Jenesii̱s 6:13 - Xo̱jo̱n eén Néná

¹³ Kuíni nga bi̱ katsoó Noee̱: «Jè katsjáa̱ko̱n an nga sa̱ꞌinkjié an ngayeje xi síndo kui nga̱sondiee̱, kó ta̱sá kꞌuijñátiya an tꞌanangii̱, ngatꞌa̱ jè ta̱nisién ndajínkjiꞌi ni xi kjima.

Jenesii̱s 6:13 Iomraidhean Croise

Jenesii̱s 49:5

»Simeoo̱n ko̱jo Lebii̱, jún xí xikónií cho̱ tamá xi ꞌbé ngindie kꞌijñá jàn, nga ngatsjéni̱xtjin kjánjo̱xchánná.

Jenesii̱s 6:14

Kó kuíni nga ti̱ꞌinde ji ngo tjotso xi ta̱nisién ꞌniú je, xi yá ti̱ꞌindeje̱ ji. Kó nitsatja tjajin ji xtji̱e̱e̱n ngi̱yaa̱ ko̱jo xtji̱e̱e̱n nga̱xto̱n tsi̱ꞌe̱ nga jmí ndáfoa kꞌo̱sꞌienjín, kó kjín ndiè tꞌíchjekjáyée̱ ngi̱yaa̱.

Jenesii̱s 6:4

Ndií Néná kisꞌińdojo̱ ndí ínchjiín xota̱ nga̱sondiee̱ kó kisꞌiee̱ ndí, kó kuí bí kuí ndií xi xota̱ xi ta̱nisién nkꞌa ko̱jo yiꞌi kamá. Kó kui xotaa̱ xi ꞌniú kamáyàndikón kjo̱a̱a̱ ni nda xi katsꞌén kui ni̱xtjin jàn.

Jenesii̱s 7:21

Úchán ichítié ni̱xtjin tsꞌandíyaá nga jaꞌajen ndáfoaa̱. Kó bo̱a̱ tsꞌén jesón ngayeje xotaa̱, xi chjo̱on xí xi̱ꞌin. Kó ti̱ jesón ngayeje cho̱ xi ma ꞌbítji̱e̱, ko̱jo cho̱ kꞌijñá, ko̱jo cho̱ xi tjiín tsja̱nga̱, ko̱jo cho̱ xi ꞌbifé yojoo̱ nga̱són tꞌanangii̱ ko̱jo ndí cho̱ xi ꞌniú xi̱xi̱i̱. Jesón ngayeje xi síndo xi tjín nga̱sondiee̱. Ta̱kuítsí Noee̱ ko̱jo xota̱ xi nijan kisꞌińdojo̱ ngi̱ya tjotso xi ta̱nisién ꞌniú jee̱ xi kisꞌińdo ngase nga̱sondie.

Jenesii̱s 7:4

Ngatꞌa̱ ngotꞌe̱ yito ni̱xtjii̱n kꞌuitsꞌíyañáa̱ nga sa̱ꞌinkaꞌa an stsé nga̱són tꞌanangii̱, kó yichán ni̱xtjin yichán ni̱xtji̱e̱n nga ko̱a̱ꞌa. Kó bo̱a̱ tsꞌén sa̱ꞌinkjié an ngayeje ni xi katsꞌenda an kui nga̱sondiee̱».

Jenesii̱s 8:21

Kó Néná ngije jaꞌándá sije̱n sije̱e̱n kui nii̱, bi̱ katsó ngi̱jin ini̱ma̱a̱: «Ndatsi xota̱ nga̱sondiee̱ ndajín ni xi tsꞌénkjó ngi̱jin ini̱ma̱a̱ ndeskande koó nga kjindí, nginijánjín kotijée̱ nga sa̱ꞌinkjié an tꞌanangii̱ ta̱ngatꞌanii̱ xota̱ nga̱sondiee̱, xikó je katsꞌen an.

Xota̱ Ebreo̱ 11:7

Ta̱ngatꞌanii̱ kjo̱a̱sꞌijii̱n Noee̱ nga kjiꞌanga Néná katsóyaà ni xi sꞌe̱ ka̱ma xi nde kji̱e̱ yàjín, Noee̱ kamándikoón, kó katsꞌénkjatjosón nga katsꞌénda ngo tjotso xi je, tsi̱ꞌe̱ nga jatjoꞌa xota̱ ndiꞌaa̱, kó ta̱ngatꞌanii̱ kui kjo̱a̱sꞌijii̱n nga Noee̱, akó nga Néná sa̱ꞌínkjié xota̱ xi ngasee̱, kó Noee̱ kasakoo̱ kjo̱a̱kixi̱i̱, kui kjo̱a̱kixi̱ xi ndibánií nga sꞌijinná Néná.

1 Xo̱jo̱o̱n Peé 4:7

Jè kjimatiñaa̱ nga kju̱i̱e̱ ngayeje ni xi tjiín, kuíni nga nda tsꞌén ti̱ꞌankjójnú nga ndókjo̱a̱jnúu̱ Néná, kó nda chónjnúu̱ nga si̱ꞌánjnú kui nii̱.