ xi ꞌniú ndajín boá,

Xo̱jo̱n Salmoo̱ 29:10

Néná boá xi botixómá nga boaꞌa stséꞌniuú, Néná boá xi ngo re xi botixómá ngatsjéni̱xtjin.

Éksondo̱ 14:17

Ngatꞌa̱ án boá xi sa̱ꞌin tajá án ini̱ma̱a̱ an xota̱ Ejiptoo̱ tsi̱ꞌe̱ nga ko̱e̱je̱tji̱ngijnú, kósꞌe̱ kjiꞌá boá nga sa̱ꞌinkjié an. Kó ngije katsꞌée̱n nda̱ ree̱ ko̱jo ngayeje juu̱n ko̱jo karretaa̱, xota̱ Ejiptoo̱ sku̱i̱e̱ nga án boá xi Nee̱ xota̱ Israee̱l. ¡Kokomáráa̱ ngaꞌniú tsie xi tjínna!

Lebitiko̱ 26:28

án má xi skjanjo̱jnúꞌun, kó tsie ngase kotijéjnúꞌun xikó kjiꞌi tsoboaá jé xí kiniꞌánjnú.

Matioo̱ 24:39

kó kamákjínjiín kui xotaa̱ ngaskande nga kjindibá stsé ꞌniuú, sꞌe̱ jesón ngándá ngayejee̱, bo̱a̱ má ka̱ma nga kjo̱e̱ꞌe ndií nda̱ xi̱ꞌii̱n.

Rkaa̱ 17:27

Xotaa̱ Iskjinie, ko̱jo katsꞌe, ko̱jo ixán, ko̱jo katsꞌénkixan xkjín, ngaskande nga Noee̱ tsꞌasꞌien ngi̱ya tjotso jee̱, sꞌe̱ kjindibá stsé ꞌniuú, kó katsꞌénkjié ngayeje xotaa̱.

Xota̱ Roma̱ 5:21

Ngatꞌa̱ xikótsꞌèn ta̱ngatꞌanii̱ jeé nga atíxoma kjo̱a̱bo̱yaa̱ kó katsꞌénkꞌién xotaa̱, ti̱ bo̱a̱ ti̱ tsꞌén ngatatixómá kjo̱a̱ndaa̱ Néná, tsi̱ꞌe̱ nga kixi̱ ka̱ma xotaa̱ ngi̱yaa̱ kjo̱a̱mindyion ngatsjéni̱xtjii̱n ngatꞌaa̱ Ndi̱a̱ná Jesukristoo̱.

Xota̱ Roma̱ 6:23

Ngatꞌa̱ chjií jeé kjo̱a̱bo̱yaa̱ boá, ta̱nga kjo̱a̱ndaa̱ Néná kjo̱a̱mindyion ngatsjéni̱xtjii̱n boá ngatꞌaa̱ Kristo̱ Kjisoo̱, kui xi Ndi̱a̱ná.

Ndeuteronomio̱ 32:39

¡Ngatamakjínjnú ngotꞌe̱ ꞌne̱ nga an ta̱ ngo tsi má an xi Nejnú! Ta̱ an tsí xi tsꞌendaya an nínga oo̱n, ¡ta̱ an tsí xi tsja an kjo̱a̱mindyion, kó ta̱ an tsí xi ka̱ma kjoaꞌaxín an! ¡Ngojín xi ka̱maa̱ kjo̱tjongii̱ yojoo̱!

Xota̱ Ebreo̱ 11:7

Ta̱ngatꞌanii̱ kjo̱a̱sꞌijii̱n Noee̱ nga kjiꞌanga Néná katsóyaà ni xi sꞌe̱ ka̱ma xi nde kji̱e̱ yàjín, Noee̱ kamándikoón, kó katsꞌénkjatjosón nga katsꞌénda ngo tjotso xi je, tsi̱ꞌe̱ nga jatjoꞌa xota̱ ndiꞌaa̱, kó ta̱ngatꞌanii̱ kui kjo̱a̱sꞌijii̱n nga Noee̱, akó nga Néná sa̱ꞌínkjié xota̱ xi ngasee̱, kó Noee̱ kasakoo̱ kjo̱a̱kixi̱i̱, kui kjo̱a̱kixi̱ xi ndibánií nga sꞌijinná Néná.

1 Xo̱jo̱o̱n Peé 3:20

kui xi tsintꞌiéꞌénjín ni̱xtjin nga kisꞌijña Noee̱, kjiꞌanga Néná askoyá sakon sakoo̱n nga sa̱ꞌínkꞌoyà yojoo̱ xotaa̱, tji̱e̱nga kjimanda tjotso jee̱. Jin ma xota̱ xi jatjoꞌaa̱ yojoo̱ nga jesón ngándájín ngi̱jin ndáfoaa̱.

2 Xo̱jo̱o̱n Peé 2:5

Kó Néná ti̱ katsꞌénjetakónjiín xota̱ xi kisꞌińdo ni̱xtjii̱n Noee̱, ta̱sá katsangiyaa̱ stsé ꞌniú, kó ngayejee̱ nga jesón. Néná tsꞌaxiéꞌá Noee̱, nda̱ xi akóyaá xotaa̱ nga kixi̱ tsꞌén kꞌuíndo, kó jatjoꞌa Noee̱ ko̱jo ngi yito xota̱.